BOTHUBO 6:9 - BAIBEL (BSI)

^9-10 Hipaqono Noha laghaqo: Pano anu kuthu shie, Shem ngo Ham eno Jafet. Noha ye pano tiqhelimi gholo pa likhino amikuchou eno kikhikighiue, paye Alhou sasu kuposhughi xu ache.

Sumi Naga CL (Re-edited) Bible (BSI)

⁹ Hipaqo no Noah kughukomi. Noah ye amikuchomi lakhi, pano tiqheli lo tukutiye küha kemike.

BOTHUBO 6:9 ပူးပေါင်းရင်းမြစ်များ

BOTHUBO 10:1

Hipaqono Noha nuliqo laghae: Shem ngo Ham eno Jafet. Azuyimi thiu panonguno ati anuli punue.

BOTHUBO 17:1

Abram no ampe lhotoku toku shi akelo, AMPEU no pa lau ipeghino pa vilo pi, “Niye Tuchomujokulu Lhoue,

BOTHUBO 2:4

Hipaqono atsutsu ngo ayeghi lhokelo ikoighi keqoe. AMPEU Alhou no ayeghi eno atsutsu mlakelo,

BOTHUBO 48:15

Pano panongu kumghatsu eno ishi pi: “Alhou khipau zulo ipuasu Abraham ngo Isak no xuche keno, Alhou khipauno ikuxu kupuju ishi kutolo ikhe heju anikeno.

BOTHUBO 5:1

Hino Adam polo kughuko kakue. Alhou no Adam lhoke tsala lono Alhou kimihi lono pa lhoe.

BOTHUBO 5:22

Tipathiu Enok ye Alhou sasu kuposhughi ampe 300 xue eno ati anuli kutami kutomo lhoe

BOTHUBO 5:24

Enok ye Alhou sasu kuposhughi xuche kehu, pa juthumlave, kughengu Alhou no pa sawuveke.

BOTHUBO 7:1

AMPEU no Noha vilo pi, “No eno okibolomi kumtsu ashukaki lo ilovelo, kughengu hipau tiqhelimi gholo olikhino izulo amikuchou shi aghi keu ino ithulue.

SAMUEL AKINIU 22:24

Niye akuiqu kuhapi pano ithi ani, kughengu ino akipimi kumlaqo lono tsughusu wuve cheni.

KUKAMI ATUGHIU 3:6

Solomon no khochile, “Nono ipu David oqeu lau kimiyekeu kije piye, paye osasu akivishi aghokulu shi eno amikucho qholono xuche. Nono tamo mitheno pa kimiye keu michipu kije kiqi lono anu lakhi pa tsue, tiye ishi pa zuqhushi ayehpe akeuke.

YEKIKITHI AKINIU 15:17

Asa ye asu-atu kumlla-a kumtsu shipusamoe pi namu paye pa kuxu kupujulo AMPEU lau amikucho shi acheke.

YEKIKITHI AKINIU 25:2

Paye AMPEU mlo kiqhipu shike ikemu tipau shinishimo qhiyi shike.

JOB 1:1

Khaghi Uz ghakhulo Job ipikeu ache. Paye Alhou sumsa kemi eno tichetighemi kumo ikemu akumzumi eno lhoksakugha lono tsughuve chekemi.

JOB 1:8

Tileno AMPEU no Satan vilo pi, “Noye iqeu Job jukutoju akema? Kughengu pa toi kemi amikucho, achipiu kuxu xukemi eno axine theqikulumi lakhimu ayeghilo kuhae.”

JOB 12:4

Ikeghi, niye ishounoqo zukutunupu shi auvae, puzuuye Alhou vilo inikhu kelo ikhochiletsu chekehu! Niye atiche kuha eno amikucho shi anamu azukutunupu kughulhovae.

LESHELE 37:37

Timi kivimi jupe pualo, amikuchomi jukuto kughoilo; iqughaikemiye atianuli achenike,

LESHELE 37:39

AMPEU no amikuchomi xalu cheni eno shiluksa ghulokilo panoqo susho cheni.

