BOTHUBO 3:15 - BAIBEL (BSI)

¹⁵ Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”

Sumi Naga CL (Re-edited) Bible (BSI)

¹⁵ Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

BOTHUBO 3:15 ပူးပေါင်းရင်းမြစ်များ

BOTHUBO 49:17

Dan ye alaphelo apighi aghike toi nani, alalo tughu pukeu pighino khurshi phitsu mighi tsukelo, pa shou kicheu athiu kilheqhive kehu toi nani.

LESHELE 132:11

Nono tsaquikeu shoqhi lakhi David lau piqhi puani, tipau shoqhi noye ikhichilevemo nani: “Onuliqo gholo milakhi pelo akukau shipe nani, pano othiu ayehpe nani.

ISAIAH 53:12

Ikehu ino agigihupu-a lakhi pesu pa tsuni, kijemi ngo kushumi gholo a-a lakhi tsunike. Pano puloniqhiyi pa kuxu tsuve eno alhoksami kishi akuxu shekha shivecheni keno tipau kusajeke. Pano axinemi kutomo alo ngoluvetsu eno panoqo xine pevetsu penikeu shi inikhuke.”

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

JEREMIYA 31:22

Nonguye ado khitohi pulumlano avehu kunacho akemi shinani kya? Ino kiukela akithe pakutakeu lakhi lhophetsu ani, totimi lakhino kiptimi susholukeu toike.”

DANIEL 9:26

Ado tipau ashekhalo Alhou no kishephe keu sakipheu akipimi kuhamu heqhive nani. Ighono akuka kua kukami wu ghushimino leighi kelono aphughi eno achineki kutsave tsu nani. Amghazu qole ighi keshi puhave tsunikeu ighi nani, Alhou no kuto pua keu lono aghu eno shikupsa sughi tsu nani.

AMUS 9:3

Panonguno Karmel Toghilo itshuluve namu ino panoqo kughaluve nani. Panonguno imusaye azughi polalo itshuluve namu ino azughi ghahwu ahza tsupuzu panoqo mikiqhi penani.

MICAH 5:3

Tighenguno khuuno punu niye anikeno tipauno anu punu moke kutolo AMPEU no pawu timiqo pano ghumi lau phesuvetsu nani. Tileno pano ghakhu lono halepheve akeqono pano timiqo gholo kumqo kitheluve nani.

MATTHEW 1:23

“Julo, ilimi huno mishiluve nani, eno anu lakhi punu nani, eno paje Immanu-el kutsu nani” (tipau kiqiye, “Alhou no ningu sasu ani”).

MATTHEW 1:25

Ikemu lino anu punu moke kutolo paye li sasu ashiaji kuqhamoe. Eno Josef no paje Jisu ku tsue.

MATTHEW 12:34

Nongu apighi lojiqo| Nonguye alhoksake kishi puzu akivi piqhilunikya? Kughengu amlolo kiu kupukunoshi ani keno tipau akichino piphe cheni.

MATTHEW 13:38

alu huye ayeghiqhake; apiti kivi huye Alhou yehkipe qholo akemi timiqoke; alupi huye Alhoksau qholo akemi timiqoke.

MATTHEW 23:33

Nongu apighiqo, eno apighitiqo! Amino aghime tsukeu lono nonguye khileno pokulupu kya?

MATTHEW 3:7

Kughou Farisimi ngo Sadukimi kutomono baptiz shitsupe niye cheghi keu Johan no ithulu keno, pano panoqo vilo pi, “Nongu apighi tiqo! Khuno nongu kutughu puzu Alhou loghu chekeu lono polule pi kya?

Mark 16:18

Panongu no apighi ikhiqhelu momu tughu yelu namu panongu shipsamla nani; panonguno kusukinimi shou au betsu kelo tipaqono viluve nani.”

Luke 1:76

Ni kuxu kupuju pa zulo akimthe eno akumzu shipenike.

Luke 10:19

Julepi, ino nongu pelo apighi, achuwapaza, eno aghumi kuka kumtsu shou qodalu penike akuka tsuvea, eno kiu nomu nongu ghuzamo nani.

Luke 22:53

Ino achinekilo ghulo atsu-tsu nongu gholo ache eno nonguye ikughalumoe. Ikemu hipau tuqhudoye nongu wue eno akuzu kuka wue. “

Luke 24:27

Muse kakuqolo eno tungkupmino yehpe puakeqo kumtsu lono huthu susu Kuchoyesu kumtsulo pa ghili pi puakeu Jisu no chixechilei pama vilo pi.

