BOTHUBO 26:3 - BAIBEL (BSI)

³ Hipau ghakhulo ngolo, ino osasu ani eno okumghatsunie. Kughengu ino otikughuko lau hipa ghakhu kumtsu tsuni eno ino opu Abraham lau piqhi puakeu shoqhi ino shikuputsunie.

Sumi Naga CL (Re-edited) Bible (BSI)

³ Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

BOTHUBO 26:3 ပူးပေါင်းရင်းမြစ်များ

BOTHUBO 12:7

Tile AMPEU no Abram lau peghino pa vilo pi, “Ino otikughuko tsuniye akeu ghakhu hu hike.” Ikehu tipa-alo Abram no AMPEU khuuno pa lau ipeghi keno tipau lau akumllagho kiptia lakhi shipe qhie.

BOTHUBO 13:15

Kughengu nono ithulu akeu yeghi qha kumtsu ino no eno otikughuko tsunie, hiye pulhapuju ghengu nongu wu shiniae.

BOTHUBO 13:17

Ithu puzu ayeghi khipahi kije eno khitohi kushuwa keno iqhoiqi julo kughengu hi kumtsu ino otsuni cheni.”

BOTHUBO 15:18

Tipani no AMPEU no Abram sasu puloshoqhi lakhi shi ghi pi, “Ino hipau yeghi olagha tsunikeu shi anie, ti Ijipmi ghoki lono aghoki akijeu Eufrati kuto

BOTHUBO 17:19

Ikemu Alhou no pi, “Kuchouno onipu Sara no anu lakhi punu otsu nani eno paje Isak kutsulo. Ino pa sasu eno pa tikughuko sasu puloshoqhi lakhi qhitsuni, tiye shekhaha puloshoqhi ke.

BOTHUBO 17:8

Nono itehiye inami shi ghi akeu yeghi hu ino no eno othiu otianuliqo tsunie. Kanan yeghi qha kuchopu pulhapuju sala shi nongu wu shive nani, eno ino panongu Lhou shive nani.”

BOTHUBO 20:1

Abraham no hule-hile ngo susu Negeb lo iqesu wu no Kades ngo Shur kuma dolo acheke, eno Gerar lo inami shi izuche.

BOTHUBO 25:11

Abraham thive kethiu Alhou no panu Isak kumghatsue, eno paye Beer-Lahai-Roi zukikhe philo ache.

BOTHUBO 26:12

Isak no tipau yeghilo apiti qusu keu mpelo ghuthu aqhe kighishe shi alau ithulu eno AMPEU no pa kumghatsue.

BOTHUBO 26:14

Kughengu pano bheri, amshi eno aqemi kutomo pighiche kehu Filistiyamino paju anheshuwuve.

BOTHUBO 26:24

Tipaji AMPEU no pa lau ipeghi no pavilo pi, “Niye opu Abraham Lhou. Ino ogholo ani ke musa kevilo. Iqeu Abraham ghenguno, ino okumghatsuni eno oti kughuko tsunie.”

BOTHUBO 28:13

Tile AMPEU no pa phivilo puthugho aghi keu ithuluno pano pi, “Niye AMPEU ke, opu Abraham Lhou eno Isak Lhou ke. Nono khipa shou ihozu anikeno ino no eno otikughukoqo tsunie.

BOTHUBO 28:15

Hi ithilo, nono khile khile wunamu ino ogholo chenani eno oputukha sasu anani, ino hipa yeghilo osachile saghi nani. Kughengu ino ovilo pivekeu shikupumoke kuto niye khilemu oqhivemo nani.”

BOTHUBO 31:3

Tile AMPEU no Jakob vilo pi, “Opuno yeghilo eno nobolomi gholo idewovelo, ino ogholo ananie.”

BOTHUBO 35:12

Ayeghi khipau ino Abraham ngo Isak tsu keno, tipau yeghi no eno othiu otikughukoqo tsunie.”

BOTHUBO 39:2

AMPEU no Josef gholo ae eno paye phuyi thayikemi. Paye pa mipeu Ijipmi nokilo ache.

BOTHUBO 39:21

Ikemu AMPEU no Josef gholo ae eno pa shou kupukini ae, ikehu akughuki shou atou zulo paye amlo kiqi pushi ithuluve.

BOTHUBO 48:21

Tishieno Israil no Josef vilo pi, “Julo, niye thini cheae, ikemu Alhou no nongu gholo anani eno nongu puasu yeghilo nongu sachilesawo nanie.

