BOTHUBO 49:18 - BAIBEL (BSI)

¹⁸ “Nono xaphelupeni ke niye okhe anie, O AMPEU.

Sumi Naga CL (Re-edited) Bible (BSI)

¹⁸ Ow xakulupu I no ngokhe anie, O Ampeu.

BOTHUBO 49:18 ပူးပေါင်းရင်းမြစ်များ

BOTHUBO 49:17

Dan ye alaphelo apighi aghike toi nani, alalo tughu pukeu pighino khurshi phitsu mighi tsukelo, pa shou kicheu athiu kilheqhive kehu toi nani.

LESHELE 119:166

Niye opelo ixalupe nike kheani, AMPEU, nono ahza tsukeu ino shicheni.

LESHELE 119:174

Nono xalukeu kukuphu khitohi ino khe acheni kya? O AMPEU! niye oyezahlo alokivi phuluke,

LESHELE 119:41

AMPEU, noye khijehi ikimiye cheni keno ipiyelo, nono piqhivekeu kiqi lono ixalulo.

LESHELE 123:2

Aqemi lakhiye pa mipeu pukhu kehu toi, aqeliu lakhiye ampeliu pukhu ketoi, ninguye olau jupuku acheni, O AMPEU niLhou, nono kimiye moke kutolo tishini cheni.

LESHELE 130:5

AMPEU wu akukuphu niye aghuiloqhiyi huqhe-a, eno patsa ino pukhue.

LESHELE 14:7

O Zion lono Israilmi lau xakulupu ighilupeke aye! Kughou AMPEU no akumgha pawu timiqo lau suchile sughi tsuni keno. Jakob no alovi nani, Israilmino amlokiqi shilu nani.

LESHELE 40:1

Ino kheakulushi AMPEU kukuphu khe ani; Pano ilau kughopuwono ighugha chilutsu cheni.

LESHELE 62:1

Niye inaqhoi Alhou likhi kheani cheni; pa launo iwu xakulupu ighi cheni.

LESHELE 62:5

Ingulho no inaqhoi Alhou likhi khe acheni; kughengu pa launo lakuju ighi cheni.

LESHELE 85:7

Owu iqemokeu kikimiye ningu piyelo, O AMPEU eno owu xakulu kukuphu ningu tsulo.

IPEKULU 15:2

AMPEU ye akumtoshi isushokuluu; ixaluchekeuye pake. Paye iLhou eno ino pa sheqheni, ipu Lhou ke, Paye kiu toi kije keno tipau ghili ino pheni.

AHOLE 14:32

Kixikilamiye pano kumla lhoksano pano likhi pano xaqhikulu cheni ikemu timi kivimiye mutsumisheyi xu chekeuno pano susholuve cheni.

ISAIAH 25:9

Tipa tsalalo kumtsuno ishi pinani, “Paye niLhou ke! ninguno pa pukhu khecheke eno pano ningu xapheluke. Paye AMPEU ke! Ninguno pa pukhu khecheke; itehiye pano nixaluke ghenguno ninguno alokiqishi alovini.”

ISAIAH 30:18

Ikeghi AMPEU ye nongu kimiyenike kheanike. Paye nongu shou amlo ighiqhiyinike kutope ani kughengu paye pulhapujulo kiuno achipi keno tipau shi achenike. Khunono AMPEU shou pukhube cheni keno tipanoye alokivipuke.

ISAIAH 33:2

AMPEU, nikimiyekutu tsulo. Nino oshou pulube anike. Tsalakipe tsulo nisusholo eno shiluksa ghulokilo nixalu tsulo.

ISAIAH 36:8

Ino akukatou jelono nongu sasu kuptsa xathani ke. Nongu gholo khurshi shou ikuthikemi 2,000 aghi aye ino khurshi tijehi nongu tsunike.

ISAIAH 8:17

AMPEU ye pawu timiqo launo itshuluvae, ikemu niye pa pulu acheni eno pa lau iwu lajupu bepe achenike.

AKUMLO 3:25

AMPEU ye pa pukhu chekemi ju alo cheni.

HOSIYA 12:7

AMPEU no pi, “Israil lo akemiqoye Kananmiqo toi kuchou kuhamithe; panonguno ahhu kichile pesu pano nhemgha qhunikemi pishiqhi cheni.

MICAH 7:7

Ikemu niye AMPEU kheju anike; niye pulopiniyi ixalu nikeu Alhou huqhe anani. ILhou no ikighini initsu nani.

MATTHEW 1:21

Lino anu lakhi punu nani eno noye paje Jisu kutsulo, kughengu pano paw timiqo xine lono xalu nani.”

Mark 15:43

Ike Arimathia noghami Josef no ighi. Paye Judami Hoho lo kihikusumi lakhi eno kutamino qhoqhughi achekemi eno pa ghi Alhou yehkipe ighinikeu juachekemi, ikehu pano amlo kuloghishi puzu Pilat lau wuno Jisu sukumo khu.

Luke 1:30

Ike kungumino li vilo pi: “Musakevilo, Maria, kughengu Alhou no oqhuivukeu ani.

Luke 2:25

Jerusalem lo timi lakhi ache, pa jeye Simon; timi hipauye akivimi, Alhou sukumsami, Israil lokughunotsu nikeu tsala huqhe ache eno Aghungu Kimthe no pa shou ae.

Luke 2:30

Kughengu inhethino ow xakulu ithuluvea;

Luke 23:51

Pa ghi Judami Hoho lo ampemi lakhi shianamu panongu tsa kughakutha eno kughuqhi keulo pulosu mono ache.

Rommi 8:19

Kughengu Alhou no lhope puakeu jeli kumtsuno Alhou nuliqo pephe piyenikeu shishe huqhe khe ani.

Rommi 8:25

Ikemu ninguno kiu ithumla aphikeno tipau laju ani aye, theqhi kulushi ninguno ti khe acheni.

Galatiami 5:5

Ningu lajupuye Alhou no pa lau ningu pelo achipikalu penikeu ke, eno Alhou Ghungu no nikupulu vechewo mla akeu lono ninguno tipau khe acheni.

1 Thes. 1:10

itehiye pa Nu kungugha lono ighikeu nonguno huqhekheani, pa Nu Jisu khuu akithi lono xuputhuve eno pano Alhou loghu ighiniye akeu lono ningu xapheluke.