John 8:44

Nonguye nongu papuh tughami tianuliqoke eno nongu pulouye nongu papuh ghoapulou shinishie. Inahu abothu lono paye ghikiqhiu ke. Paye khilemu kuchou kudau ajumphie, kughengu pa lolo kuchou kuhae. Kughou pano akimkitsa pinikeno pa lhoaye lono kiu keno tipau shi anike ghenguno paye akimkiuke eno akimki jeli kumtsu papuh ke.

Apostolmi 13:10

“No tughami nu! Akimki eno pishikiqhino chhitoi xapusu noye amikucho jeli kumtsu sasu aghumi shikicheu, noye kushiye Ampeu wu akumzu laghi shichighi pesu kichileu shivetsu niye pukaputsa acheni kya? Momu noye Ampeu wu amikucho laghi suchighi achekeu tavemo nani kesha?

Rommi 16:20

Tishiaye, alokughuno tsuchekeu Lhou no Satan pesu itheno nongu pukhu qholo nedaqhilu nani. Ampeu Jisu wu kupukini nongu gholo apelo.

Rommi 3:13

panongu baxaye akumoki chhupe puakeu toike, Panongu mili pesu pishiqhi acheni. Apighi tughuno panongu mili qholo ani.

Galatiami 4:4

Ikemu kughou ado kupukulai ighivekeno Alhou no pa Nu puwu, totimi pelo punupe, Judami yezah qholo xupe,

Ephesiami 4:8

Tighenguno ishi pike, “Kughou pano kunguu iku keno akughumi kutomo pa gholo sawuke, Pano kumsagho timiqo tsue.”

Kolosiami 2:15

Khristo no kros tipau lono aghahwu yehkipemi ngo akumtomi ipichekeqo kuka liluvetsuke; eno pano tipaqo shou toluvekeu aqha pelo jupeniye tipaqo shekujojo sawuke.

IBRIMI 2:18

Kughengu pa ampino aghime shijuvae eno ghukuju sholuve akehu, paye ghukuju sholukemiqo kuphulu kepushi anike.

IBRIMI 5:7

Jisu no ayeghilo xuachekelo aghugha kuloghi eno anhezu piji puzu pa kighini pesu akithi lono pa xakulupu shiakeu, Alhou vilo inikhu cheke eno pano Alhou sukumsa akeu ghenguno pa kighini ikhilutsue.

1 John 3:10

Alhou nuli ngo Tughami nuliqo dolo kutuqu akeuye hipau lonoke: khunono achipiu shi chemo keno Alhou laumi kumoe eno khunono athikuzumi kimiye chemo keno tipaqoye Alhou laumi kumoe.

1 John 3:8

Khunono axine shi cheni keno panoye Tughami laumike; kughengu Tughami ye abothu lono axine shiveake. Alhou Nuno ipeghikeu kiqiye Tughami no mulapuakeu shipusave tsu niyeke.

1 John 5:5

Khunono ayeghi shou theqhilu cheni kya? Jisu ye Alhou Nu kepi pulube chekemino ayeghi shou theqhilu cheni.

Piyeküsü 12:17

Dragon ye atotiu lau shishe aloghu ideve eno atotiu tikughukomi, khunoqono Alhou no ahza tsukeu pecheni eno Jisu shepe shichenikeno tipaqo sasu aghushiniye wuve.

Piyeküsü 13:7

Tipau pelo Akimthemiqo shou aghushi nikeu eno toluvepe nikeu shive. Timi muqojeli, atsa jeli kipimi eno ashiayeh jeliqo shou akuka peitha penikeu shive.

Piyeküsü 2:10

Aghime sholuniye akeulo noye musa kevilo. Julo, tughamino nongu pejuniye nongu gholo khamiye akughukilo suve nani, eno atsala chighi kutolo nongu shikighime nani. Akithi kutolo aghokulu shilo eno akuxupu pesu osaxu ino otsunani.

Piyeküsü 20:10

Tileno pano pishiqhichekeu Tughami huye ami eno amichu pitiakeu yizulo vesuve, khipa-alo tughashi ngo kichileu tungkupu vesupe puakeno, eno putho pucho alhokupujulo panonguye tileno pitipuzaqhi nani.