BOTHUBO 39:9 - BAIBEL (BSI)

⁹ Aki hipaulo inguno akijeu khumu kuhae eno paye kiu thime mu ilauno kusupe puamoe, olikhi kumoaye, kughengu nono pa nipu kehu. Imaye niye kishi puzu lhoksakugha hikithipu shi puzu Alhou zulo axine shini kya?”

Sumi Naga CL (Re-edited) Bible (BSI)

⁹ Akibo hipau lo I nguno alau kije kühae, momu pa ye o likhi kumo aye kütau kiumu I launo süchileve moe, kughengu no ye pa nipu ke. Tishi aye kishino küsakügha kije eno axine hipau ni ye Alhou hebide ghi shini kea?”

BOTHUBO 39:9 ပူးပေါင်းရင်းမြစ်များ

BOTHUBO 13:13

Ikemu Sodom phughilo akemiqoye AMPEU zulo ighono lhoksakughami eno axinemiqoe.

BOTHUBO 20:3

Ikemu putholo Abimilek samouno Alhou no ighieno pa vilo pi, “Julo, noye thini akene, totimi nono saghi keu hu timi nipu ke.”

BOTHUBO 20:6

Alhou no asamouno pa vilo pi, “Iye, noye omlo kiumu kupuna kupugha keu kuhano li saghi kepi ino ithi anie, kughengu opelo ishou axine shipemoni aye nighi osuchileluve anike tighenguno ino opelo li bupe moveke.

BOTHUBO 20:9

Abimilek no Abraham ku saghi no ishi iniju, “Noye ni shou hiye kiu shivetsu ani kya? Niye oshou kiu kipimi shive keno noye aghimepu kije ilau eno ikukaqhalo saghi ani kya? Noye shimokepu kumlapu ishou shivae.”

BOTHUBO 24:2

Ike Abraham no pa qemi gholo amuchou, pa kilo amheghi jukutsuchekeu vilo pi, “Ashoqhi shipenike o-u ipukudolo inapelo.

BOTHUBO 39:10

Li no tsala kipetsu Josef putsa anamu pano li tsa initsumo eno li sasu zumoe eno li gholo ngomoe.

BOTHUBO 41:40

Ino opelo niyeghi peithapeni ke qhini eno iwu timi kumtsuno nono ahza tsukeu gholu nani. Ino akukau ke ghengu likhino ino onguno akijeu shini.”

BOTHUBO 42:18

Akuthuni Josef no panongu vilo pi, “Niye Alhou sumsa acheni, ike nonguye nongu kuxu xaphe luve kepushi hishilo.

SAMUEL AKINIU 11:27

Kughou amloksa do hecheve keno, David no li pelono akuka kilo ighive penikeu shive; eno liye pa nipu shiluve eno lino anu lakhi punu. Ikemu AMPEU ye David no kiu mlapuakeno tipaulo amlo qimono ae.

SAMUEL AKINIU 12:13

David no pi, “Ino AMPEU zulo axine mlavae,” Nathan no khochile pi, “AMPEU no oxine pevetsu ani; noye thimo nani.

NEHEMIA 5:15

Izuu ahng shi ikighimiye timiqo ghimeqhi cheke, achuqupu eno aji ghenguno atsalalo tsandiyi lhobidi khuche. Panongu qemi thotsu timiqo qhasupe acheke. Ikemu niye titoi shimoe, kughengu niye Alhou msa che.

NEHEMIA 6:11

Ino ishi pa khochile, “Niye titoi poveno itshuwuve nikemi kumoe. Noye ino ikuxu pukhaniye pukaputsano achinekilo itshuwuve nani pi kumsu ani kesha? Niye tishi moke.”

JOB 31:23

Kughengu Alhou no ghimeqhini keu musake, eno paye chuqumughai kehu niye hipaqo lakhimu shimusae.

