BOTHUBO 47:23 - BAIBEL (BSI)

²³ Tile Josef no timiqo vilo pi, “Julo, ishino ino nongu eno nongu yeghi Farao wu shi ghi qhuluvae. Athi piti hi anie, nonguno hipau alulo yisulo.

Sumi Naga CL (Re-edited) Bible (BSI)

²³ Tithiu Joseph no timiqo vilo pi, “Julo, ishi tsala lono I no Pharaoh ghenguno nongu eno no yeghi qhüluvae. Itehi nongu ghenguno apiti hi anike nongu no apiti xusülo.

BOTHUBO 47:23 ပူးပေါင်းရင်းမြစ်များ

BOTHUBO 41:27

Aghikumsayi eno jusamitheyi keu mishiqu tsuni athiuno ipeghikeu hughi ampe tsuni ke, eno asayelikulu mulhuno fukighiyive keu ghipe tsuni huye ampe tsuni puqumiyeni keu ke.

BOTHUBO 45:6

Ayeghilo puqumiye keu hi ampe akiniu likhi aphie eno itaghi ampe pungu dolo apiti qusumo momu ghile humo nanie.

BOTHUBO 47:22

Pano achinemiqo yeghi likhi qhulumoe, kughengu Farao no achinemi sala kophe tsuche kehu eno panonguye Farao no kophe tsuchekeu chuche kehu panongu yeghi jemoe.

BOTHUBO 47:24

Ghile hukelo nonguye saje pungulo lakhi Farao tsumasae. Saje pungulo bidino alulo apiti shikepushi no kibolo akeqo eno nonuliqo chuqupu ishi ghengu lono qhilo.”

LESHELE 112:5

Khunono punakilekeulo michhi mighimokeno alokivipue, pa kumlapu amikucho lono peitha kemi lokivipue.

LESHELE 41:1

Khunono kumlhomi jukuto kugho cheni keno tipano lokivipue; kughou pano shilusani keno AMPEU no pa xaphelu nani.

AHOLE 11:26

Timi khuno ame akiqheu lono jelukeu do kheniaye athi hekutsupe qhicheni keno timi kumtsuno pa ghusho cheni ikemu timi khuno jetsu niye ikhipheni keno tipano akishe tsucheni.

AHOLE 12:11

Aka aveshi mlachekemi alukichimiye chukepu kupukunoshi acheni ikemu avehu kuhakeu kumlapu lono ado pevekeuye aghuzunikhake.

AHOLE 13:23

Kumlhomi ghenguno aluza kukughu puakeulo no achuqupu kupukunoshi ipeghiluvi ikemu tipau luza chinikeu amikucho kumomino lakhave cheni.

YETSAPIU 11:6

Inakijili noye apiti yisu alo kughengu kumtsu akivishi thuwuni cheni mala mthake, kutau yisukeu pavi aghiluvike.

ISAIAH 55:10

“Itsaye atsutsu lono ayeghilo azu sutsuniye murasu ngo tsutsughu iqighikeu toike. Tipaqono axabo thuwupe cheni eno yisu kulupu apiti tsu cheni eno chukepu achuqupu tsu cheni.

MATTHEW 24:45

“Tishiaye, khuno pukhubekulu eno alokutsu qeu kya? Paye pa mipeuno pa pelo aqemi kutamiqo peitha peniye qhike, tipaqo ado achipi lono kuchukusho tsupeniyeke.

2 Kor. 9:10

Apiti yisukemi tsuchekeu eno chukepushi achuqupu tsuchekeu Lhou no nonguno apiti avehupu shiakeu tsupuzu tipau thuwulupe, nongu kimiyekini lono kinikulu shi ghile hulupe kepu shi nani.