BOTHUBO 31:53 - BAIBEL (BSI)

⁵³ Abraham Lhou eno Nahor Lhou, panongu papu Lhou pelo nikujo dolo kughathatsu apeni.” Jakob no papu Isak no mlla chekeu Lhou je lono ashoqhi shie.

Sumi Naga CL (Re-edited) Bible (BSI)

⁵³ Abraham Lhou, Nahor Lhou eno panoqo papu Lhou no nikujo dolo xaküthau ke.” Ikehu Jacob no pa pu Isaac no Sümsa chekeu jeku tushoqhive,

BOTHUBO 31:53 ပူးပေါင်းရင်းမြစ်များ

BOTHUBO 11:31

Ike Tera no panu Abram ngo pa ti-nu Lot, ti Haran no nu eno Abram nipu pamukishiu Sarai ishi sasu pa gholono Kanan ghakhulo wunike ghenguno Khaldiami yeghilo Ur phughi qhive. Panonguno Haran phu kutolo ighino tile kughunache.

BOTHUBO 14:22

Ikemu Abram no ishi khochile, “AMPEU, Ighono Akiqheu Lhou, atsutsu ngo ayeghi kipighiu zulono ino i-u peqhe ghi tushoqhi ani,

BOTHUBO 16:5

Tile Sarai no Abram vilo pi, “Ikipimi oshou ikughi peni. Oshouno imukhu lupeniu, iqeliu pesu otsuke lauye lino mishiluve kemtsa ijumthi thuvae. AMPEU pelo nikujo dolo kughathatsu peniu.”

BOTHUBO 17:7

I-u puloshoqhi lakhi nikujo dolo eno opolo kughuko chekemi tiqhelino tiqheli kutolo shini tiye ipelo olhou shipeni eno panoqo Lhou shipeni keu puloshoqhi ke.

BOTHUBO 28:13

Tile AMPEU no pa phivilo puthugho aghi keu ithuluno pano pi, “Niye AMPEU ke, opu Abraham Lhou eno Isak Lhou ke. Nono khipa shou ihozu anikeno ino no eno otikughukoqo tsunie.

BOTHUBO 31:42

Ipu Lhou Abraham Lhou eno Isak no mlla chekeu Lhou no igholo acheke ghenguno thono noye kuchouno a-u kumsa ipuwoveni cheke. Ikemu Alhou no iwu shiluksa ithulu eno ino kiu mlakeno ithulu puzu, iji putho lono olomi pike.”

BOTHUBO 31:52

Hipau gheqhe puku puakeu pelo thopi shipeni, eno athigho hipauno thopi shipeni, ike niye gheqhe puku puakeu hipau vechewo olau ighimonie, eno noghi hipau thigho hechewo ishipusa pemonie.

BOTHUBO 47:31

Israil no pi, “Noye tushoqhivelo.” Pano pa vilo tushoqhive, eno Israil no pa zualo ihozuve.

IPEKULU 3:6

Niye nopu asuqo Lhou ke; Abraham, Isak eno Jakob Lhou ke.” Ikehu Muse no pagi nhaluve kughengu paye Alhou lau jupukunikeu msaveke.

IPEKULU 5:21

Timiqono Muse ngo Aron pama vilo pi, “Nonguno kiu shivetsu keno AMPEU no ithuluveake eno akukau ngo pawu kijemiqo pelo nijumithi pekeu ghenguno nongu ghimeqhi nanike. Ni heqhive peniaye nonguno panoqo pelo jekukivi shivepeke.”

ZAKINIU 6:13

AMPEU nongu Lhou sumsalo, pa likhi mllalo eno pa jelo likhino ashoqhi shilo.

JOSHUA 24:2

Joshua no timi kumtsu vilo pi, “AMPEU Israil Lhou no hi piniye anie, ‘Nopu asu ye Eufrati ghoki kukuu akeu ado jushuwa shivae eno kutau lhouqo mlla cheke. Apu asu gholo lakhiye Tera ke, Paye Abraham ngo Nahor noqo papuke.

XAKUTHAMI 11:27

Tishimoe, niye khilemu olau kuqu puamoe. Nono isasu aghushikeu no kuqu auvae. AMPEU no xakuthau shipelo. Ishino Israilmi ngo Amunmi dolo pano kughakutha shitsupeniu.”

SAMUEL ATUGHIU 20:23

Nikujo lakhino lakhi sasu pulokile keu shoqhi chuvekeu kiqi lono AMPEU no tipau nikujo dolo puatsulu nani kepi pulu ani.”

SAMUEL ATUGHIU 24:12

Nikujo khiuno kuqu anikeno AMPEU no nikujo dolo xatha tsu apeniu! Nono imthi anike ghenguno pa pelono aghime otsupeni, ikemu niye kumu oghimemo nanike jualo.