BOTHUBO 22:9 - BAIBEL (BSI)

⁹ Alhou no kichetsu puakeu-alo pama no wo-tolu kelo, Abraham no tile akumllagho kipti-a lakhi mlae eno tipa shou asu kithikiyi qhie. Pano pa nu Isak aphi au phevetsu eno akumllagho kiptia lo asu shou beve.

Sumi Naga CL (Re-edited) Bible (BSI)

⁹ Kughou pama no Alhou no kichetsü keu-a lo ighive keno, Abraham no tilehi akümlla-khache shiqhe no asü kithipe qhive eno pa nu Isaac tsüghave no akümlla-khache lo asü shou bepe qhive.

BOTHUBO 22:9 ပူးပေါင်းရင်းမြစ်များ

BOTHUBO 12:7

Tile AMPEU no Abram lau peghino pa vilo pi, “Ino otikughuko tsuniye akeu ghakhu hu hike.” Ikehu tipa-alo Abram no AMPEU khuuno pa lau ipeghi keno tipau lau akumllagho kiptia lakhi shipe qhie.

BOTHUBO 12:8

Tipathiu Bethel phu kipela kudau naghutolo pano iqesusu wue eno Bethel no kulola kudau shi Ai phuno kipela kudau shi ghi tikuma dolo pa phikishipe qhie. Tipa-a loghi AMPEU lau akumllagho kiptia lakhi shipe qhino AMPEU mllae.

BOTHUBO 13:18

Ike Abram no pa phiki xakiqe susu wupuzu Hebron lo Mamre chine subo akeu phivilo kughuna acheuve eno pano tilehi akumllagho kiptia lakhi AMPEU ghenguno shitsu.

BOTHUBO 22:10

Abraham no pa nu ghiqhiniye pau chhopuwo azuta ikhilue.

BOTHUBO 22:8

Tile Abraham no pi, “Anu, Alhou no kuchopu pitikeu gho ghenguno bheriti lakhi kutotsu nanie.” Ike pama kumtsa chesu wue.

BOTHUBO 8:20

Noha no akumllagho kiptia lakhi AMPEU lau shitsue. Pano tughashi mithemighe keu ngo tikishi eno aghau kimthe jeli gholono lakhi khi sawo akiptia lono akuchopu pitikhavekeu kumllagho shitsue.

KUKAMI ATUGHIU 18:33

Tishino tipau kumlla kiptia shou asu beve, amshitsu ghithapinyi shiveno asu shou beve. Eno pano pi, “Azutughuko bidi lono azu pesu ighino asu shou letelo.” Panonguno pano piketoi shitsu,

LESHELE 118:27

AMPEU ye Alhou ke, paye nilau aloke. Asuloka nongu ulo pepuzu tiqhe tini tsala huthulo eno agho kipiti khache veholo.

MATTHEW 27:2

Panonguno pa tshuveno sasu wuno Ahng Pilat tsuve.

Mark 15:1

Achinetomiqoye inaqhe itheno Muchomiqo ngo Ayezah kutsuchekemi eno Ahohomi kutami kumtsu sasu kughakutha lakhi shi. Panonguno ayikighino Jisu tshu sasu wuno Pilat tsuve.

Apostolmi 8:32

Pano kuchoyesu phichekeu kihe doye hike: “Paye Bheri lakhi toi pa ghiqhipe kepushi sawupe; Pa ye Bheritino amhi gholukeu zulo ighamoke toi; Pa ye atsa lothi lakhimu piqhimoe.

Galatiami 3:13

Khristo no ningu zuqhushi angusuu shive puzu Ayezah lo musuini puakeu launo ningu xapheluve, kughengu kuchoyesulo ishi pipuani, “Timi khuuno asubolono tshuqhi thiveni keno paye musuiniva.”

Ephesiami 5:2

Khristo no ningu kimiyeno axokutsungu kumllagho eno Alhou lopushi tsungquyikeu kumllagho eno lhoxu pesu akumllagho lakhi ningu ghenguno pa kuxu pephetsuveke toi nonguye kimiyekeu lono xulo.

IBRIMI 9:28

Tihutoi Khristo ghi timi kutomo xine puluvetsu nike ghuthu khavino pa likhi pa ikhiphetsuve. Paye ghuthu akiniu ipeghi nani, tiye axine ikhive tsunike ghenguno kumoe ikemu pa huqhekhe aghikemiqo xaluniyeke.

James 2:21

Nisu Abraham ye akumla vechewo Alhou lau achipikaluke kumo kesha? Tiye panu Isak pesu akumllagho shi-ghi akumllagho kiptialo bekeu lonoke.

1 Peter 2:24

Khristo ampino kros lo pa phimpi lono ningu xine xapuluveke, tishianguno ninguye axine launo thive puzu Alhou lau amikucho kuxu xupeniyeke. Pa zakuqo pesu nongu shipiviluvae.