BOTHUBO 48:15 - BAIBEL (BSI)

¹⁵ Pano panongu kumghatsu eno ishi pi: “Alhou khipau zulo ipuasu Abraham ngo Isak no xuche keno, Alhou khipauno ikuxu kupuju ishi kutolo ikhe heju anikeno.

Sumi Naga CL (Re-edited) Bible (BSI)

¹⁵ Eno pa no Joseph kümghatsü no pi, “Alhou khuu zülo I pu Abraham ngo Isaac no cheche keno, Alhou khuu no I küxü kupuju ishi kutolo I kheu keno,

BOTHUBO 48:15 ပူးပေါင်းရင်းမြစ်များ

BOTHUBO 17:1

Abram no ampe lhotoku toku shi akelo, AMPEU no pa lau ipeghino pa vilo pi, “Niye Tuchomujokulu Lhoue,

BOTHUBO 24:20

Lhoxu loji azu piyechekeu tughuko lo lino azu lesutsu no itaghi azu lipusu ighi niye azukikhelo wuve, eno tile paw kamel qo kumtsu ghengu no azu lipusu ighitsue.

BOTHUBO 24:40

pano ivilo ishi pie, ‘AMPEU, khuu zulo ino xuacheni keno, pano pawu kungumi ogholo puwu nani eno opelo tokulu shilu pe nani. Nono ni sholokumi eno nilimi gholono inu nipu lusaghi nani.

BOTHUBO 27:27

Pano mumanike ighi eno Isak no pa kumghatsughi pi, “Julo, inu xokutsungu hipauye AMPEU no kumghavetsu keu luqa xokutsungu toi anie.

BOTHUBO 27:4

Eno puzuu hutoi isala ashi jumghai lhopesu ilau peighilo. Ino ti chunie, eno tileno ino thimphi lono iwu kukumgha ashekhau otsunie.”

BOTHUBO 28:20

Jakob no ashoqhi lakhi shi ghi ishi pie, “Tsala Alhou no isasu che aye eno ino izuwukeu lalo ikhe sasu wu eno chusho kepu itsu, aphimini ukepu itsu puzu

BOTHUBO 28:22

Atu hipau ino Alhou lau atushope qhikeu pesu Alhou ki shinie. Nono kiu itsuni keno tipau lono kuchouno ino chighi sajelo lakhi otsunie.”

BOTHUBO 28:3

Akughushu Lhou pelo okumghatsu peniu eno opiti kughukoluno opelo lighimi shilu peniu.

BOTHUBO 35:3

Ninguye hileno kuto pesu Bethel lo iqhoni cheni. Ino shilusache kelo ikuphukeu eno ino wukeu la kumtsulo isasu chekeu Lhou lau aghokiptia lakhi shipesu qhinie.”

BOTHUBO 48:16

Kungumi khipauno akijiksa kumtsu lono ixaphelukeno, pa pelo apuf pama kumghatsu peniu. Ije lono eno ipuasu Abraham ngo Isak je lono panongu ku chepeniu, Eno ayeghilo panongu pelo anoghi kutsasa shi ikowolu peniu.”

BOTHUBO 49:22

“Josef ye agha gadaha lakhie, azupuki philo agha gadaha lakhie, ato vekudalo agha gadahaqoe.

BOTHUBO 49:24

Ikemu panongu suzuye pighechhe piniyive tsue, panongu u shipa sulavetsue, tiye Jakob wu Akughushu Lhou kuka no ke, tiye Akheu, Israil Tuqu huno ke,

BOTHUBO 49:28

Hipaqono Israil shiayeh chighi kini ke eno hiye panongu papuh no panongu vilo pikeu ke. Milakhi khi shou kukumgha lakhi khi pututa kuzupu shi ghi pano panongu kumghatsue.

BOTHUBO 6:9

Hipaqono Noha laghaqo: Pano anu kuthu shie, Shem ngo Ham eno Jafet. Noha ye pano tiqhelimi gholo pa likhino amikuchou eno kikhikighiue, paye Alhou sasu kuposhughi xu ache.

KUKAMI ATUGHIU 3:6

Solomon no khochile, “Nono ipu David oqeu lau kimiyekeu kije piye, paye osasu akivishi aghokulu shi eno amikucho qholono xuche. Nono tamo mitheno pa kimiye keu michipu kije kiqi lono anu lakhi pa tsue, tiye ishi pa zuqhushi ayehpe akeuke.

