BOTHUBO 37:18 - BAIBEL (BSI)

¹⁸ Josef no putou chephi lono panonguno pa ithuluve eno pano panongu kupunu ighi mphi lono panonguno kuchughu puzu pa heqhivenikeu shi kughave.

Sumi Naga CL (Re-edited) Bible (BSI)

¹⁸ Panongu no putou no pa ithulu, eno pa no kupunu ighi mphi lono panongu no pa pithive niye küsüqeve.

BOTHUBO 37:18 ပူးပေါင်းရင်းမြစ်များ

BOTHUBO 27:41

Tithiuye Esao no Jakob mithiwuve, kughengu pawu kukumgha papuh no Jakob tsuvekehu. Esao no ishi kumsue, “Ipu ghenguno mloqa kepu do kupunu wocheae; tithiuno ithikuzuu Jakob ghiqhi nani.”

BOTHUBO 37:19

Panongu lakhino lakhi vilo ishi pi, “Julo, hi asamo kupumou hu chenie.

BOTHUBO 50:15

Panongu papu thive kethiu Josef pamunoqono ishi pi, “Ishi ake, Josef ye ni mithi niaphi keniae, eno ninguno pa shou kixikila shikeu ningu lochileniye kughu aghinosae!”

BOTHUBO 50:20

Nonguye ishou kusakughapu shinike kuchughue ikemu Alhou no ikivipulo tukidesuve, tishikeu lono timi hi ishi kutomo xuaghi keqo kuxu puxu tsuniyeke.

LESHELE 105:25

Pano Ijipmi pelo pawu timiqo mithiu vepe eno pa qemiqo pishipujukeu sholupe.

LESHELE 109:4

Niye panongu kimiye namu panongu no isasu kumgho ani, niye panongu ghengu ghi inikhu ake.

LESHELE 31:13

Kutomono chhu-chhushi kuptsakeu ino chilu ani, Aqha kumtsulo akuighupushi ani, Panonguno ishou akumou shiniye kuchughu ani, ikuxu luve tsuniye kumqu ani.

LESHELE 31:14

Ikemu ino opukhu ani, O AMPEU, Noye iLhou ke,

LESHELE 37:12

Kixikilamino amikuchomi shou kuchughu cheni, eno anhe thi xukide pesu pa jumithi cheni.

LESHELE 37:32

Kixikilamino kivimi miqe khea puzu pa pithive niye pukaputsa cheni;

LESHELE 94:21

Panonguno timi kivimi shou alhoksa kuchughuke eno kuqumokemi pithini keushi xatha cheni.

MATTHEW 21:38

Ikemu kughou mishi-chichekemino anu ithulu keno, panongu lakhino lakhi vilo ishipi, ‘Hino amheghi kiyighiuke. Ighilo, ningu pa pithiveno pa mheghi luveni nolo.’

MATTHEW 27:1

Inaqhe itheno Achinetomi ngo Judami kichimi kumtsuno Jisu pithive nike ghenguno kishivekepu kela kuchughuve.

Mark 12:7

Ikemu mishi chichekeqono lakhino lakhi vilo ishi pi, ‘Hipauno ampiu nue. Ighilo, ningu pa pithiveni, tishi aye atsayiluye ningu wu shive nani.’

Mark 14:1

Hechekulu eno Kholaqhi sumokeu sho chukeu Ghulhu tonike atsala kiniae. Achinetomi ngo Ayezah kutsuchekemino kusuwuno Jisu kughaluveno pithivenikeu lah phuae.

John 11:53

Ikehu tipa tsala nguno tilaye Judami ayehkipemiqoye kishino Jisu pithive nikeno kuchughu acheuve.

Apostolmi 23:12

Kughou atsala ipeghive keno Judami no kuhokumqo puzu kuchughukeu lakhi pughu. Panoqono alikhi ashou ashoqhi shi puzu panonguno Paul pithive moke kuto achuqupu chu shomo nikeu shi.

SAMUEL ATUGHIU 19:1

Saul no panu Jonathan ngo pa qholo kijemi vilo paye David pithiveni keu kuchughu akeu pesu pithi tsu, ikemu Jonathan ye ighono David ju pa loche