BOTHUBO 50:24

Josef no pamunoqo vilo pi, “Niye thini cheae, ikemu Alhou no mutsuqheyi nongu heju ighi nani eno nongu sasu hipa yeghi lono Abraham ngo Isak eno Jakob vilo tushoqhipe puakeu yeghilo saghi nanie.”

YEKIKITHI ATUGHIU 16:16

Pano Puloshoqhi Abraham sasushie eno Isak sasu tushoqhie.

LESHELE 105:8

Paye pawu puloshoqhi alhokuthu penani eno pano tushoqhive keuye tiqheli qhethonhe kutolo ananike.

LESHELE 105:9

Pano Abraham sasu puloshoqhi shikeu peche nani eno Isak lau tushoqhi keu peche nani.

LESHELE 32:8

AMPEU no pi, “Nono kishi wukepu kela ino oshikani; ino okiche piyeni eno ovilo piputotsuni.

LESHELE 39:12

Ikighini chilutsulo, AMPEU, ino ighamuku akeu initsulo; Ino qa-akelo ikuphumono ngoauve kevilo. Ipuasuqo toi niye ado ikhonheyi oghenguno inami paphike.

IPEKULU 2:24

eno panonguno atuthu shephe mlano ighache keu chiluve eno pano Abraham, Isak eno Jakob sasu puloshoqhi shikeu kumsu chilelu.

IPEKULU 3:12

Alhou no khochile pi, “Ino ogholo anani eno kughou nono Ijip lono timiqo saipeghi nikeno noye hipau naghuto lono imlla nanike. Tipauno ino opuwu akeu michipu shinanike.”

IPEKULU 6:4

Ino panoqo sasu ghi puloshoqhi shike, Kanan yeghi panoqo tsunikeu shi tushoqhi ke, tipau yeghilo panonguye inaghami shi xuacheke.

IPEKULU 6:7

Ino nongu pesu iwu timi shini eno niye nongu Lhou shini. Ijip lo nonguno aqemi shi akeulo kughono ino nongu kuqho pheveni keno tileno niye nongu Lhou AMPEU kepi nonguno ithi nani.

IPEKULU 6:8

Ino tsaqui no Abraham, Isak eno Jakob tsunikeu shi tushoqhi vekeu yeghilo ino nongu saighi nani; ino tipau nongu mheghipu shi nongu tsu nani. Niye AMPEU ke.’ ”

ISAIAH 43:2

Kughou nono azu kutho kathasu wuni keno ino ogholo anani; owu shiluksa pelo okuzupholuve pemo nani. Kughou nono ami kathasu wuni keno opitiqhimo nani; akijikusa pejukeu ighikeulo oghuzamo nani.

ISAIAH 43:5

Msakevilo, niye ogholo anike! ‘Putou kipela kudauno eno putou kulola kudauno, Ino nowu timiqo akilo saghi nani.

MICAH 7:20

Nono amikucho ngo owu iqemokeu kikimiye pesu owu timiqo, Abraham ngo Jakob polo kughukomi lau piye nani, tiye kha-ghino nono nipuasu vilo piqhipuakeu toi shi nani.

AKIKIHI 23:19

Alhou ye timi kumo keke paye mikini chemoe; Paye timi lakhi kenomu pa kukumsu kiliveni chemoe; Pano kiu kiumu piqhivekeu pano shicheni; Pano pikelo tiye shive aghi cheni.

ZAKINIU 1:8

Aghakhu hipaqo kumtsu ni, AMPEU no nongu puasu Abraham, Isak ngo Jakob eno panongu polo kughukomi tsuni keu shi tushoqhivae. Wulo eno tipaulo ngolulo.’ ”

ZAKINIU 34:4

Tile AMPEU no Muse vilo pi, “Ino Abraham, Isak eno Jakob vilo pano polo kughukomi tsunikeu shi tushoqhive keu yeghiye hike. Ino opelo juluve anipeke ikemu niye opelo tilau wupemo nanike.”

FILIPIAMI 4:9

Nonguno ilauno kiu shikaluvea, ikhiluvea, chiluvea eno ithuluve akeno tipaqo pewolo; eno alokiqipu tsuchekeu Lhou no nongu gholo anani.

IBRIMI 11:9

Akupulu lono paye inami ghakhulo achekeshi Alhou no pa tsunikeushi piqhipuakeu yeghilo ache. Alhou no piqhipuakeu mheghi pa gholono kumtsa ithulukemi Isak ngo Jakob pama sasu aphikilo ache.

IBRIMI 6:17

Khunoqono Alhou ye khilemu kilive chemokepi ikhilu keno panoqo lau pano ashoqhi lakhi pe kuphatsue.