BOTHUBO 28:10 - BAIBEL (BSI)

¹⁰ Jakob ye Bersheba lono chesusu Haran kudau wuche.

Sumi Naga CL (Re-edited) Bible (BSI)

¹⁰ Jacob no Beersheba qhive no Haran küdau wuve.

BOTHUBO 28:10 ပူးပေါင်းရင်းမြစ်များ

BOTHUBO 11:31

Ike Tera no panu Abram ngo pa ti-nu Lot, ti Haran no nu eno Abram nipu pamukishiu Sarai ishi sasu pa gholono Kanan ghakhulo wunike ghenguno Khaldiami yeghilo Ur phughi qhive. Panonguno Haran phu kutolo ighino tile kughunache.

BOTHUBO 12:4

Ikehu AMPEU no pavilo pike toi Abram no cheve eno pagholo Lot sawue. Abram no Haran qhiveno wuke ghulokilo paye apunu mpe lhotsuni pungu shiae.

BOTHUBO 12:5

Abram no panipu Sarai ngo pa thikuzuu nu Lot eno Haran lo akelo tinhemgha ngo aquaxemi khije pighiche keno kumtsu sasu Kanan lo wuniye cheve. Panonguno Kanan yeghi tokelo,

BOTHUBO 26:23

Isak no tipa-a lono Bersheba lo iqhoe.

BOTHUBO 27:43

Inu, noye itsa inilo, noye kuto puzu Haran lo ipeu Laban lau povelo.

BOTHUBO 29:4

Ike Jakob no panongu vilo iniju, “Athikuzumiqo, nonguye khuno ghami kya?” Panonguno khochile pi, “Ninguye Haran no ghami ke.”

BOTHUBO 32:10

Ni oqeu ye owu kupukini eno opukhubekulu puwutsukeu akimkheu mu ithulu kuzupu kumoe. Niye kiumu pemono ikusu likhi pesu Jordan kathae, eno itehi niye aqo kini shipesu chenie.

BOTHUBO 35:1

Alhou no Jakob vilo pi, “Kutopesu Bethel lo iqholo eno tilau kughunalo. Nono omu Esao zulono pochekelo Alhou no olau ipeghipiyekeu Lhou lau aghokiptia lakhi shipe qhilo.”

BOTHUBO 35:7

Pano tile aghokiptia lakhi shipe qhi eno tipa-a je pesu El-Bethel kutsu, kughengu pano pamu zulono pochekelo tipa-a lono Alhou no palau ipeghipiye ke.

BOTHUBO 46:1

Ike Israil no pano pighi chekeu kumtsu hekutsu eno chesu Bersheba lo ighi, pano lhoxu ghiqhieno papu Isak Lhou mllae.

IPEKULU 33:1

AMPEU no Muse vilo pi, “No eno nono Ijip lono saipeghi kemiqoye hipa-a qhiveno chevelo ino Abraham, Isak, Jakob eno pano polo kughukomi tsuni keu shi tushoqhi pua keu yeghilo wulo.

HOSIYA 12:12

Nisu Jakob ye Mesopotamiya lo povekepu shive eno tilau anipu luniaye paye kutami ghenguno mla cheke eno timi tipau wu bheriqo jukutsucheke.

Apostolmi 25:13

Ado kushuwa kumolo akukau Agripa ngo Bernika pamaye Festa ikhikulu shinike ghenguno Kaisaria lo ighi.

Apostolmi 7:2

Stifan no pi, “Athikuzumi eno apuamuqo, itsa initsulo! Nisu Abraham no Mesopotamia yeghilo kughuna aphilo, eno pano Haran lo wo kughuna mphi lono ajukuvu Lhou no pa lau ipeghino