BOTHUBO 32:9 - BAIBEL (BSI)

⁹ Tile Jakob no inikhue, “O ipu Abraham Lhou eno ipu Isak Lhou. AMPEU nono ivilo pikeuno, ‘No yeghilo eno nobolomi lau idewovelo eno ino akivishi opeitha nani’ ipi.

Sumi Naga CL (Re-edited) Bible (BSI)

⁹ Eno Jacob no pi, “O I pu Abraham Lhou eno I pu Isaac Lhou, O Ampeu khuu no I vilo, ‘O ghakhu lo eno o sholokumi lau idewove lo, tishianguno I no o lau akivi shi tsünie,’ ipi keno,

BOTHUBO 32:9 ပူးပေါင်းရင်းမြစ်များ

BOTHUBO 17:7

I-u puloshoqhi lakhi nikujo dolo eno opolo kughuko chekemi tiqhelino tiqheli kutolo shini tiye ipelo olhou shipeni eno panoqo Lhou shipeni keu puloshoqhi ke.

BOTHUBO 28:13

Tile AMPEU no pa phivilo puthugho aghi keu ithuluno pano pi, “Niye AMPEU ke, opu Abraham Lhou eno Isak Lhou ke. Nono khipa shou ihozu anikeno ino no eno otikughukoqo tsunie.

BOTHUBO 28:15

Hi ithilo, nono khile khile wunamu ino ogholo chenani eno oputukha sasu anani, ino hipa yeghilo osachile saghi nani. Kughengu ino ovilo pivekeu shikupumoke kuto niye khilemu oqhivemo nani.”

BOTHUBO 31:13

Niye Bethel lo olau ipeghi keu Lhou ke. Nono tile atu shope qhino teli pesu nupuku eno nono ivilo ashoqhi lakhi shike. Mtazu hekutsu kuto puzu hipa yeghi qhiveno nobolomi yeghilo idewovelo.”

BOTHUBO 31:29

Oshipusave kepu kuka i-ulo anie, ikemu iji putho lono opu Lhou no ivilo ishi pie, ‘Olikhi osuchileluvelo eno Jakob vilo akivi na alhoksa namu pikevilo.’

BOTHUBO 31:3

Tile AMPEU no Jakob vilo pi, “Opuno yeghilo eno nobolomi gholo idewovelo, ino ogholo ananie.”

BOTHUBO 31:42

Ipu Lhou Abraham Lhou eno Isak no mlla chekeu Lhou no igholo acheke ghenguno thono noye kuchouno a-u kumsa ipuwoveni cheke. Ikemu Alhou no iwu shiluksa ithulu eno ino kiu mlakeno ithulu puzu, iji putho lono olomi pike.”

BOTHUBO 31:53

Abraham Lhou eno Nahor Lhou, panongu papu Lhou pelo nikujo dolo kughathatsu apeni.” Jakob no papu Isak no mlla chekeu Lhou je lono ashoqhi shie.

BOTHUBO 32:8

Pano ishi kumsu, “Tsala Esao no ighi puzu aqo atughiu ghiqhi ve namu aqo lakhiu likhimu poluve nani.”

BOTHUBO 49:25

tiye opu Lhou no okuphu kehu ke, tiye Akughushu Lhou no okumghatsue. Kunguuno tsutsughu wu kukumgha, ayeghi qhouno azu kutho wu kukumgha, akichhi ngo atita wu kukumgha,

YEKIKITHI AKINIU 20:12

Noye ningu Lhou ke! Panoqo ghimeqhilo, kughengu ghushimi kumzapuno ni le ighi akeu ju kelo ninguye avesavae. Ninguye kiu shikepu keno mthae ikemu ningu kuphupe nike ninguno olau ju anie.”

YEKIKITHI AKINIU 20:6

eno ighamuku akighini shi, “O AMPEU, nipuasuqo Lhou, nono kungugha lono ayeghiqha lo shiyeh kumtsu shou ayeh pe ani. Noye akuka kumtou eno akughushuu ke, timi khumu omujochile mlake.

YEKIKITHI AKINIU 32:20

Tithiu Akukau Hezekiya ngo Amuz nu tungkupu Isaya pamano Alhou pelo kuphupenike ighamuku inikhu.

LESHELE 50:15

Shiluksa ighikelo ivilo pilo, ino nongu xalunike eno nonguno isheqhe nani.’

LESHELE 91:15

Kughou panonguno ikuni keno ino khochile nani; panonguno shiluksalo akelo ino panoqo gholo anani. Ino panoqo xaphelu eno panoqo suqhepuku nani.

IPEKULU 3:6

Niye nopu asuqo Lhou ke; Abraham, Isak eno Jakob Lhou ke.” Ikehu Muse no pagi nhaluve kughengu paye Alhou lau jupukunikeu msaveke.

JEREMIYA 32:16

Qhuluvekeu kughathalu keu kaku Baruk lau tsuve kethiu ino ishi inikhu,

SAMUEL ATUGHIU 30:6

David ye ighono avekusa dolo ngove, kughengu pawu timi kumtsuno pututa nipunuli puhavekeu lono amlo shimo atuno David veqhi pithive nikeu shiuve; ikemu AMPEU pa Lhou no pa mlo shikumtotsu.