BOTHUBO 3:5 - BAIBEL (BSI)

⁵ Kughengu Alhou no ithi ani, ike okujono tipau xathi chuke tsala lono okujo nhethi tsukholuve nani eno okujoye Alhou toiveno akivi eno alhoksa ithiwuve nanike.”

Sumi Naga CL (Re-edited) Bible (BSI)

⁵ Kughengu Alhou no ithi anike kughou nokujo no hipau chuni keno, nokujo nhethi ye khaqhive nani, eno nokujo ye Alhou toi, akivi ngo alhoksa ithive nani.”

BOTHUBO 3:5 ပူးပေါင်းရင်းမြစ်များ

BOTHUBO 2:17

ikemu akivi eno alhoksa ithilupe chekeu subo xathi noye chukevilo. Kughengu tipau chukeu tsala nino noye thini putsae.”

BOTHUBO 2:9

AMPEU Alhou no ayeghi lono jukivi ithulu kepu subo ngo chulukepu subo kumtsu ipeghipe. Tile akuxupi subo aghutu mtalo ae, eno akivi ngo alhoksa ithilukepu subo ghi ae.

BOTHUBO 3:10

Adam no pi, “Aghutulo osutsa chiluno niye msaveke, kughengu niye aphi kumsa kehu itshuwuveke.”

BOTHUBO 3:22

Tile AMPEU Alhou no pi, “Julo, itehi timiye ningu paphi shivae; kughengu pano kivikusa ithiwuvae. Eno pau chhopuwo akuxupi subo xathi ikhiluve puzu ti chuno pulhapuju xuacheuve nosae.”

BOTHUBO 3:7

Tishike mtsa pama nhethi xukhove eno pamaye aphikumsa akeu ithive; ikehu pamano khughuthi nipa tsughu kimeno pesu pama mini shie.

KUKAMI ATUGHIU 22:6

Tighenguno Ahab no tungkupumi 400 kutolo kukutsuno panongu iniju, “Niye Ramot lewukepu keo mokya?” “Lelo, kughengu AMPEU no tokulu otsu nani,” ipi panonguno khochile.

YEKIKITHI AKINIU 32:15

Hezekiya pelo khilemu tikithipu shi nongu pishiqhi momu nongu sabide pekevilo. Pa pulu kevilo! Khuuno shiayeh lhou nomu Asiriyami kukami launo pawu timiqo xalu pua mphike. Tighenguno nongu xamla nanike!”

LESHELE 12:4

“Ni mili pesu nino tokulu shi nani, nishou ampiu khuu ani kya?”

IPEKULU 20:7

“Alhoksa kimiji ghenguno ije peithamoni kughengu khunono ije peitha pusani keno Ni, nongu Lhou AMPEU no ghimeqhi nanike.

IPEKULU 5:2

Ikemu akukauno pi, “AMPEU ye khuu kya? Niye kushiye patsa inini kya? eno Israilmi pelo wuvepeni kya? Niye AMPEU mthae eno niye Israilmi puwumoe.”

ISAIAH 14:14

Nono pikeuno noye khungkusu kutsuqa shou mili iku puzu Akughushuu toi shiniye shike.

EZEKEL 13:22

“Nonguno nongu kimki pesu kivimi khunoqo ino ghuza nishimono achekeqo mlo shikumkave tsuchenike. Nonguno alhoksami pelo pano lhoksa pheve penikeu lakha cheni eno pano kuxu xaluve nikeu lakha cheni.

EZEKEL 28:12

“Thinikuau timio, Tur kukau shou kiu shiveniye kutope ani keno tipau ghenguno amlo sa-alo. Pa vilo ni, Akughushu MPEU no kiu piani keno pesu pilo: Ghuthu lakhilo noye kupukulai keulo kichekipiye lakhi shiacheke. Noye kiutoi alokutsu eno jukivipushi acheke la!