AHOLE 4:18

Amikuchomino izuchekeu laghiye tsukinhe ipeche ke toike, atsala ipeghimoke kutolo vuqai kithe eno vuqai kithe acheni.

YETSAPIU 7:20

Ayeghilo timi khuumu ado kumtsulo achipiu shilu eno shipimi mokemi lakhimu kuhae.

EZEKEL 14:14

Noha ngo Danel eno Job pano kuthuno tilehi xuaghi namu panonguno akivipu shikeuye pano kuxu likhi xaluve nani.” Akughushu MPEU no pivae.

EZEKEL 14:20

eno Noha ngo Danel eno Job pano kuthu tilehi xuaghi namu, kuchouno ni Akughushu MPEU ye xuachekeu Lhou ke, panonguye pano tianuli namu xamla nani. Panonguno akivipu shichekeu huye pano kuxu xalukeu likhi shi nani.”

HABAKUK 2:4

Atsape huye hike: ‘Khunoqono alhoksa keno puxumo nani ikemu khunoqono amikucho keno xulu nani kughengu panonguye Alhou lau amikucho shi achenike.’ ”

Luke 1:6

Pama kini kujo Alhou zulo amikuchoshi xu ache eno Ampeu no ahza eno ayeh tsukeu aghokulu shi peche.

Luke 2:25

Jerusalem lo timi lakhi ache, pa jeye Simon; timi hipauye akivimi, Alhou sukumsami, Israil lokughunotsu nikeu tsala huqhe ache eno Aghungu Kimthe no pa shou ae.

Luke 23:50

Judami phu Arimathia ipikeulo Josef ache. Paye kivimi eno kutamino gihukemi lakhi eno Alhou kukaqha ighinikeu khekulhoshi ache.

Apostolmi 10:22

“Keptein Kornelia no ningu puwue. Paye timi kivimi, Alhou sumsachekemi eno Judami kumtsuno gihu achekemi lakhi. Alhou wu kungumi kimthe lakhino pa kichepiye keuno opelo pa kilo ighikepushi eno nono kiu pikepushi aghini keno inikepushi no kupuwulo pike.”

Rommi 1:17

Kughengu Alhou no kishi timi pesu pa lau achipiulo qhicheni keno tiye atsakiviu vechewo pephepiye puani: hiye abothu lono ashekha kutolo akupulu likhi vechewonoke. Kuchoyesulo ishi yepuani, “Amikuchomiye akupulu lono xulu nani.”

Galatiami 3:11

Mutsuqheyino Ayezah ye khilemu timi pelo Alhou zulo achipikalu pemlake, kughengu kuchoyesulo ishi pipuani, “Timi khuuno akupulu vechewo Alhou lau achipikalu cheni keno paye xulu nani.”

ZAKINIU 18:13

AMPEU lau qhoi amikucho shilo.”

IBRIMI 11:7

Akupulu lono Noha ye ighinikeulo kiushini chekeno pano ithumlano akemu Alhou no pa kutughukeu chilu puzu aghokulushi ashukaki lakhi shipeqhi eno pa ngo pa kibolomiqo xakulupu shilue. Hipau lono pano ayeghiqhami kuchopu akipimi shivetsu eno akupulu vechewo amikucho shiluche keu mheghi ithulukemi shilue.

1 Peter 2:5

Akuxupu tuqu shi-ghi pa lau ighilo eno aghungulo ki shikeulo nongu peithapelo. Tilehi nonguye akimthe chinemiqo shighi Jisu Khristo vechewo aghungu lono aghashikeu Alhou lau ikhikulupushi mllalo.

2 Peter 2:5

Alhou ye mulho yeghiqha ghi qhimoveke ikemu Alhou phimokemi yeghiqha shou azuno yimve keu puwuke. Achipiu tsa pesu pichekeu Noha eno pa gholo mitsuni ishi likhi Alhou no xaluke.