BOTHUBO 22:2 - BAIBEL (BSI)

² Alhou no pi, “Nono kimiyeqhiyi chekeu onu Isak, ti likhi akeu sasu Moria ghakhu lo wulo eno naghuto khipau okichetsuni keno tileno pa pesu kuchopu pitikeugho shi ghi akumllagho chhelo.”

Sumi Naga CL (Re-edited) Bible (BSI)

² Alhou no pi, “O nu lakhi likhi akeu Isaac, khuu nono kimiye cheni keno, pa sasü Moriah yeghi lo wulo, eno tilau naghuto lakhi khikhi I no o piyeni keno tileno pa pesü akipti kümllagho shi tsülo.”

BOTHUBO 22:2 ပူးပေါင်းရင်းမြစ်များ

BOTHUBO 17:19

Ikemu Alhou no pi, “Kuchouno onipu Sara no anu lakhi punu otsu nani eno paje Isak kutsulo. Ino pa sasu eno pa tikughuko sasu puloshoqhi lakhi qhitsuni, tiye shekhaha puloshoqhi ke.

BOTHUBO 21:12

Ikemu Alhou no Abraham vilo pi, “Anu ngo aqeliu pama ghenguno omlo sakevilo. Sara no kiu ovilo pive akeno li tsa inivelo kughengu Isak vechewono opiti kepi kihi wonie.

BOTHUBO 21:3

Sara no anu punu keu je pesu Abraham no Isak kutsue.

BOTHUBO 22:12

Kungumi huno pi, “Onu pithi kevilo momu pa shou kiumu shikevilo, kughengu noye Alhou gholu cheni kepi ino ithivae; Noye anu lakhi likhi akeu ghi pesu itsuveni keu suchilemoe.”

BOTHUBO 22:16

AMPEU no pikeu no, “Ino ilikhi ije lono tushoqhi anie, onu lakhi likhi akeu ghi suchilemo puzu no hitoi shikeu ghenguno

BOTHUBO 22:3

Abraham no inaqhe itheno ithu puzu gadaha tsughada kudayive eno aqemi kini pa nu Isak ngo ishi pa gholo sawuni ke kuto. Eno kuchopu pitikeu gho ghengu lono asu ghepu puzu Alhou no pavilo wulo pikeu a-lo wue.

BOTHUBO 22:9

Alhou no kichetsu puakeu-alo pama no wo-tolu kelo, Abraham no tile akumllagho kipti-a lakhi mlae eno tipa shou asu kithikiyi qhie. Pano pa nu Isak aphi au phevetsu eno akumllagho kiptia lo asu shou beve.

BOTHUBO 8:20

Noha no akumllagho kiptia lakhi AMPEU lau shitsue. Pano tughashi mithemighe keu ngo tikishi eno aghau kimthe jeli gholono lakhi khi sawo akiptia lono akuchopu pitikhavekeu kumllagho shitsue.

KUKAMI AKINIU 3:27

Tileno paye panu anoghiu, pa shelo kakepu shi akeu pesu aphughi tupikiye lono Muab lhou lau aghashivetsu. Israilmiye ighono kichi mamaive tileno panonguye aphughi lono pano yeghilo idewove.

YEKIKITHI AKINIU 3:1

Tithiu Solomon no Jerusalem yeghi Moria to khipa alo AMPEU no papu David piyekeno tipa alo AMPEU ki shini ke kutothu, a-a tipauye Jebusimi Arauna no athi kuphu-a mlakeu qalo shi.

MICAH 6:7

Ino bheri qhethonhe kutolo sughi momu aghokizu kuqo toi oliv teli sughi aye AMPEU ye aloqi nani kesha? Ixineqo ghenguno niye inu anoghiu pesu pa mlla kepu kesha?

John 3:16

Kughengu Alhou ye ayeghilomi kimiyekutuke ghenguno pa Nu lakhi likhi akeu tsuke, tighenguno khunono pa shou pulube nikeno puhavemo nani, ikemu lhokta kuxu ithulu nani.

Rommi 5:8

Ikemu Alhou no ningu kimiyeqhiyi keu pephepiye keuye ninguno axinemi shiaphi lono Khristo no ningu ghenguno thiveke.

Rommi 8:32

Pano paNu ghi suchilevemono ningu kumtsu ghenguno pephetsuveke! PaNu tsukeu gholono thwokha kumsa ningu tsumoni kesha?

IBRIMI 11:17

Alhou no Abraham pejukelo, pano akupulu lono panu Isak pesu Alhou mllae.

XAKUTHAMI 11:31

ino tokulushino ikilo ide ighike lo timi khuuno isasu kusholu tughiu shinikeno tipau pesu akipti kumllagho kiqi lono otsunie. Ino timi tipau pesu aghakishi kumlla shipesu otsuveni.”

XAKUTHAMI 11:39

Aqhi kini thiu liye li pu lau ide ighi. Pano AMPEU lau tushoqhi pua keu kiqi lono shive, ikehu liye ili tathe shi aphi lono thiveke.