LESHELE 51:4

Kutami kumono oshou likhi ino axine shivae eno ozulo alhoksa ipichekeu ino shivae. ike noye ishou kughatha nikeulo achipi shianike; ikughape akumou kepi pinikeu noye achipike.

IPEKULU 20:14

“Noye shupu salha kevilo.

AHOLE 6:29

Tihutoi timi kutami nipu sasu zukeu ghi akuighupuke. Khunono tipau shini keno aghime shi nani.

AHOLE 6:32

Ikemu timi khuuno salhashupuni keno paye kumsukulu kitilamu kuhae, paye pa likhi pa kutsave anike.

YETSAPIU 7:26

Ino akithi nguno kutau akukhu kimji lakhi phulue, tiye totimi. Lino kikimiye otsukeuye alichhe toi momu akhame lakhi toi omeluve nani; eno li-uno okhaluve keuye ayikichhe toi otshuluve nani. Timi khunono Alhou lopu shicheni keno poluve nani.

JEREMIYA 28:16

Tighenguno AMPEU ampino pike pano noikhiveni cheni. Hipau mipe wokha mphi lono noye thive nani kughengu timiqo pelo AMPEU shou hebide penike nono pianike.”

JEREMIYA 50:7

Panoqo ju ithulu kemi kumtsuno panongu haleqhike. Panoqo ghumino pi, ‘Panonguno AMPEU shou axine shike ike ninguno panoqo shou kiu shikeno tiye achipikumo keu kumoe. Pano puasuqoye AMPEU pukhupe xucheke eno panongu ghi pa lau amikucho shi ache kepushi ake!’

ACHINE 20:10

Timi lakhino akusami Israilmi lakhi nipu sazuvetsu aye, pa ghi eno atotiu ghi kinikujo pithivelo.

ACHINE 6:2

Timi lakhino pa kusami Israilmi lakhino pekikepe pa gholo qhikeu, huu hiu thelilo qhikeu tsuchilemove keu momu pa launo kiuala pukaluveni momu pa pishiqhiluve momu kiuala puhavekeu lo mikikeu tsa pipuzu paye tipau ithumla kepi tushoqhive keu lono AMPEU shou axine shive aye akumllagho lakhi shipelo.

AKIKIHI 32:23

Ikemu nonguye nonguno piqhive keu pelumo aye AMPEU shou axine shi aniputsa kepi ino nongu kutughuve ani. Hipau vehulo shipimi kevilo; nongu xine ghenguno aghime tsunanike.

Luke 12:48

Ikemu aqemi khuuno pa mpiu pulou mtha puzu kiuala mlave aghikeulo ghakepu shive aghi aye ighono ghaqhi kutukeu shimo nani. Timi khuu lau kutomo tsu puani keno kutomo pa launo khu nani; eno timi khuu lau alau tsu puani keno tinguno alau khu nani.”

1 Kor. 4:2

Ike khunoqomi pelo peitha kutsumi shipepuani keno panoqoye pukhubekulumi shi aghimaye sake.

Titus 2:10

momu kuzukugho shikepu kumoe, ikemu thwokhalo pukhubekulu shimasae, tishianguno panonguno shikeu kumtsulo niXakuluu Alhou ghili kutsupiye chekeu jukighilepu shilupe nike.

IBRIMI 13:4

Timi kumtsuno kulakupu gihukepu shilo; eno akimi anipu dolo pukhukile kulupu shilo; kughengu kiptimi totimi dolo mithemokemi eno kutuqha chekemi shou Alhou no kughathabe nani.

1 John 3:9

Khunono Alhou nu shiluve akeno axine shi chemoe; kughengu Alhou lhoayeh pa lolo achenike, eno paye axine shimlae, kughengu paye Alhou nu shiluveake.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

Piyeküsü 22:15

Ikemu aphughi nguno khalauye alhoksa kitiqevekeqo, kuduu shichekemiqo, salha shupukemi, ghikiqhimi, ajulho shisuno tipau mllakemi, akimki kimiye eno miki cheni keno tipaqono acheni.