BOTHUBO 50:10 - BAIBEL (BSI)

¹⁰ Panonguno Jordan kipelau Atad lo aniqa tolue, eno tile panonguno shisheno ado kushuwa mlo qae. Josef no atsala tsuni papu ghenguno mloqa.

Sumi Naga CL (Re-edited) Bible (BSI)

¹⁰ Kughou panongu no Jordan kukuu Atad niqa lo ighi keno, panongu no tilehi shishe amloiju qave, Joseph no pa pu ghenguno atsala tsüni mloqae.

BOTHUBO 50:10 ပူးပေါင်းရင်းမြစ်များ

BOTHUBO 27:41

Tithiuye Esao no Jakob mithiwuve, kughengu pawu kukumgha papuh no Jakob tsuvekehu. Esao no ishi kumsue, “Ipu ghenguno mloqa kepu do kupunu wocheae; tithiuno ithikuzuu Jakob ghiqhi nani.”

BOTHUBO 50:11

Kughou tipa yeghilo Kananmi kughuna akemino Atad lo mlo qa akeu ithulu keno panonguno ishi pie, “Ijipmi ghenguno hiye shishe mlo-qa keue.” Tighenguno tipau-a pesu Abel Mizraim kutsue. Hiye Jordan kipelau anie.

BOTHUBO 50:3

eno atsala lhobidi kutolo luve, kughengu tsumamono nupe qhinikelo atsala tijehi luvecheke. Ijipmi no pa ghenguno atsala lhotsuni mlo-qae.

BOTHUBO 50:4

Papu ghenguno mlo qakeu tsala kupuve kethiu Josef no Farao no sholokumi vilo pi, “Ino nongu zulo azukuvupu shilu cheghi aye hipau sutsa pewo Farao to tsulo.

BOTHUBO 50:9

Pa gholo khur kulu lono timi xapu eno khurshi shou iku ishino iqhoe; eno tiye aqo kumzapu lakhi.

SAMUEL AKINIU 1:17

David no Saul ngo panu Jonathan pama ghenguno ale hipau phe,

SAMUEL AKINIU 11:26

Kughou Bathsheba no li kimi thivae pikeu chilukeno lino pa kumsuqa.

YEKIKITHI ATUGHIU 10:12

amlo kumtomino wupuzu Saul eno anu kuthu sukumo khapesu Jabesh lo ighi. Panonguno thivekemi kumo pewo aphisubo qholo qhove eno atsala tsuni kutolo kumvue.

JOB 2:13

Panonguno putho tsala tsuni pucho tsala tsuni kutolo atsa lakhimu pimono pa phivilo ayeghi shou iqa. Kughengu panonguno ithulukeu no Job ye shishe aghime shi aghie.

YETSAPIU 12:5

Noye qhemghaikeu-a jupesu musave nani eno alachekeu ghi akuighupu shive nani. Osa mpave nani eno noye akushukulu opuqhelu kepu shi nani eno minemighei kepu jeli kumtsu kuhave nani. Ninguye ashekhau kulhokiqhi alo wuve nani eno tileno alaghilalo akuqa kumlo shi nani.

AKIKIHI 19:11

Khuu khumu akithikumo diluve keuye atsala tsuni ghenguno achinepulo mithemo nani.

AKIKIHI 20:29

Aqoaho kuchopuno Aron thivekeu ithive eno panongu kumtsu atsala shighi kutolo pa ghenguno mloqa.

Apostolmi 8:2

Amlo tsuqhiyi chekemino Stifan kumo qhovetsu eno pa ghenguno shishe ighamuku mloqae.

ZAKINIU 1:1

Kaku hipaulo Muse no Israilmi putsakeu tsa anike, tiye panonguno Jordan kipela kudau asayeqhalo akelono ke. Panonguye Sup phivilo Jordan khilalo ake, Paran taun no tuxau ae eno Tofel, Laban, Hazerot eno Dizahab no tuxau akeu dolo ake.

ZAKINIU 34:8

Israilmino Muab khilalo pa ghenguno atsala shighi kutolo mloqa ke.

SAMUEL ATUGHIU 31:13

Panonguno asaghiye kiche kumqo puzu Jabes taun lo tamarisk subo qholo qhovetsu, eno atsala tsuni kutolo kumvue.