BOTHUBO 27:28 - BAIBEL (BSI)

²⁸ Alhou pelo atsutsulo tsuzu otsu puzu oyeghi kinikulu shitsu peni. Eno athi ngo aji nibonilei otsupeniu.

Sumi Naga CL (Re-edited) Bible (BSI)

²⁸ Alhou no atsütsü lo tsüzü eno ayeghi lo ghüma kivi, eno athi ngo atsaizü pofushi o tsü peni.

BOTHUBO 27:28 ပူးပေါင်းရင်းမြစ်များ

BOTHUBO 27:37

Isak no khochile pi, “Ino pa pelo oshou ampiu shipeni keu shivae, eno pano bolomi kumtsu paqeu shipenikeu shi pa tsuvae. Athi ngo atsaiji ishi ino pa tsuvae. Inu niye oghenguno kiu shitsulo pi kya?”

BOTHUBO 27:39

Papu Isak no khochile pi, “Okungoaye ayeghi kinikulu launo putosuniae, eno atsutsu tsuzu launo putosuniae.

BOTHUBO 45:18

Panongu papu ngo panongu kibolomi ngo ishi ilau saghi pelo. Ino Ijip lo ayeghi akiviu panongu tsunie eno panongu pelo kupukunoshi xulu penie.

BOTHUBO 49:20

“Asher yeghi lono kinikulu chuqupu ipeghi nani; Kukami chuqupu pano tsu nani.

BOTHUBO 49:25

tiye opu Lhou no okuphu kehu ke, tiye Akughushu Lhou no okumghatsue. Kunguuno tsutsughu wu kukumgha, ayeghi qhouno azu kutho wu kukumgha, akichhi ngo atita wu kukumgha,

SAMUEL AKINIU 1:21

Gilboa tolo tsutsughu mu atsuzumu qipuku pemoniu; Tipau qhalo aluza pelono kumsa shivepeniu! Kughengu amlo kiviu zutoqo tileno kuthakugha shi ikiqivepeke; Saul zuto hu teli no suphe movae.

KUKAMI ATUGHIU 17:1

Tungkupumi lakhi paje Elija, Gilead yeghilo Tishbe lono ighikeuno akukau Ahab vilo pi, “AMPEU je lono, xuakeu Israil Lhou, ino khuu huthu acheni keno, paje lono ino ovilo pi ani, hinguno athiu ampe kini kuthu dolo ino pitsumoke kutolo atsuzumu tsutsughumu ighimo nani.”

KUKAMI ATUGHIU 5:11

Solomon ghi athi ahu kimighi 100.000 eno oliv teli abohu 110,000 pesu ampe ampelo pawu timi lojipenike Harim tsulu.

YEKIKITHI AKINIU 2:10

Oqemi asu kulalumi khunoqono asu mla cheni keno panoqo ghenguno achuqupu ye ino ashothi kilogram 20,00,000 eno barlithi kilogrm 20,00,000 eno aji liter 4,00,000 eno oliv teli liter 4,00,000 tsupuwunike.”

LESHELE 104:15

atsayiji mlaphe pesu pa lokivishi lupe, pa zupuvu tsunike oliv teli ipeghi; akumto pa tsuni kepu asho mlaphelupeke.

LESHELE 133:3

Hiye Hermon Naghuto tsuzuno Zion toghilo qipuku akeu toike; Tileno AMPEU no pawu kukumgha tsunike, ti akuxu ashekha kuha keu shoqhi shike.

LESHELE 36:8

Nono achuqupu kupukunoshi tsukeu ninguno ilhu acheni; eno oghoki kivi lono ipeghikeu ningu pelo yechenipe.

AHOLE 19:12

Akukau loghuye abongushu ghugha toike ikemu pa lopu shiluaye kheakeu tsutsughu ighike toike.

AHOLE 3:20

Pa lokutsuno aghoki qowulupe cheni eno khungkusu pelo ayeghi shou ghuqhi chenipe.

