BOTHUBO 49:10 - BAIBEL (BSI)

¹⁰ Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

Sumi Naga CL (Re-edited) Bible (BSI)

¹⁰ Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

BOTHUBO 49:10 ပူးပေါင်းရင်းမြစ်များ

SAMUEL AKINIU 7:13

Tipau huno ighenguno achineki shitsu nani eno pa lagha ye alhokuthulo ishokibe wopenike mutsumishei shitsu nani.

SAMUEL AKINIU 7:16

Noye alhokuthu alagha kughuko keu shilu anani eno ino okukaphu pesu alhokuthulo alupe nani. Olagha ye khilemu kishekhave keu shimo nani.’ ”

YEKIKITHI ATUGHIU 12:39

Panonguno atsala kuthu David gholono puwove, pano ghakhumino chuqu kusho panongu ghenguno kutope qhitsukeu alokivishi chu shoe.

LESHELE 108:8

Gilead ye iwuke eno Manase ghi iwuke; Efraim ye ikutsu kuqho, eno Juda ye iyehkipe suluke.

LESHELE 60:7

Gilead ye iwuke eno Manase ghi iwuke; Efraim ye ikutsu kunha eno Juda ye iyehkipe kusu.

LESHELE 60:9

Khuno putupe akeu phughilo sai loni kya? O Alhou, khuno isasu Edom kudau wuni kya?

LESHELE 78:68

Tipaqo zuqhulo paye Juda lagha kishelu pano kimiyeqhiyi chekeu Zion toghi kishelu.

ISAIAH 11:10

Tipa tsalani David kuka lagha lono akukau akithe ipeghikeu no ashiayehqo lau amchipu kumla lakhi shi nani; panonguno aphughilo pa phuighi nani eno ajekipishi pa gihu nani.

ISAIAH 2:2

Ighinikeu tsalaloye AMPEU chineki shipuku puakeu naghutoye naghuto kutau kumtsu nguno akiqheu lakhi shiluve nani, naghuto kumtsu nguno qhemghaive nani. Ashiayeh kutomono hipaulo qokive ilo nani.

ISAIAH 33:22

AMPEU ye nishou kughakuthau, paye niyehkipeu, paye nikukau; pano nixalu nani.

ISAIAH 42:1

AMPEU no pi, “Iqeu hi anike julo, ino sunheqhe chekeuke, Ino pa kisheluve keuke, imlo kiqishi chekeuke. Ino iGhungu pesu pa shepichhive ake eno pano ashiayeh kumtsu lau achipi xakutha sughi nani.

ISAIAH 55:3

“Iwu timiqo, itehiye inilo eno ilau ighilo; ilau ighilo eno nonguno akuxu alu nani! Ino nongu sasu alhokupuju ghenguno puloshoqhi lakhi shi nani eno David lau kukumgha ino piqhipuakeu nongu tsunike.

ISAIAH 60:1

Ithulo Jerusalem eno tsukinhe toi yepuvulo; AMPEU jukuvuno oshou yepuvu ani!

ISAIAH 62:11

AMPEU no ayeghiqha kumtsulo asheshu puwu akeu ithiwo nani: “Jerusalem lo akemi vilo pilo, AMPEU ye oxalunike cheni, pano xapheluve kemiqo sasu wocheni.”

ISAIAH 9:6

Kughengu ningu lau anga lakhi punutsu ani! Anu lakhi ningu tsupuani! Pano ningu shou ayehkipeu shi nani. Pa pesu, Akichiqhipu Lokutsuu, Akughushu Lhou Shekhahau Apu, Alakishi Kukapuu, ipi ku nani.

JEREMIYA 30:21

Panoqo shou ayehkipeuye panoqo shiayeh lono ighi nani, pano sakipheuye pano timi gholono ipeghi nani. Ino pa kukusu shikelo pano ikupunu ighi nani, kughengu khuno kukusu shimoamu ighikeu ighumoni kya?

JEREMIYA 33:26

niye Jakob laghami ngo Iqeu David peve nike eno David laghami lakhi kishe pesu Abraham ngo Isak eno Jakob laghami shou ayehpe pemoni cheke. Ikemu iwu timiqo shou ino kimiye qhiyi nani eno itaghi panoqoye kinikulu shipe nani.”

EZEKEL 19:11

Tipau lokaqoye mutotoike, eno kukami kusu shikepu shi thuipeghike. Atsayiboye khungkusu tokulupu shi chuqumghayi thuwuveke; kumtsu no tiye kishi tubolei eno chuqu mghai akeno ithulu ake.

EZEKEL 19:14

Atsayibolo ami ipeghive; amino tipau loka ngo alothi pitileveke. Alokaqoye khilemu mutotoi kithe luni chemoe, khilemu kukami kusu shiluni chemo. Hiye amloksa le lakhike; hiye phekide acheni.

EZEKEL 21:27

Ixapinyi! Ixapinyi! Ino aphughi pesu ixapinyivekeu shi nani. Ikemu ino khuu pelo aphughi ghimeqhi penikeu shiani keno tipau ighi mphi loye hipau shimo nani. Pa ighi kethiuno ino tipau shipe nike pa tsu nani.

EZEKEL 21:32

Nonguye ami lono kutsapinyive nani. Nolikhi noyeghilo nongu jih pele nani eno khunomu nongu kumsu chile mlave nanike.’ ” AMPEU no pivae.

