BOTHUBO 27:4 - BAIBEL (BSI)

⁴ Eno puzuu hutoi isala ashi jumghai lhopesu ilau peighilo. Ino ti chunie, eno tileno ino thimphi lono iwu kukumgha ashekhau otsunie.”

Sumi Naga CL (Re-edited) Bible (BSI)

⁴ eno I ghenguno achuqupu kivi, I no kimiye cheke toi kutope I no chukepu shi I lau süghilo, tishianguno I no thimphi lono I ngulho no o kümgha tsüni.”

BOTHUBO 27:4 ပူးပေါင်းရင်းမြစ်များ

BOTHUBO 14:19

Pano Abram kumghatsu ghi pi: “Atsutsu ngo ayeghi lhokeu Akiqheu Lhou pelo Abram kumghatsu peniu!

BOTHUBO 24:60

Panonguno Rebeka kumghatsu ghi ishi pi: “Ni chepu, opelo qhethonheno qhethonhe paza shilu peniu. Oti kughuko pelo pano mithi chekemi liwo khasulu peniu.”

BOTHUBO 27:14

Ikehu Jakob no ti luniye wue eno paza lau saghie. Lino papuh no pulochekeu toi ashi jumghai lhotsue.

BOTHUBO 27:17

Eno jumghai keu shi ngo asho anileshi shikeu ngo ishi ikhipe lino Jakob ulo sutsue.

BOTHUBO 27:19

Jakob no khochile papu vilo pi, “Ni Esao onu anoghiu ke; nono ihapuwu keu kiqilono ino shisughi anie. Ithu puzu iqano ino veqhisughi keu she shi chulo. Tishieno nono okukumgha itsu kepushilo.”

BOTHUBO 27:23

Paye Jakob kepi michimlave, kughengu pa-u ye Esao u toi amhi ghoghoi kehu. Eno pano Jakob kumghatsue.

BOTHUBO 27:25

Isak no pi, “Ti iphivilo sughilo, ino inuno veqhisughi keu she shi chuni, tishieno ino okumghatsunie.” Jakob no pa lau peighi eno Isak no ti chue, pano aji ghi pa lau peighitsu eno pano ti shoe.

BOTHUBO 27:27

Pano mumanike ighi eno Isak no pa kumghatsughi pi, “Julo, inu xokutsungu hipauye AMPEU no kumghavetsu keu luqa xokutsungu toi anie.

BOTHUBO 27:31

Pa ghi ashi jumghai lhono pesu papu lau ighi puzu papu vilopi, “Ipu ithuno onuno veqhi sughi keu shi chulo, tishieno ikumghatsu kepushi.”

BOTHUBO 27:5

Isak no panu Esao putsa akelo Rebeka ye inia. Esao no papu ghenguno ashi hauniye aluzalo wuve.

BOTHUBO 27:7

‘Ashe shi sughino isala jumghai lhosughilo tishianguno ino chu puzu ino thimphi lono AMPEU zulono okumghatsunie.’

BOTHUBO 27:9

Wupuzu lhoxu gholono aneti athakupu aloke kini saghilo. Ino tipau opuno chunishi qhiyi chekeu toi pa ghenguno jumghai lhotsuni ke,

BOTHUBO 28:3

Akughushu Lhou pelo okumghatsu peniu eno opiti kughukoluno opelo lighimi shilu peniu.

BOTHUBO 48:9

Josef no ishi khochile, “Hipamaye inu ke, Ijip lo akelono Alhou no itsukeu ke.” Israil no pi, “Hila ilau saghilo, ino pama kumghatsunie.”

BOTHUBO 49:28

Hipaqono Israil shiayeh chighi kini ke eno hiye panongu papuh no panongu vilo pikeu ke. Milakhi khi shou kukumgha lakhi khi pututa kuzupu shi ghi pano panongu kumghatsue.

Luke 2:34

Simon no panongu kumghatsu eno pa za Maria vilo pi; “Julo, anu hipauye Israil lo timi kutomo sunhepuku eno sunheqhi nike qhipuatsu ani. Paye Alhou kudauno amchi lakhi shiamu timi kutomono phimokeu shi nani,

Luke 24:51

Pano panongu kumghatsu aphi lono, paye panongu launo kututa shive eno kungughalo sakuve.

IBRIMI 11:20

Akupulu lono Isak ye asheazushi Jakob ngo Esao pama lau kukumgha piqhitsuke.

JOSHUA 14:13

Joshua no Jefune nu Kaleb kumghatsu eno Hebron phughipe pawu shivetsu.

JOSHUA 22:6

Joshua no kukumgha betsu ghi atsa hipaqo panongu vilo pieno puwuve: “Nonguye kinimi shi aphulo idewoniae, shuna tsandi ayi nhemgha eno aphi nhemgha kutomo pe woniae, nongu ghumi launo ithulu keu pewo nongu kusamiqo sasu kusajelo.” Tithiu panongu ghakhulo idewove. Muse no Jordan kipelau yeghipe Manase shiyeh tuxaqo tsuve. Ikemu Joshua no tuxa lakhiu qoye Jordan kulolau yeghipe shiyeh kutau gholo kuqhaghi tsuve.