ISAIAH 45:8

Tsughuqhi akeshi atsutsu lono ino tokulu piqitsu cheni; ayeghino tipau lunike lhaphe nani eno ililai khaqhikeu ngo amikucho xakutha puipeghi nani. Ni, AMPEU no hipau shipe nanike.

JEREMIYA 14:22

Ashiayehqo su-atu julho lakhinomu tsutsughu puwutsumla; atsutsu ghi pa kutoshino ghuqhi tsumla ke. O AMPEU, niLhou, niwu lajupu oshou acheni kughengu nono hipaqo thime shi acheni.

JOYIL 2:19

AMPEU no pawu timiqo putsachile pi, “Itehiye ino athi ngo atsayiji eno oliv teli nongu tsuni cheni eno nonguye aghakiqi shi nani. Ashiayeh kutamiqoye nongu jukunatha kithemo nani.

MICAH 5:7

Israil lo akemi khunoqo xu aghi luni keno tipaqoye ashiayeh kutomo ghenguno AMPEU no aloponiyi keu tsuzu puwukeu toi nani, panoqoye atsuni thu ipeghi akeulo tsughupuku keu toi nani. Panonguye timi shou kumono Alhou shou pukhube nani.

ZEKHARIA 8:12

Panonguno aloino ghi pano xa yisulu nani. Pano wu atsayibono alothi pithi nani, ayeghino axatsuni ipeghipe nani eno tsutsughu kutomo ghu nani. Kukumgha hipaqo kumtsu pesu ishiayeh, khunoqo ghupe puaghi keno tipaqo ino tsu nani.

ZEKHARIA 9:17

Ayeghiye kiutoi jukighilepu eno akivipu shive nani kela! Tipaulo ipeghi keu xatsuni eno atsayijino lhothemiye choshiyi thuwulu nani.

AKIKIHI 13:20

Ayeghi ye aghuma akeu momu asubo akeu yeghi kemo keno julo. Eno axathi pithi aghikeu hami xo sughilo.” (Tiye atsayi lothi ni ipechekeu tusho shi ake.)

AKIKIHI 18:12

“Ampe ampe lo Israilmino tuxatini ipeghikeu akiviu pesu itsukeu kumtsu pesu ino nongu tsu ani, tiye oliv teli, atsaiji eno athi.

Rommi 11:17

Pighichekeu Oliv subolo aloka hamino icheiqiveke aghalo Oliv loka suwo tipaulo kimepeqhi. Nongu Judakumomi qoye aghalo Oliv loka toi kemu itehiye Judami kuxulo kinikulu kumto kusajelu anie.

ZAKINIU 32:2

Ikukutsuye tsutsughu kighiji toi iqighi eno ayeghi shou atsuzu toi kumqolue. Itsaye tsutsughuno atsuni khunu shou ikiqi iku ketoi, atsani kumtsha shou mkhano ghupuku keu toi.

ZAKINIU 33:13

Josef lagha ghili pano pitsu: “AMPEU no tsutsughu pesu pano yeghi kumghatsu peni eno ayeghi qhou zu pesu kumghatsu peniu.

ZAKINIU 33:28

Tighenguno Jakob polo kughukomiye iqughai xulu cheni, athi eno atsasyi-ji chhitoi akeu yeghilo ithamo, tipau loye atsutsulo atsuzuno ayeghi putsatsu cheni.

ZAKINIU 7:13

Pano nongu kimiye eno kumghatsu nani, tishianguno nonguye timi kutomo shiluve nani eno atianuli kutomo shilu nani; pano nongu luza kumghatsu nani tishikeulo nonguye athi, atsayi-ji eno oliv teli alu nani. Pano nopuasuqo vilo ayeghi hipau nongu tsunikeu shi tushoqhive keulo kukumgha hipaqo kumtsu nongu tsu nanike.

IBRIMI 11:20

Akupulu lono Isak ye asheazushi Jakob ngo Esao pama lau kukumgha piqhitsuke.