BOTHUBO 40:8 - BAIBEL (BSI)

⁸ Tile pamano pavilo pi, “Nikujo milakhi khino asamo pumoe eno khuu no tipau kiqi hephotsu pemono ishi anie.” Josef no pama khochile pi, “Alhou no akiqiqo tsucheni ke, nokujo samo ivilo lhejulo!”

Sumi Naga CL (Re-edited) Bible (BSI)

⁸ Pama no pa vilo pi, “Nikujo ye asamo pumoe, ikemu nikujo vilo hepho piyeni kemi lakhimu kühae.” Eno Joseph no pama vilo pi, “Hekupho ye Alhouw ke kumo? Kimiyeno I vilo piju lo.”

BOTHUBO 40:8 ပူးပေါင်းရင်းမြစ်များ

BOTHUBO 40:9

Ikehu akhu ajukhu kipeu atouno pa samo Josef vilo lheghi pi, “Isamouno atsayibo lakhi izulo aghie,

BOTHUBO 41:25

Josef no Farao vilo pi, “Farao samo huye aphiphi kena. Alhou no paye kiu shiniye kuto ani keno Farao vilo pive anike.

JOB 33:23

Tsala pa ghenguno Alhou wu kungumi qhethonheqo dolo milakhi no alacheu shi aghi puzu, kiuno achipiu keno timi vilo lhetsukulupu shi aye;

LESHELE 25:14

Khunono AMPEU sumsa cheni keno paye AMPEU shompami ke, tipanoqo lau pano puloshoqhi pesu pitsu cheni.

ISAIAH 8:19

Ikemu timiqono nongu vilo asaqhi chekemi eno tumumi launo atsape inijulopi pinani, tipaqono pipishi igha eno mamashi picheni. Panonguno ishi pinani, “Timiye aghahwuqo launo asutsa lumoni kesha? eno kuxumi zuqhushi kithimi vilo kighini kilejumoni kesha?”

DANIEL 2:11

Akukau no kiu nivilo pitsulo pikeno tiye ighono sho ani. Alhou no kumo aye khunomu pimlae eno tipau pilunikemi ayeghilomi gholoye aghimo nani.”

DANIEL 2:27

Danel no khochile, “Akiqheu, aghahwu kusami, kuduumi, auyekujumi momu aqhiayepu kighithimi dolo khuunomu ovilo pikulumi kuhave kesha?

DANIEL 2:28

Tishiaye kungulo kuau Alhou lakhi akeuno tuqhou ghili piyesutsu cheni. Ozulo kiu ighi nani keno pano akiqheu akukau lau piyesu tsu ke. Ino itehi osamo kiu pumolu keno pini, tiye nono kungunhetsu lono ithulu keuke.

DANIEL 2:3

pano panongu vilo hitoi pi, “Isamo lakhi ghenguno imlo ghimeshi ani eno tipau kiqi ithive nishi kutu ani.”

DANIEL 2:47

Akukauno pi “O Lhou ye alhou kumtsu nguno akughushuu, kukami kumtsu nguno Akukau, pano akumzapu tuqhou nhemgha ghi pephe piye cheni. Nono tuqhou tsa hepho pe ipiyekeu lono oLhou ye kuchouke pi ithivae.”

DANIEL 4:8

Pa shelo Danel no ighi (pa je Belthashazar ghi kucheni nilhou je kiqi lono). Akimthe lhou ghungu pa gholo achenike ike ino kiu pumo lukeno pa vilo lhe. Ino pa vilo pikeuno:

DANIEL 5:16

Itehi ino chilu keuno noye kusupuakeu kiqi ghi ithuluno pikulupu anipike. Tsala nono hi yepuakeu philu eno tipa kiqi ivilo pitsulu aye, okughape akukaphi puu puzu shuna yila pe agigihu kiqi oku-olo khatsu puzu akukaphulo akuka tsupua keqo dolo akuthuu shive peni.”

AMUS 3:7

AMPEU Alhou ye pano kughupe akeu pesu pa qemi, tungkupmi vilo piyesumo keloye khilemu tipau shini chemoke.