YEKIKITHI ATUGHIU 5:1

Hipaqono Ruben kughukoke, Ruben ye Jakob nu anoghiu. (kughengu pano papu nipu amishiu lakhi sasu zuvekeu ghenguno anu anoghiu mheghi puhave eno tipau mheghi pesu Josef tsuve.

LESHELE 16:8

AMPEU igholo akeu ino pulhapuju ithi acheni; paye ipunukhoi ani eno kiunomu itukiqhe mla nani.

LESHELE 23:1

AMPEU ye ikheu; Niye kiumu mulomoe.

LESHELE 37:3

AMPEU lau pukhukeu alo eno akivi mlalo; tishianguno ayeghilo xulu nani eno sushokulu anani.

IPEKULU 3:16

Wulo eno Israilmi sakiphemi hekutsu kumqolo eno panoqo vilo panoqo pu asu Lhou ni AMPEU, Abraham, Isak eno Jakob Lhou no olau ipeghi ke pi pilo. Niye panoqo lau ighi ani eno Ijipmino panoqo shou kiu shi ani keno ino ithuluve akepi pilo.

IPEKULU 4:5

AMPEU no pi, “Israilmi lau hipau shilo, tiye panoqo puasu Abraham, Isak eno Jakob Lhou AMPEU no olau ipeghi keu michike.”

YETSAPIU 5:12

Akumla kishimi lakhiye pano chukumkha aghiluvi momu chuzulakeu shi aghiluvi ikemu paye putholo akivishi zuhulu cheni. Kinimi lakhiye kupukuno shi ani kemu pa mlo kutakihi kelauno zuhumlano auve cheni.

YETSAPIU 5:18

Ino kiu phulukeno tiye hike; Thime kumtsu nguno akiviu timino shi akepushi akeuye Alhou no akuxu ikhonhei pa tsukeulo pano kiu mlalukeno tipau chu-sho no alopivi akepue; hino timi sajeke.

YETSAPIU 6:7

Timi lakhino akumla shichekeuye chukepu hami ithulu niyeke, ikemu paye khilemu lukumkhashi chemoe.

ISAIAH 30:21

Nonguno alaghi lono ajeu momu piyiu tsughu wuveaye nongu thikhau pa sutsa ishi pikeu chilu nani, “Ala hilake, hila che chelo!”

ISAIAH 33:16

Nonguno hishiaye nongu xaluve nani; nongu aliwo kumtolo ngolu keshi nonguye ithamokepu shi nani. Nonguno chukepu achuqupu ithulu nani eno yekepu azu ananike.

JEREMIYA 8:2

Tipaqo hekutsu pesu qhovenike zuqhulo panoqo saghiye aghuma toi ayeghi shou dapesu anani. Tipaqoye tsukinhe ngo, aqhi eno ayepu zulo kuthole pesu qhinani, timi hipaqono thime hipaqo kimiye eno qe achenike eno panonguno hipaqo putsawu eno mlla achenike.

Luke 1:6

Pama kini kujo Alhou zulo amikuchoshi xu ache eno Ampeu no ahza eno ayeh tsukeu aghokulu shi peche.

1 Kor. 10:31

Tighenguno, nonguno chuna, shona momu kiu kiu shiepinamu kumtsulo Alhou jukuvupu ghenguno shilo.

2 Kor. 1:12

Ningu kijivilo chekeuye hike; nilolo kivikusa lokumsuno ashepe nitsu akeuno ayeghi hipaulo nikuxuye Alhou launo ighikeu kimthe eno musumulai xuchekeu ayeghilo suqekighithi lono kumoe ikemu Alhou wu kupukini pesu xucheke, eno tiye akhotono nongu lau tishi kutshupe xucheke.

ZAKINIU 33:1

Kukumgha hipaqoye Alhou wu timi Muse no pano thini ke zulono Israilmi shou pipuku tsukeu ke.

Kolosiami 2:6

Nonguno Khristo Jisu ye Ampeu kepi ikhiluve ketoi pa gholono xuchelo.

1 Thes. 2:12

Ninguno nongu mlo shikumtotsu, ninguno nongu lokughunotsu eno Alhou no pa yehkipe eno pawu akimthe jekipilo nongu kulukehu pa pulou lono xupenike ninguno nongu hakitecheke.

IBRIMI 11:21

Akupulu lono Jakob ye pano thive nicheke zulo Josef nuli lakhi khi shou kumghatsu, paye pa kussu kutuchope puzu Alhou lau inikhuke.