BOTHUBO 42:6 - BAIBEL (BSI)

⁶ Josef no Ijip yeghilo ahng kehu, ayeghiqhalo timi kumtsu vilo pano athi jesutsu ae. Ike Josef pamunoqono ighi no pa gizulo panongu gi pishiqhope itsaiqie.

Sumi Naga CL (Re-edited) Bible (BSI)

⁶ Tipa ghuloki lo Joseph ye Egypt yeghi lo angh shiae. Ayeghi lo timi kümtsü lau athi jetsü akeu huye pa ke. Joseph pamu noqo ghi ighi no panongu gi ayeghi lo pishiqho pe pa zülo itsaqi.

BOTHUBO 42:6 ပူးပေါင်းရင်းမြစ်များ

BOTHUBO 18:2

ike pano pa gi peqhe ithu juke lauye pa phivilo timi kuthu puthugho aghi. Pano panongu ithulu kemtsa ithu puzu panongu sasu kushonike pa phiki hukikha lono posusu wue eno pano itsaiqi puzu pi,

BOTHUBO 19:1

Kungumi kini huno avelau Sodom lo ighi kelo Lot ye aphughi liwolo iqaghi ae. Pano panongu ithulu kemtsa panongu sasu kushoniye puthughove eno pagi pishiqho pe panongu zulo itsaiqi

BOTHUBO 33:3

Pano panongu zuu shi puzu pamu Esao kupunu kusho ke kutolo ghuthu tsuni itsaqi pishiqhoe.

BOTHUBO 41:43

Eno pa pelo akukau wu khurkulu akiniu lono pa xapupe eno timiqo pelo pa zulo ishi asheshu pe, “Ala shetsulo.” Tishi puzu Josef pelo Ijipmi kumtsu shou ayehkipeu shipeke.

BOTHUBO 41:54

eno ampe tsuni puqumiye keu ighive, Josef no pipuakeu hutoi. Ayeghiqha kutau kumtsulo puqumiye ae, ikemu Ijipmi yeghi loye achuqupu ae.

BOTHUBO 41:57

Ayeghiqha kumtsu lono athi qhuniye Ijip lo Josef lau ighi, kughengu ayeghiqha kumtsulo puqumiye keu lono shishe shisakeu shive.

BOTHUBO 44:14

Kughou Juda ngo pa thikuzumiqono Josef kilo ighi keno paye tikutolo tilehi aghi. Panonguno pazulo gihu ghi itsaiqi,

BOTHUBO 45:26

“Josef ye xu aphie eno paye Ijip yeghi kumtsu shou ayehkipeu ahng shi anie.” Jakob ye thibuyive kughengu paye panongu tsa pulumoe.

BOTHUBO 45:8

Ike kuchou loye nonguno hila ipuwuve kekumoe ikemu Alhou no ke. Pano ipelo Farao papu toi ani peke eno ayeghiqha kuchopu peitha anie eno Ijip yeghi kumtsu shou ino ayehkipeue.”

BOTHUBO 48:12

Josef no papu lukobo lono pama khapeluveno pa zulo pagi pishiqhope itsaiqie.

AHOLE 11:26

Timi khuno ame akiqheu lono jelukeu do kheniaye athi hekutsupe qhicheni keno timi kumtsuno pa ghusho cheni ikemu timi khuno jetsu niye ikhipheni keno tipano akishe tsucheni.

ISAIAH 60:14

Nongu qodaqhi chekemi nuqono ighi nani, eno itsaiqi nongu sumsa keu piye nani. Ghuthu lakhiye nongu jumithi chekeqono nongu pukhu philo ighino mlla nani. Panonguno nongu vilo, ‘AMPEU Phughi’ ipi pinani, eno ‘Zion, Israil Lhou Akimtheu Phughi’ ipi ku nani.”

Apostolmi 7:10

eno pa kuxu-kusa kumtsu lono pa xaphelu. Alhou no alokutsu eno timi lopu pesu Josef tsukeu lono pano Ijip lo akukau Farao zulo wukelo, Farao no pa pelo Ijip yeghilo Ahng shipe eno akukau kibo shou peithakutsu-u shivepe.

Piyeküsü 3:9

Julo, ti khunoqono panonguye Judami kepi cheni kemu panonguye ti kumo puzu kimkimiqo keno, panonguye Satan laumi qoke, ino panongu pelo ighi puzu opukhu phivilo itsaiqipe nani, eno ino okimiyeche keu panonguno ithi nani.

SAMUEL ATUGHIU 20:41

Itimi huno cheve kethiuno David no atupikiye tikhau no puthugho ithughi no khonhequ pa gizulo pishiqhope ghuthu kuthu itsaqi tsu. David ngo Jonathan pama kumma ghi qaukhave. David mlo ghime nguno alauno Jonathan no amlo ihshi kutuve.