DANIEL 9:25

Tsaqui juno ithuvelo, Jerusalem mlakithe luvepe nikeu ahza tsukeu lono Alhou no sakipheu kishephe tsukeu ighikeu tsala kutolo, ampe tsunino ghuthu tsuni wo nani. Jerusalem mlakitheveno, atoghila ghutu ighono mutotoi mlave nani eno tipauye ampe tsunino ghuthu lhotsugho kini anani, ikemu tipadoye aghimedo shi nani.

HOSIYA 11:12

AMPEU no pi, “Israil lo akemiqono akimki ngo pishikiqhi pesu isuholuve eno Juda lo akemiqono ni, amikucho eno akimthe Lhou mujochile aphike.”

MICAH 5:1

Jerusalem lo akemiqo, no-ghukishipu jeli hekutsulo! Ninguye suholuvae! Panonguye ayikusu pesu Israil lo ayehkipeu shou ghapuku anike!

HAGAYI 2:7

Ino ashiayehqo kumtsu kusuleve nani eno panoqo wu kinikuluye hile peighi nani eno Achinekiye akinino chhitoive nani.

ZEKHARIA 10:11

Kughou panonguno aghime azughi toi akeu kathasu wuni keno, Ni, AMPEU no azu kighide ghasuve nani, tileno Nayil ghoki thonheikeu kumtsu qhaive nani. Aqhekuzau Asiriya ye ghakuchunive nani, eno Ijip akughushuuye li kuka hauve nani.

ZEKHARIA 2:11

Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani.

AKIKIHI 21:18

Timi sakiphemi eno kukapumiqono chhukeu zukikhe, Kukami kusu eno panoqo kusu pesu chhukeu zukikhe,” Panonguno asayeqha lono Matana lo iqesu wuve

AKIKIHI 24:17

Ino ighinikeu lo jusulu, Eno ino Israil shiyeh ithulu Kukami lakhi phuphuyikeu yepu lakhi toi tipau shiyeh lono ipeghi nani. Amchhi yepu lakhi toi pano Israil lono ighi nani. Pano Muab lo sakiphemiqo ghaqhi nani Aqhekuza mukamihi kemiqo pano ghadaqhi nani.

AKIKIHI 24:19

Israil shiyehno panoqo nedaqoda nani Eno ghupe puaghikemi ashekhami ghi pughavetsu nani.”

MATTHEW 1:21

Lino anu lakhi punu nani eno noye paje Jisu kutsulo, kughengu pano paw timiqo xine lono xalu nani.”

MATTHEW 17:5

Pano pi aphi lono, vuqayikeu hu khungkusu lakhino panoqo kuzupholuve eno khungkusu lono asutsa lakhino ishi pi; “Hiye ino kimiyechekeu nuke, pa lau ilokiqi acheni, pa tsa inilo.”

MATTHEW 21:9

Timi kumzapu Jisu zuu eno pa thiu chechekeqono ishi ighamuku, “David nu Sheqhelo! Ampeu je lono chekeu Alhou no pa kumghatsu pelo! Kungughalo Alhou sheqhelo!”

MATTHEW 25:32

Ashiayeh kumtsu pa zulo kumqowo ngo nani eno bherikheuno bheri ngo ane kututa shike toi panoqo pesu lakhino lakhi launo kututa shitsu nani.

John 12:32

Kughono ayeghi lono ni ikhiqheni keno, ino timi kumtsu sunheluve nani.”

John 18:31

Pilat no panoqo vilo pi, “Nonguno pa sawulo eno nongu yezah kiqi lono pa shou kughathalo.” Judamino khochile, “Ninguye timi khumu pithive kepu ayezah kuhae.”

John 19:12

Pilat no hipatsa chilukelo pa kuqho phevenike pukaputsa. Ikemu Judamino igha kithe ghi pi, “Nono timi hipau kuqhopheve aye Rom yehkipeu Kaisar shou kumoe! Timi khuno pa likhi pa pesu Akukau ipini keno paye Rom yehkipeu Kaisar ghumi ke!”

John 19:15

Panonguno igha kithe pi, “Pa pithivelo! Kros lo pa yedavelo!” Pilat no panongu vilo iniju, “Niye nongu kukau yedavelo pikesha?” Achinetomino khochile, “Ningu kukauye Kaisar likhi ke!”

John 9:7

ishipi, “Wulo eno Silom Zukucho lono qhuvelo.” (Silom kiqiye “Puwukeu.”) Ike timi huno wuve puzu pa nhethi qhu eno pa nhethi tsukholu-ghi ideighi.

Rommi 15:12

Itaghi Isaya no ishi pi, “Jese polo kughuko lakhi ighi nani, pano Judakumomi shou ayeh penike ipeghi nani, eno Judakumomi wu lajupu pa shou qhi nani.”

2 Kor. 5:10

Kughengu ningu kumtsu athono Khristo kughakutha zulo puthugho masa nani eno pututano kiu mla puani keno kivi kusa kiqi lono ithulupe nani.

IBRIMI 7:14

NiMpeu ye mutsuqheyino Juda laghamike; eno Muse no achinemi vehu pipuakeulo paye hipano lagha jekupe puamoe.

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”