BOTHUBO 4:8 - BAIBEL (BSI)

⁸ Tithiu Kain no pa thikuzuu Abel putsa ghi pi, “Nikujo iliwunie.” Ike pama kumtsa aluzalo chekelo Kain no pa thikuzuu Abel tukulu puzu pa heqhi pithive.

Sumi Naga CL (Re-edited) Bible (BSI)

⁸ Cain no pa thiküzüu Abel pütsae. Eno kughou pama aluza lo akeno, Cain no pa thiküzüu Abel mjochile thuve no pa ghiqhive.

BOTHUBO 4:8 ပူးပေါင်းရင်းမြစ်များ

BOTHUBO 4:25

Adam no pa nipu sasu ashi-aji kuqhae, eno lino anu lakhi punue, eno pa je Set kutsue, lino pi: “Kain no pithive keu Abel zuqhulo Alhou no apiti lakhi itsu anie.”

SAMUEL AKINIU 14:6

Akijeu, niye anu kini ache, ike ghulo lakhi pamaye alu lono kiyi mutolu, tipa ghulokilo khuumu pama hakhotsukemi kuhaveno lakhiuno lakhi heqhipithive.

SAMUEL AKINIU 3:27

Kughou Abner no Hebron lo ighilu keno Joab no khagho lono pa vilo kiwana tuqhou tsa pinike toi pa kupunu susu ighino tipa alono apo lono pa jiqhi pithive. Hitoi shi no Abner heqhi pithive kughengu pano Joab thikuzuu Asahel heqhi pithi puakehu.

YEKIKITHI AKINIU 21:4

Jehoram no akuka qha mutotoi peithaluve kemtsa pa thikuzumi kumtsu ghiqhive eno Israilmi kijemi khami ghi pithivetsu.

NEHEMIA 6:2

Tighenguno Sanbalat ngo Geshem pamano ilau asutsa lakhi sughi eno ivilo aphu lakhi Ono Ghakhuqa lono pama sasu kusholepi pi puwu. Tiye ishipusani keu muqu panonguno kuchughu keu lakhike.

JOB 11:15

Tishiaye noye atiche kiumu kuhano akijevilelu, iqemo eno msamo nani.

LESHELE 139:19

O Alhou, niye opelo kixikilami ghiqhive penishike! Heqhi buqhikemi pelo ilikhi qhive penishike!

LESHELE 36:3

Pa kichi lono ipeghikeu tsaye kusa kugha eno pishikiqhike; Paye kiu alokutsu eno akivi keno tipau shichemovae.

LESHELE 55:21

Pa tsapiye akikhe chuqu nguno akumtshauke, ikemu pa mlolo mithi keu ani; pa tsaye teli nguno akumtshauke, ikemu azutakihi toi tsughaminheyike.

HOSIYA 4:2

Panonguno tushoqhi cheni eno tipaqo kubove cheni; panonguno miki, ghiqhi, puka eno salha cheni. Heqhi buqhi keuno alaushi ani eno ghiqhi heqhikeuno ghiqhi-heqhi pape auvae.

MICAH 7:6

Hipa ghulokiloye anunoqono apuaza pesu kughuzumi toi peitha ani, anganoqono azanoqo mujochile ani eno topu lhothemino anilimi sasu muto ani; timi lakhi ghumi ye pano kibolomi qonoke.

AKIKIHI 35:20

“Timi lakhino kutami khuala jumthi cheni eno pano tipau tukuluqhi puzu pa pithive aye

MATTHEW 23:35

Ikehu akipimi kuhakemi kumtsu pithiveke ghenguno akipimi kuha keu Abel pithivekeu lono Barakhiya nu Zakharia, khuu achineki bocho ngo akumllagho kipti-a kuma dolono nonguno ghiqhive keno tipa kithi kutolo aghime nongu shou ikughi nani.

Luke 11:51

hi Abel ghiqhi kelono wo Zakharia khuu akumllagho kipiti khache ngo akimthe-a kuma dolono ghiqhive keu kutolo jih hipau tiqheli shou ikughipe nani.

Luke 22:48

Ikemu Jisu no pi: “Judas, noye kumuma lakhi pesu Timi Nu hu athe shiniye kesha?”

IBRIMI 11:4

Akupulu lono Abel ye Kain nguno akiviushi Alhou no ikhikulupu lhoxu heqhipe mllakeu lakhi shilue, eno pa kupulu vechewo paye amikuchomi kepi Alhou no ikhilukepu shilue, kughengu Alhou ampino pa kumllagho ikhilukeu shepe shitsuke. Abel ye thive pinamu pa kupulu vechewo itehi ghi piacheni.

IBRIMI 12:24

Nongu Puloshoqhi Akitheu kimekutsuu Jisu lau eno Abel jih nguno kupuqhiyi pipuakeu kuzutepuku keu jih lau ighi ani.

Jude 1:11

Timi tipaqo ghenguno ahakusapuke! Panonguye Kain no pulakeu laghi pula cheni, eno pisa ghenguno alakimneshi Balaam no kuquvekeu xine lau papewu cheni. Kora no hebide ipeghikeu toi panonguno hebide puzu Kora toi panonguye puhave ani.