BOTHUBO 24:12 - BAIBEL (BSI)

¹² Pano ishi inikhu, “O AMPEU, impeu Abraham Lhou, ishi izulo angu vilupelo eno impeu Abraham lau piqhi puakeu shitsulo.

Sumi Naga CL (Re-edited) Bible (BSI)

¹² Eno pa no pi, “O Ampeu, I mpeu Abraham Lhou, kimiyeno ishi tokulu I tsülo eno iqemokeu kikimiye I mpeu Abraham lau piye tsülo.

BOTHUBO 24:12 ပူးပေါင်းရင်းမြစ်များ

BOTHUBO 15:1

Hipa tikhau AMPEU tsa kungunhetsu lono Abram lau ighino pi, “Abram, musa kevilo, ino oshokha kulupu zuto ke ino ojume ighono kije shitsuni.”

BOTHUBO 24:21

Timi huno tsaqui li jukuto eno AMPEU no pa ghuzulalo tokulu shitsu akemo kela ithiniye inaqhoi ju ae.

BOTHUBO 24:27

Pano pi, “Impeu Abraham Lhou AMPEU sheqhelo. Pano pawu kupukini piqhipuakeu eno kuchou suwuve mphie. Ino alalo chekelo AMPEU no ikichepiye sasu impeu no sholokumi kilo sue.”

BOTHUBO 24:42

Ino ishi azukikhe tokelo ishi inikhue, ‘AMPEU, impeu Abraham Lhou; ino khilau wucheni keno nono tokulu shilupe ani aye,

BOTHUBO 24:48

Ino itsaqino AMPEU mllae, eno AMPEU impeu Abraham Lhou sheqhe. Pano ala achipishi kichepiye saghi ani; ipuzu impeu nu ghenguno pa tilimi lusaghi peniyeke.

BOTHUBO 26:24

Tipaji AMPEU no pa lau ipeghi no pavilo pi, “Niye opu Abraham Lhou. Ino ogholo ani ke musa kevilo. Iqeu Abraham ghenguno, ino okumghatsuni eno oti kughuko tsunie.”

BOTHUBO 27:10

nono opu lau pewu peni, tishieno ti chupuzu pano thimphi lono okumghatsu penie.”

BOTHUBO 27:20

Isak no pi, “Inu kishi puzu noye itheno ti phulu kya?” Jakob no khochile pi, “AMPEU oLhou no izulo ti saghitsue.”

BOTHUBO 28:13

Tile AMPEU no pa phivilo puthugho aghi keu ithuluno pano pi, “Niye AMPEU ke, opu Abraham Lhou eno Isak Lhou ke. Nono khipa shou ihozu anikeno ino no eno otikughukoqo tsunie.

BOTHUBO 31:42

Ipu Lhou Abraham Lhou eno Isak no mlla chekeu Lhou no igholo acheke ghenguno thono noye kuchouno a-u kumsa ipuwoveni cheke. Ikemu Alhou no iwu shiluksa ithulu eno ino kiu mlakeno ithulu puzu, iji putho lono olomi pike.”

BOTHUBO 32:10

Ni oqeu ye owu kupukini eno opukhubekulu puwutsukeu akimkheu mu ithulu kuzupu kumoe. Niye kiumu pemono ikusu likhi pesu Jordan kathae, eno itehi niye aqo kini shipesu chenie.

BOTHUBO 32:9

Tile Jakob no inikhue, “O ipu Abraham Lhou eno ipu Isak Lhou. AMPEU nono ivilo pikeuno, ‘No yeghilo eno nobolomi lau idewovelo eno ino akivishi opeitha nani’ ipi.

BOTHUBO 43:14

Tuchomujokulu Lhou no timi tipau pelo nongu shou kimiyeqhiyi keu apeni, tishianguno timi tipau pelo nongu thikuzuu hula qhivekeu ngo Benjamin ngo ishi kighidepuwo vetsu penie. Pama puhave aye niye amlo ghimepu sholuniae!”

KUKAMI ATUGHIU 18:36

Avela ghakishi kumlla tuqhudo tovekethiu Elija no akumlla kiptia lo ighino inikhu, “O AMPEU, Abraham, Isak eno Jakob Lhou, Noye Israil Lhou eno niye oqeu eno ozah kutsu lono hipaqo shi akeu panongu pelo noye Alhou kepi ithi kulupu shi pephe piyetsulo.

KUKAMI AKINIU 2:14

Pano ti Elija wu chijeboboi keu phikuzu pesu azulo hesu eno ishipi, “Elija Lhou AMPEU khile ani kya?” Tishino itaghi pano akiniu azulo hesu ikelaye azu kikije kini shive eno paye chesu ikuluve.

NEHEMIA 1:11

Itehi ikighini chilu tsulo eno oqemi kutami ogihu nishi akemiqo kighini initsulo. Ishino ni oqeu pelo tolu pelo eno akukatou Ahaserus pelo ikimiyelu pelo.” Tipa ghulokilo niye akukatou wu ajukhu kipeu shi ache.

NEHEMIA 2:4

Akukatou no iniju, “Tishiaye noye kiu avehupu shi ani kya?” Tileno ino Kungugha Lhou vilo inikhu no

LESHELE 118:25

Nixalulo AMPEU, nixalulo! Tokulupu nitsulo, O AMPEU!

LESHELE 122:6

Jerusalem lokughunopu ghenguno inikhulo: “Khunono okimiye chenikeno tipaqo pelo kinikulu shipelo.

LESHELE 127:1

AMPEU no aki shiqhepuku tsumo aye aki kishimi ju kupuka adou; AMPEU no aphughi susho tsumo aye, aghukheuno kheakeu adouke.

LESHELE 37:5

Okuxu AMPEU lau pichebe tsuvelo; pa pukhulo eno pano okuphulu nani.

IPEKULU 3:15

Israilmiqo vilo panoqo pu asu Lhou ni AMPEU, Abraham, Isak eno Jakob Lhou no panoqo lau opuwu kepi pilo: Alhokupujulo ijeye hipauke, ighinikeu tiqhelimi kumtsuno hipau je pesu iku nani.

IPEKULU 3:6

Niye nopu asuqo Lhou ke; Abraham, Isak eno Jakob Lhou ke.” Ikehu Muse no pagi nhaluve kughengu paye Alhou lau jupukunikeu msaveke.

AHOLE 3:6

Nono mlakeu thwokhalo AMPEU kumsululo eno pano alaghi achipiu opiye nani.

MATTHEW 22:32

‘Niye Abraham Lhou, Isak Lhou eno Jakob Lhou ke.’ Paye kuxumi lhou kethono kithimi Lhou kumoe.”

FILIPIAMI 4:6

Kiu lonomu amlokutakihi kevilo, ikemu nongu kighini kumtsulo nonguno kiu avehupu shinikeno Alhou vilo khulo, pulhapuju shikimthikeu mlo pu puzu nonguno khuinilo.