BOTHUBO 28:14 - BAIBEL (BSI)

¹⁴ Otikughukono ayeghi mukhu jehi nani, eno otikughukono kipelau ngo kulolau, ahuu ngo apeu qhanhawo nani. Ino no eno otikughuko kumghatsu kehu toi ashiayeh kumtsuno pano kumghatsu peniye ivilo iniju nani.

Sumi Naga CL (Re-edited) Bible (BSI)

¹⁴ O tikughuko no ayeghi lo ayeghimkhu jehi nani, eno no ye aghacheu kulolau ngo kipelau, eno ahuu ngo apeu qhawo nani, no eno o tikughuko vecheo ayeghi lo akibolomi kümtsü müghalu nani.

BOTHUBO 28:14 ပူးပေါင်းရင်းမြစ်များ

BOTHUBO 12:3

Okumghatsu kemiqo ino kumghatsuni. Ikemu oghusho kemiye ino ghushoni. Ovechewo ayeghilo shiyeh kumtsu kumghalupe nani.”

BOTHUBO 13:14

Lot no Abram launo kututa shive kethiu AMPEU no pa vilo pi, “Nono ngo akeua lono ahuu ngo apeu eno kipelau ngo kulolau ishi tsaqui juchho julo.

BOTHUBO 13:15

Kughengu nono ithulu akeu yeghi qha kumtsu ino no eno otikughuko tsunie, hiye pulhapuju ghengu nongu wu shiniae.

BOTHUBO 13:16

Ino opiti pesu ayeghi lo asaye jehi shitsuni eno timino ayeghilo asaye kihikhamla ke toi opiti kughukoye kihikhamla peni.

BOTHUBO 18:18

Abraham ye ashiayeh kije eno akumto shi nani eno ayeghilo ashiayeh kumtsuno pa kumghatsuke toi kumghatsulo pi nani.

BOTHUBO 22:17

ino shishe okumghatsuni eno oti kughukoqo shishe kighishe tsunie. Panongu ye atsutsulo ayepu je-jehi eno azughi mukulo asaye je-jehi shi nani. Oti kughukoqono aghumi liwo khasulu nani:

BOTHUBO 22:18

Ayeghiqhalo ashiayeh kumtsuno ino oti kughuko kumghavetsu ke toi kumghatsulo pi nani eno tiye nono igholu keu ghenguno ke!”

BOTHUBO 26:4

Opiti pelo atsutsu lo ayepu qo toi kighishe wolu peni, eno hipa ghakhu kumtsu otikughukoqo tsunie. Ayeghilo ashiayeh kumtsuno ino otikughuko kumghavetsu ketoi panongu kumghatsulo pinani.

BOTHUBO 32:12

Nono piqhi puakeuno, ‘Kuchouno ino okivipu shitsuni eno azughilo asaye kihi kumla toi ino oti kughuko tsunie,’ ipie.”

BOTHUBO 48:16

Kungumi khipauno akijiksa kumtsu lono ixaphelukeno, pa pelo apuf pama kumghatsu peniu. Ije lono eno ipuasu Abraham ngo Isak je lono panongu ku chepeniu, Eno ayeghilo panongu pelo anoghi kutsasa shi ikowolu peniu.”

BOTHUBO 48:19

Ikemu papu no patsa milivetsuno pi, “Ino ithi anie, inu, ino ithi anie. Pa ghi timi anoghi shi ikowo nanie, ikemu pa thikuzuu ayitiu no panguno akijeu shinani eno pati kughukono ashiayeh kutsasa shi wove nani.”

YEKIKITHI AKINIU 1:9

O AMPEU Alhou, nono ipu lau ashoqhi shikeu shikupu tsulo. Nono ipelo timi aqo kitikhi kihikha kumla shou kapeke.

LESHELE 72:17

Akukau je pulhapuju haumono achepelo, tsukinhe ake kutolo pa jekipino tishi apelo. Ashiayeh kumtsuno pa sheqhe pelo, panongu pelo Alhou no panoqo kumghatsu penike iniju pelo, akukau lopivipeni keu panongu pelo kumsulu pelo.