EZEKEL 28:2

“Thinikuau timio, Tur lo ayehkipeu vilo ni, Akughushu MPEU no pa vilo kiu pianikeno tipau pesu pilo: Aqhekuzashi tsutsungojuve puzu noye alhou lakhi kepi piwuveke. Nono pikeuno noye alhou lakhi toi azughino vehopesu akuka lakhulo iqa. Noye alhou lakhi kepi tipau kishishi shiaghiluvi, ikemu noye thinikuami kethono alhou kumoe.

EZEKEL 28:9

Kughou panonguno oghiqhiveniye ighi kelo noye tikutolo alhou lakhi kepi nani keniake? Oghiqhikemi sasu kusholu kelo noye akithi shive nani eno alhou ipikeu tsa kuhave nani.

EZEKEL 29:3

Ishi pilo ike Akughushu MPEU no Ijip lo akukau vilo kiu piani keno tiye hike: No akha ngushu aghokilo zuakeu, niye oghumike. Nono pikeuno Nayil ghokiye owu eno nono tipau shipuani pike.

DANIEL 4:30

pano pi, “Babilon jukelo kiu toi kije eno juvi kela! Aphughi kiqhe hipauye ino mlake, hileno ikuka, ikumto ijekipi akughushu pephe piyeniyeke.”

DANIEL 6:7

Ningu kumtsu okukaqholo Jukutsu chekemi, ahngqo ahng kukuphuu eno tinguno alau kijemiqo pulokuqhaveno opelo ahza lakhi mukamghai bethatsu penishi ani. Ahza tsulo, timi kumtsu atsala shighi dolo no Akukau vilo kumo aye kutami lhou vilo mu timi vilomu inikhu pekevilo. Ahza hipau timi khuuno hexaveni keno pa kughape abongushuu khakuthabolo ikhisuve nikeu shilo.

MATTHEW 6:23

Ikemu onhethino vimo aye, ophimpi kuchopu akuzuno chhitoi nani. Tishiaye akuvu nongu lolo akeu huno akuzu shive aye tiye kiutoi zumoyive nani kela!.

Apostolmi 26:18

Noye panongu nhethi xukhotsu masa eno akuzu lono akuvulo panongu saghilo. Satan kuka lono Alhou lau saghilo, tishianguno panonguno ipulubekeu vechewo panongu xine pevetsu nani eno shikimtheluvemiqo gholo panongu-a phulu nani.”

2 Kor. 11:3

Ikemu apighino muqumugha vesu puzu Eva pishiqhive ketoi nongu kukumsu ghi mutsumishei eno tsaqutsaleyi Khristo lau amlo tsuchekeu launo sakughuzuve nike ino msatsu ani.

2 Kor. 4:4

Panongu ghenguye hipau yeghilo tughakusano akukumsu sakughuzuve tsuke, tishianguno panongu pelo Alhou ngulho kimihiu Khristo kimthe jukuvu ghili atsakiviu launo akuvu ighichekeulo jupukulu pemoniyeke.

2 Thes. 2:4

Paye Alhou ipicheke jeli momu mllachekeu thime jeli kumtsu shou akumou shinani, eno tipaqo kumtsu nguno pano akiqheuke pi nani, pano Alhou chinekilo iqa puzu pa ampiuno Alhou kepi piwuve nani.

Piyeküsü 13:14

Tughashi atughiu zulo akeuno amchipu kumla tipau pelo shilupekeuno ayeghilomi kumtsu pishiqhipe. Eno azutakihi zaku vivekeu tughashi julho shipesu qhinikeu shi ayeghilomi vilopi.

Piyeküsü 13:4

Timi kumtsuno Dragon hu mllawuve kughengu pano akuka pesu tughashi tsukehu. Panonguno tughashi mllaghi ishipi; “Tughashi toikeu khuu ani kya? Khuno tipau sasu aghushi kulupu kya?”

XAKUTHAMI 3:2

Pano hi shikeuye Israilmi tiqheli lakhi khi pelo aghukishi ghili shikalu penike ghenguno thosulo khilemu aghu shiwu jumokemi qophe tsuniye shike.