BOTHUBO 4:4 - BAIBEL (BSI)

⁴ Abel ghi pawu bheri piti tughiu atha kupu peighi. AMPEU no Abel eno pa kumllagho shou amlo kiqishive,

Sumi Naga CL (Re-edited) Bible (BSI)

⁴ eno Abel ghi pa mbeloji lo piti tüghüu, atha pubeyi keqo dolono peighi. Ampeu no Abel eno pa kümllagho shou amloqive,

BOTHUBO 4:4 ပူးပေါင်းရင်းမြစ်များ

BOTHUBO 15:17

Tsukinhe ilove kethiu zughuyive kelo, amchhi kupho li lakhi eno akulu kughuqu lakhi ishi ipeghi puzu ashikumo xaphape puakeu muta zusu heche wuve.

BOTHUBO 4:3

Tipa tikhau akumllagho lakhi AMPEU tsunike Kain no pawu tuxatini peighi.

KUKAMI ATUGHIU 18:24

Tishino Baal tungkupumi pelono panongu lhou vilo inikhupelo eno nighi AMPEU vilo inikhuni, tishino khuuno ami puwutsu keno tino Alhoue.” Timiqono tishinie pi pulovetsu.

KUKAMI ATUGHIU 18:38

Kuchono AMPEU no ami piqi tsuno akumllagho qhipuakeu asuqhe, atu kumtsu ayeghi pitithapiniyi pitive eno azulakilo azu ghi kishi puhave.

YEKIKITHI ATUGHIU 21:26

Pano tile AMPEU wu akumlla kipti khache ghe eno piti mllakeu eno kuposhukeu kumllagho shi. Pano inikhu eno AMPEU no pa kighini khochiletsuno kungugha lono ami piqi tsupuzu akumlla kipti khachelo ghiqhipe bekeu pitive tsu.

YEKIKITHI AKINIU 7:1

Kughou akukau Solomon no pa kighini tave keno kungugha lono ami iqighino piti kumllagho kuchopu pitive eno AMPEU jukuvuno Achineki chhive.

LESHELE 20:3

Nono ogho pesu pa mllakeqo kumsulu peni, lhoxu pesu pa mllakeu kumtsu amlo qilu peni.

IPEKULU 13:12

nonguye anu anoghiu kumtsu pesu AMPEU lau pakuta keu shi mlla masake. Nowu lhoxu atsu piti tughiuye kumtsu AMPEU wuke,

AHOLE 3:9

Oyeghi lono tuxatini ipeghikeu akiviu pesu AMPEU lau akumllagho shi pa gihulo.

YETSAPIU 4:4

Itaghi ino ithulukeuno timino tokulu shiniaye aghime eno aka aveshi mlacheni, tiye pano kisughumi juminekeu ghengunoke. Ikemu hiye adouke. Hiye amlhu kughahaju puhakeu paphi ke.

ACHINE 9:24

Paikhavino AMPEU no ami lakhi puwu eno tipauno pitikeu kumllagho ngo atha jeli akiptia shou akeu piti puhavetsu. Timiqono tipau ithulu kelo panongu kumtsu iqhaigha no ayeghilo panongu gi pishiqho luve.

AKIKIHI 16:15

Muse ye agha ideveno AMPEU vilo pi, “Timi hipaqono akumllagho sughikeu ikhilu tsukevilo. Niye panoqo wu gadaha lakhimu lupuamoe.”

AKIKIHI 16:35

Tithiu AMPEU no pitimuha keu mi puwu puzu khunonguno tsungqu-ta suwo qhitsukeno timi 250 hu pithivepe.

AKIKIHI 18:12

“Ampe ampe lo Israilmino tuxatini ipeghikeu akiviu pesu itsukeu kumtsu pesu ino nongu tsu ani, tiye oliv teli, atsaiji eno athi.

AKIKIHI 18:17

Ikemu amshi, bheri eno aneqo piti tughiu ye qhuchile lumoni; tipaqoye qhoi isalake eno heqhipe aghashilo. Tipaqo jih pesu akiptia shou vepukulo eno tipaqo tha ye achuqupu kumllagho shi pitilo, imlo kiqishi tsungulu kepu lakhike.

IBRIMI 11:4

Akupulu lono Abel ye Kain nguno akiviushi Alhou no ikhikulupu lhoxu heqhipe mllakeu lakhi shilue, eno pa kupulu vechewo paye amikuchomi kepi Alhou no ikhilukepu shilue, kughengu Alhou ampino pa kumllagho ikhilukeu shepe shitsuke. Abel ye thive pinamu pa kupulu vechewo itehi ghi piacheni.

IBRIMI 9:22

Mutsuqheyino Ayezah qholoye thwokha ahji pesu shikimthe che eno ajhi pelemo keloye axine pevetsukeu kuhake.

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.

XAKUTHAMI 6:21

Tishivetsu ke thiu AMPEU wu kungumi huno pa ulo akusu pesu akeu huno akumtsu halauno ti ashi ngo asho kuma piti kumlave. Tipathiu kungumi huye hauve.

SAMUEL ATUGHIU 15:22

Samuel no pi, “AMPEU ye khikhiu pulo ani kya? aghokulu keo, akumlla eno aghakishi kya? Bheri akiviu pesu pa mllani kepu zuqhuye pa gholu keuno akiviu.