BOTHUBO 32:10 - BAIBEL (BSI)

¹⁰ Ni oqeu ye owu kupukini eno opukhubekulu puwutsukeu akimkheu mu ithulu kuzupu kumoe. Niye kiumu pemono ikusu likhi pesu Jordan kathae, eno itehi niye aqo kini shipesu chenie.

Sumi Naga CL (Re-edited) Bible (BSI)

¹⁰ ni ye Ow iqemokeu kikimiye eno pükhükulu kümla Nono O qeu lau piye keqo akimkheu mu ithulu küzüpu kumoe, kughengu I kusü likhi kuchope ni ye Jordan hipau kathae, ikemu itehi ni ye aghazü mqo kini shivae.

BOTHUBO 32:10 ပူးပေါင်းရင်းမြစ်များ

BOTHUBO 18:27

Abraham no itaghi pi, “Niye ayeghi mukhu eno ayevu kemu AMPEU sasu kinheqhe kuptsa akeu shi auveana hio!

BOTHUBO 24:12

Pano ishi inikhu, “O AMPEU, impeu Abraham Lhou, ishi izulo angu vilupelo eno impeu Abraham lau piqhi puakeu shitsulo.

BOTHUBO 24:27

Pano pi, “Impeu Abraham Lhou AMPEU sheqhelo. Pano pawu kupukini piqhipuakeu eno kuchou suwuve mphie. Ino alalo chekelo AMPEU no ikichepiye sasu impeu no sholokumi kilo sue.”

BOTHUBO 28:13

Tile AMPEU no pa phivilo puthugho aghi keu ithuluno pano pi, “Niye AMPEU ke, opu Abraham Lhou eno Isak Lhou ke. Nono khipa shou ihozu anikeno ino no eno otikughukoqo tsunie.

BOTHUBO 28:15

Hi ithilo, nono khile khile wunamu ino ogholo chenani eno oputukha sasu anani, ino hipa yeghilo osachile saghi nani. Kughengu ino ovilo pivekeu shikupumoke kuto niye khilemu oqhivemo nani.”

BOTHUBO 30:43

Kusho kumolono paye akini kutsasa auve. Paye atsu-aqu, aqepumi aqelimi, kemel ngo gadaha ishi kutomo auve.

BOTHUBO 31:3

Tile AMPEU no Jakob vilo pi, “Opuno yeghilo eno nobolomi gholo idewovelo, ino ogholo ananie.”

BOTHUBO 32:5

Niye amshi, gadaha, bheri, ane eno aqepumi ngo aqelimi pighi acheni. Nono ikimiyeno ni ikhikulupu shini malaye hi aghini kishimi olau puwuani.”

BOTHUBO 32:7

Ike Jakob ye ighono musa ichive. Pano pa gholo chekemi timi, bheri, ane, kemel, ishi aqo kinini shi kijeve.

SAMUEL AKINIU 17:24

Absalom ngo Israilmino Jordan kathalu ke ghulokiuye David ye ighino Mahanaim taun toluve.

SAMUEL AKINIU 7:18

Tishino akukau David no AMPEU kua Phikilo ilo iqano inikhu, “Akughushu AMPEU, nono ighenguno eno isholokumi ghenguno kiu mlatsu keno akuzupu kumoe.

JOB 17:9

Tishimu, amikuchomino pa laghi phemoe eno khuno kuxu mithe anikeno mutokithe thuwu achenie.

JOB 8:7

Okuxu abothu loye aghulo shi anamu okuxu ashekha lauye kije shive nani.

LESHELE 16:2

Ino AMPEU vilo pi, “Noye iMPEU ke; onguno kutaulo ikivipu kuhae!

LESHELE 18:35

AMPEU, nono xakulupu zuto pesu itsue, okuka-kumtono imutu peke, Okukuphuno ipelo kije shipe.

LESHELE 61:7

O Alhou, pa pelo ozulo pulhapuju ayehpepelo; Owu iqemokeu kikimiye eno iqe mokeu mikuchono pa sushope qhitsulo.

LESHELE 8:5

Ikeghi kungumi nguno kitilano akitilau shi pa lhope puani; nono ajekipi eno agigihu pesu pa qhopipeke.

LESHELE 84:7

Panonguno wuchekelo akumto shikithe wuve, Zion lo panonguno alhouqo shou Alhou ithulu nani.

LESHELE 85:10

Kikimiye ngo pukhukilekulu kushokilelu nani; amikucho ngo alokughunoye kuvakileluve nani.

AHOLE 4:18

Amikuchomino izuchekeu laghiye tsukinhe ipeche ke toike, atsala ipeghimoke kutolo vuqai kithe eno vuqai kithe acheni.

ISAIAH 6:5

Tileno ino pi, “Ighenguno ahakusapuake! Niye puhaveniake! kughengu niye akichi mithemokemi ke eno niye akichi mithemokemi gholo xua chenike. Ikeghi, inhethi ampino Akukau, aqokitikhi MPEU ithuluveake!”

ISAIAH 63:7

AMPEU wu iqemokeu kikimiye ino pia nani; pano mlatsukeu kumtsu ghenguno ino pa sheqheni. Pano kinikulushi Israil lo timiqo kumghatsuke, pawu kupuqhiyikeu eno iqemokeu kikimiye ghengu noke.

MICAH 7:20

Nono amikucho ngo owu iqemokeu kikimiye pesu owu timiqo, Abraham ngo Jakob polo kughukomi lau piye nani, tiye kha-ghino nono nipuasu vilo piqhipuakeu toi shi nani.

Luke 17:10

Titoi, nongu vilo ahza tsukeu kumtsu shivekethiu nongu ghi ishi pikepue, “Ninguye amekukuha qemiqo ke, ni kumlapu saje likhi shi aphi.”

Luke 5:8

Kughou Simon Pitor no ti ithuluve keno, Jisu zulo qhoqhunheno pi, “Ilauno wuvelo, Ampeu kughengu niye axinemi lakhike.”

2 Kor. 12:11

Niye kughuzumi lakhi shiauvae! Nonguye ikughape peqhepuku akepu kelauye nonguno anguka lono ipelo aghuzuu shi anipeke. Kughengu niye kiumu kumokemu, niye kiu laghi lonomu ti “Apostolmi” akhotomi ipichekeqo nguno aqhokigheu kumoe.

ZAKINIU 8:18

AMPEU nongu Lhou no nongu pelo kinimi shilu penike akuka tsuke pi kumsulu achelo. Pano hipau shikeuye paye nongu puasuqo sasu puloshoqhi shikeu ishi tsala kutolo amikucho shi pe acheni ke.

1 Peter 5:5

Titoi nongu lhothemiye kichimi qhoqhulo. Nongu kumtsuno lakhino lakhi lau qekile nike akumtsha kughuvu pepulo, kughengu pipuakeu toi, “Alhou no qhezakemi lakhave cheni, ikemu akumtshami lau kukumgha tsu cheni.”