BOTHUBO 43:11 - BAIBEL (BSI)

¹¹ Ike panongu papu Israil no panongu vilo pi, “Tishikepu shiaye hi shilo, niyeghi lono ipeghikeu akini pesu timi hu agho chhekepushi nongu kholo hipaqo supulo: i-yikeu ta kitila, akhingozu kitila, axokutsungu ta ngo vekutsungu kepu mukhu, almon lothi ngo thaithi lothi toikeu ngo ishi.

Sumi Naga CL (Re-edited) Bible (BSI)

¹¹ Tileno panongu papu Israel no panongu vilo pi, “Tsala tishi kepu shi aye, hi shilo: aghakhu lo xathi akiviu hami, nukümtshau kitila, akhingozü kitila, ata, axokütsüngü, pistachio eno almond lothi ishi nonguw süqhu lo süpe no agho shi pewo timi hu tsülo.

BOTHUBO 43:11 ပူးပေါင်းရင်းမြစ်များ

BOTHUBO 33:10

Jakob no pi, “Tishi pitsu kevilo, tsala ozulo ni ikhikulupu shilu aghi aye ilauno agho lutsu lo. Kughengu ino ogi ithulu akeuye Alhou gi ithulu ake toi ani, nono aloqiniqhiyi iyikhilu tsue.

BOTHUBO 37:25

Tishieno panonguno achuqupu chuniye iqae eno panonguno pishipuwo jukelauye Gilead kudauno Ismaelmi aqo lakhi cheghi. Panongu wu kemel ye musughuta ngo axokutsungu mukhu xapusu Ijip lo iqicheghike.

BOTHUBO 43:10

Ninguno kunachope ngomoke aye ninguye itehi pha ghuthu kini ideve aghini cheke.”

BOTHUBO 43:14

Tuchomujokulu Lhou no timi tipau pelo nongu shou kimiyeqhiyi keu apeni, tishianguno timi tipau pelo nongu thikuzuu hula qhivekeu ngo Benjamin ngo ishi kighidepuwo vetsu penie. Pama puhave aye niye amlo ghimepu sholuniae!”

BOTHUBO 43:15

Ikehu panonguno agho chhekepuqo ngo pisa puzuu nguno ghuthu kini kutopu eno Benjamin ngo ishi sasu Ijip lo wue eno Josef sasu kushoniye pa zulo ighi.

BOTHUBO 43:25

Josef no puchou ighini chekelo panonguno agho chhekepu kutope ngokhe, kughengu panonguye tilau kuchu kusho shipeni cheniepi panonguno chiluke.

BOTHUBO 43:26

Kughou Josef no akilo ighi keno panonguno agho chhekepu pesu pa lau akilo ighi no pazulo pishiqho itsaiqi agigihu tsue.

KUKAMI ATUGHIU 10:15

tipau gholo alhikishimiqono zahme alhi shikelono alla shilukeu ghi tsuche, Arabiami kukami eno Israil yeghilo state ahng qoghi zahme pa tsuche.

KUKAMI ATUGHIU 10:25

Pa lau ighikemi kumtsuno agho pesu ighino pa tsuche-tiye tsandiyi, shuna, chijeboboi keu phi, aghunanu, vekutsungu keu, khurshiqo, akhokupu khurshi. Hitoi ampe ishokive pa tsucheke.

KUKAMI ATUGHIU 15:19

“Ikujo papuno kighithikile ighiketoi ikujo ghi kuphukileni. Hi tsandi eno shuna ye agho otsu ani. Noye Israil kukau Baasha launo kututa shivelo, tishikeu lono iyeghi lono pawu ghushimi ikhisuwuve penike.”

KUKAMI ATUGHIU 4:21

Solomon kukaphu huno Eufrati ghoki lono wo Filistiya eno Ijip lughi kutolo ashiayeh khijehi anikeno ti kumtsu qhachho wove. Panonguno zahme patsu eno pano xu ake kutolo pawu timi shilu khave.

KUKAMI AKINIU 16:8

Ahaz no Achineki eno akukaki lono tsandiyi ngo Shuna ikhiluno akukau lau akuzu agho shi tsupuwuve.

KUKAMI AKINIU 20:12

Tipa mtsa lono Babilon lo kukau Merodak nuno akukau Hezekiya no suakeu sutsa chiluno yekili lakhi eno akuzuagho lakhi ishi pesu palau tsupuwu.

KUKAMI AKINIU 8:8

pano pa qholo kijemi lakhi Hazael vilo pi, “Noye agho lakhi pesu tungkupuu lau wuno pa pelo AMPEU launo niye vilu nani keo mokeno ithi sughi jupelo.”

