BOTHUBO 48:9 - BAIBEL (BSI)

⁹ Josef no ishi khochile, “Hipamaye inu ke, Ijip lo akelono Alhou no itsukeu ke.” Israil no pi, “Hila ilau saghilo, ino pama kumghatsunie.”

Sumi Naga CL (Re-edited) Bible (BSI)

⁹ Joseph no pa pu vilo pi, “Pama ye I nue, Alhou no hilau no I kümgha tsükeu ke.” Eno pa no pi, “Kimiyeno hila I lau saghilo, tishianguno I no pama kümgha tsüni.”

BOTHUBO 48:9 ပူးပေါင်းရင်းမြစ်များ

BOTHUBO 27:4

Eno puzuu hutoi isala ashi jumghai lhopesu ilau peighilo. Ino ti chunie, eno tileno ino thimphi lono iwu kukumgha ashekhau otsunie.”

BOTHUBO 30:2

Jakob ye li shou axu ideveno pi, “Niye Alhou kesheno! Opelo timi kuxu ithumlano apekeu hiye Alhouno thono.”

BOTHUBO 33:5

Esao no pishipuwo jukelo totimi atianuliqo ithulu puzu pi, “Ogholo hipaqoye khuno kya?” Jakob no khochile pi, “Alhou no kupukimiye keu lono ni oqeu tsukeu tianuliqo ke.”

BOTHUBO 49:28

Hipaqono Israil shiayeh chighi kini ke eno hiye panongu papuh no panongu vilo pikeu ke. Milakhi khi shou kukumgha lakhi khi pututa kuzupu shi ghi pano panongu kumghatsue.

YEKIKITHI ATUGHIU 25:5

Alhou no Heman pelo akukau wu tungkupu shipe pa nu pano chighi bidi eno anga pano kuthu no Heman pelo akumto shilupe.

LESHELE 127:3

Atianuliye AMPEU launo ighikeu mheghikivike; panonguye kukumgha kuchouke.

ISAIAH 8:18

Julo, ni eno Alhou no itsukeu anuliqoye aqokitikhi shou AMPEU no pawu timi Israilmi lau amchipu eno xuake lono atsape shiapeniyeke; paye Zion toghilo ache keu Lhou ke.

ZAKINIU 33:1

Kukumgha hipaqoye Alhou wu timi Muse no pano thini ke zulono Israilmi shou pipuku tsukeu ke.

IBRIMI 11:21

Akupulu lono Jakob ye pano thive nicheke zulo Josef nuli lakhi khi shou kumghatsu, paye pa kussu kutuchope puzu Alhou lau inikhuke.

SAMUEL ATUGHIU 1:20

Tileno liye mishiuveno anu lakhi punulu. Lino pa je Samuel ipi kutsu, “Kughengu AMPEU vilo ino pa khuluke.”

SAMUEL ATUGHIU 1:27

Ino pa vilo anu hipau tsulopi khue eno kuchono ino khukeu kiqi lono pano itsue.