IPEKULU 32:13

Oqemi Abraham, Isak eno Jakob kumsuchilelulo. Nono tsaqutsalei keu shoqhi panoqo lau shikeuno atsutsulo ayepu akeu jehi panoqo polo kughukomi shitsuni eno nono tsunikeu shi tushoqhi vekeu yeghi pesu panoqo polo kughukomi ghenguno alhokupuju mheghi shipe nikeu shi akeu kumsuchilelulo.”

ISAIAH 54:3

Sukumxaqha kumtsulo nonguye nolughi pekhowo nani; nowu timi qoye ashiayeh kutamino ayeghi qhasupe akeu luchile nani.

AKIKIHI 23:10

Israilmi kughuko ye ayeghi mukhu paphike Panonguye kutomo kehu kihikhamlae. Alhou wu timiqo gholo hutoi ikuxu ashekha shipelo; Amikuchomi toi alokughuno shi ipelo thipelo.”

MATTHEW 8:11

Ino nongu vilo pini, timi kutomono tsukinhe kipelau ngo kulolauno ighi puzu Kungugha yehkipelo Abraham, Isak eno Jakob ishi sasu iqano kuchukusho shi nani.

Apostolmi 3:25

Alhou shoqhi pawu tungkupumi vechewo akeu huye nongu salake, eno Alhou no nongu pu-asu sasu puloshoqhi shikeulo nongu ghi kusajekemie. Pano Abraham vilo pikeu toi,”Otikughukoqo vechewo ayeghilo timi kumtsu ino kumghatsunie.”

Galatiami 3:16

Ikelo, Alhou no Abraham lau eno pa polo kughuko lau ashoqhi shike. Tipaulo, “pa polo kughukomiqo” ipi puamoe, tishikeaye timi kutomo lau shinicheke, ikemu tipaulo. “apolo kughuko” ipi puani, tipau kiqiye timi lakhi pi anike, tiye Khristo ke.

Galatiami 3:8

Ike Alhou no Judakumomi pelo akupulu vechewo pa lau achipikalupe nani kepi kuchoyesuno azunatha ghi ithuluveke. Tighenguno kuchoyesuno azunatha ghi Abraham lau lokivipu sutsa ishi pikulhake: “Ovechewo Alhou no ayeghilo ashiayeh kumtsu kumghatsu nani.”

Ephesiami 1:3

Ningu Mpeu Jisu Khristo paPu Alhou lau ninguno sheqhe ani. Ninguno Khristo gholo xukimepe akeu pano angugha kukumghapu jeli kumtsu kungugha lono pesu ningu kumghavetsuke.

ZAKINIU 12:20

“AMPEU nongu Lhou no nolughi pekhovetsu kelo, pano tushoqhive ketoi, kughokughomu nonguno ashi chunishiaye chulu nani.

ZAKINIU 13:17

Kutsalevenikeu shi ghushovekeu nhemgha kiumu nongu gholo qhilu kevilo eno AMPEU no pa loghu idemoveno nongu kimiyeqhiyi nanike. Pano kimiyeqhiyi keu nongu tsu nani eno nongu pesu timi kutomo shitsu nanike, nongu puasuqo lau tushoqhive ketoi,

Piyeküsü 7:4

Amichi chishida pukuvekemiqo kihikutsulu keu kikihi ivilo pikeuye 144,000. Panonguye Israilmi alagha chighikini gholonoke.

Piyeküsü 7:9

Hipathiu ino jukeloye khunomu kihikhamla kepushi timi aqokitikhi tile aghi. Panonguye timi ajeli kututa, ashiayeh kututa, aju kututa, atsa kututa lono ighikemi eno panonguye akimiye phimini pepu eno panongu ulo aghumhibo loka pepuzu akuka lakhulo eno Bheriti zulo puthugho.