ESTHER 4:16

“Wulo eno Shusa phughilo Judami jeli hekutsulo eno nonguye tsala kuthu ighenguno putho pucho chumo shomono kumvulo titoi ni eno igholo ilimi aqemiqo ghi tishini eno ayezah kiqilo kumomu ino akukau lau wuni eno pithive kepushi namu thiniake.”

LESHELE 68:29

Jerusalem lo ochineki khilehi kukamino agho suwo otsukeno tipau kudauno piyelo.

LESHELE 72:10

Spain lo akukau ngo zudoyeghilo kukamiqo no agho pewo pa gihu nani; Arabia ngo Ethiopia lo kukami ghi agho pewo pa mlla nani.

LESHELE 76:11

AMPEU oLhou vilo kiu shiniepi piqhi puani keno tipau shilo; akupunulo ashiayeh akeqo, pa lau agho sughilo. Alhou no timi pelo pa sumsa chenipe;

IPEKULU 3:8

eno niye Ijipmi launo panoqo xaphelunike iqighivae eno panoqo sasu Ijip lono aghakhu aqha kivilo saipeghini cheni, tiye kinikulu eno aghuma kua yeghike, Kananmi, Hatimi, Amarimi, Perizimi, Havimi eno Jebusimi no kughuna achenike.

AHOLE 17:18

Kumsukulu kuhakemi likhino kutami pi agha ghenguno amakho puluve tsunikeu piqhi cheni.

AHOLE 18:16

Noye timi akhotomi sasu kushonishi ani kesha? Aghochhe pa lau pewu aye pai kusholuve nani.

AHOLE 19:6

Kumtsuno timi akhotomi lopu shiluni malaye pukaputsa cheni; eno sakuphumi shinikeu shompami pukha cheni.

AHOLE 21:14

Timi khamino oshou amlo ide aghiaye tuqhouno agho chhevelo paye iquneive nani.

ALE KIMCHI 4:10

Okikimiye ye kiutoi ngoniyi kela! imlo kuchuu eno iwu kulaliu. Okikimiyeye atsayiji nguno akiviuke; owu vekutsungupu teliye jumghai keu mukhu nguno tsungquike.

ALE KIMCHI 4:14

khungthibo, kalamu eno akussabo momu tsungquikeu mukhu jeli kiumu kuhakeu shimo nani. Tipaulo musughutabo ngo Aloyi bo shishe tsungqui keu xokumna pususu thuipeghi ani.

ALE KIMCHI 8:14

Ilomi, achuyi toi ilau ighilo, vekutsungu mukhu ipeghi akeu naghutolo aqhu lhothe lakhi toi ighilo!

JEREMIYA 8:22

Gilead lo kusughu kuha kesha? Tilehi shikipivimi kuha kesha? Tishiaye, kushiye iwu timiqoye shipivivemo kya?

EZEKEL 27:15

Rhodes lo kuamino osasu kilhishike; azughi sukumxalo akeu ghakhulo akemi kutomono onhemghaqo kusukidi keulo akuhahu ngo asu kimishi pesu otsuke.

EZEKEL 27:17

Juda ngo Israil ghi onhemghaqo me ashothi, akhi ngozu, oliv teli, eno vepujumukhu pesu otsuke.

EZEKEL 27:22

Olhi nhemgha thelilo Sheba ngo Rama lo alhikishimino akughupu chi, shuna eno vepujumukhu akiviu pesu otsuke.

ACHINE 20:24

Ikemu ino nongu mheghi shipenike kinikulu eno aghuma yeghi hipau nongu lau tushoqhivae eno ino tipau nongu tsuni cheni. Niye nongu Lhou AMPEU ke, eno ino ashiayeh kutami launo nongu kutashi qhipuani ke.

Apostolmi 21:14

Ninguno pa hakhaju puhaveno, “Ampeu pulou shipeniae” ipi puzu kiumu pimlave.

ZAKINIU 33:14

Pano yeghiye tsukinheno phupinivekeu xathino chhi peni, atusho atsu-tsulo axathi akiviuno kinikulu shipeni.

SAMUEL ATUGHIU 25:27

Akijeu, kimiyeno ino otsuniye agho hi sughikeu ikhilu tsulo eno hipau pesu owu timiqo tsulo.

SAMUEL ATUGHIU 9:7

“Tsala nikujono pa lau wu aye kiu pesu pa tsuni kya?” ipi Saul no iniju. “Nikujo jolalo achuqupu kuhava eno kutau kiu nhemgha mu pa tsukepu kumu puchemova no kishinia?”