BOTHUBO 20:7 - BAIBEL (BSI)

⁷ Mtazu totimi hu li kimi lau tsuchilevelo kughengu timi huye tungkupmi lakhie pano oghenguno inikhutsu aye noye thimo nani. Nono li tsuchileve monapi aye no eno ogholo akemi kumtsu thini putsa kepi ithilo.”

Sumi Naga CL (Re-edited) Bible (BSI)

⁷ Ikehu itehi, timi nipu hu tsüchileve lo, kughengu pa ye tungkupu ke pa no o ghenguno inikhu tsü nani, eno no ye xülu nanie. Ikemu tsala nono li tsüchile moaye, no eno o gholo akeqo kümtsü mtsüqheino thive nanie pi ithilo.”

BOTHUBO 20:7 ပူးပေါင်းရင်းမြစ်များ

BOTHUBO 12:15

Kijemi qono li ithuluve eno Farao vilo li jukivi pesu pi eno pawu akighikilo li sasu wuve.

BOTHUBO 12:17

Ikemu Farao no Abram nipu Sarai luveke ghenguno AMPEU no kusukini kije pashou eno pakibo shou pukutsue.

BOTHUBO 2:17

ikemu akivi eno alhoksa ithilupe chekeu subo xathi noye chukevilo. Kughengu tipau chukeu tsala nino noye thini putsae.”

BOTHUBO 20:3

Ikemu putholo Abimilek samouno Alhou no ighieno pa vilo pi, “Julo, noye thini akene, totimi nono saghi keu hu timi nipu ke.”

BOTHUBO 20:8

Tighenguno Abimilek no inaqhe itheno ithu puzu pa qemi kumtsu ku kutsuno panongu vilo hipaqo kumtsu pike lauye panonguye shishe msave.

BOTHUBO 23:6

“Hi inijutsulo, akijeu noye ningu gholo akughushu kukami lakhi ke ningu kumoki chhupuakeu akiviulo onipu kumo qholulo. Ningu gholo akumoki aghikeuye khuu nomu otsumokeu shimo nani eno opelo onipu kumo qholupe nanike.”

SAMUEL AKINIU 24:17

David no kungumi khuno timiqo heqhi pithi akeno tipau ithulu puzu AMPEU vilo pi, “Kuquvekeu inoke, mla itha pimivekeu huye nike. Ikemu timi hipaqoye kiu shivetsu kya? Noye ni eno isholokumiqou ghime masake.”

KUKAMI ATUGHIU 13:6

Akukau Jeroboam no tungkupuu vilo pi “Ighenguno oMPEU Alhou vilo inikhutsulo eno iu hipau shipivive tsulo pilo!” Tungkupuu huno AMPEU vilo inikhu, eno kuchono akukau u viluve.

KUKAMI AKINIU 5:11

Ikemu Naaman ye amlo idesu wove eno ishi pi, “Ino kumsukeuye paye akulaghi lomu ipeghino pa MPEU Alhou ku puzu ipughakulo pa-u pesu kuzupuku tsuno ishipivi tsu nani ghashi athono.

YEKIKITHI ATUGHIU 16:22

“Ino kisheluvekemi iqemiqo ghime kevilo; iwu tungkupumi shou a-u bekevilo.”

YEKIKITHI AKINIU 30:18

Tinguno alau no Efraim, Manase, Isakhar eno Zebulun lagha lono ighikemi kutomono shikimtheve keu chine chinimono ake tighenguno panonguye kithikiyimono Hechekulu ikhilu ake. Akukau Hezekiya no panoqo ghenguno akighini hipau shitsu:

JOB 34:19

Paye kijemi gi juve chemo, momu kumlhomi nguno alau kinimi kumsulu chenike kumoe, kughengu Panongu kumtsu pano lhoke.

JOB 42:8

Tighenguno amshitsu, tsuni bheritsu tsugho pesu iqeu Job lau wuno nongu ghenguno akipiti kumllagho shi-ghi tsulo, eno pano nongu ghenguno inikhu tsunani. Ino pano inikhukeu vechewo nonguno ighili pipusavekeu kipimi qhivetsu nani, kughengu nongu ye iqeu Job no ighili pitsu keu toi pitsumoe.”

LESHELE 25:14

Khunono AMPEU sumsa cheni keno paye AMPEU shompami ke, tipanoqo lau pano puloshoqhi pesu pitsu cheni.

IPEKULU 18:17

Tileno Jethro no pi, “Noye achipiu lono shiamoe.

IPEKULU 4:16

Pano ozuqhushi timiqo lau oghenguno pitsunikemi shinanike. Tile noye Alhou kimihi shinani, pavilo kiu pikepukeno nono pitsu nani.

IPEKULU 7:1

AMPEU no pi, “Ino opelo akukau lau Alhou kimihi shitsuni cheni eno omu Aron no owu tungkupu kumlhoshi pa vilo pinanike.

JEREMIYA 14:11

AMPEU no ivilo pi, “Timi hipaqo kuphu peni keu ivilo khukevilo.

JEREMIYA 15:1

Tileno AMPEU no ivilo pike, “Muse ngo Samuel pamano puthugho puzu ivilo timi hipaqo ghenguno qhuiniju aghi namu niye timi hipaqo shou kimiyeqhiyi keu piyemo nani. Panoqo pelo cheve pelo; panoqo pelo igizu lono wuve pelo.

JEREMIYA 27:18

Panonguno kuchouno tungkupmi keaye eno panonguno itsape pecheni aye, panongu pelo ivilo, Aqokitikhi MPEU vilo Achineki lo akini pekutsu puakeu eno Akukau kilo akeu Babilon lo pewu pemo nike inijupelo.”

EZEKEL 3:18

Tsala alhoksami lakhi thive niye shi akeulo nono pa kutughuve tsuno akuxu kililuve pemo aye, paye axinemi shighi thive nani.Ikemu pa kithi makhoye oshou betsu nani.

EZEKEL 33:8

Tsala alhoksami lakhiye thive nani kepi ino asheshuni ikemu pa kuxu xaluve kepushi pa vilo pa laghi xakideve lopi nono pa kutughumo aye paye axinemi shi-ghi thiveniake eno pano thivekeulo ino oshou amakho pipe nani.

ACHINE 6:4

Hikithipu shipuzu timi lakhino axine shive keulo pano amikucho kumo lono kiu kiumu luvekeu paye lochileve masa. Pano kuquvekeu phuluveke tsala lono paye tipau mipeu lau qhoi lochilelo eno tinguno alauno tipau saje pungulo saje lakhi qhemi pesu vebeno lochile masa.

ACHINE 6:7

Achineu no timi tipau xine ghenguno aghashi keu pesu mllalo eno pa xine ye peivetsu nanike.

Apostolmi 8:24

Simon no ishi khochile, “Nongu kumtsu ighenguno Ampeu vilo inikhulo, tishianguno nono pikeu hipaqo lakhimu ishou ighi pemonike.”

1 Kor. 14:4

Timi khuuno vethakumla tsa piani keno pa likhi pa xaqhepuku ani, timi khuuno tungkuputsa pi ani keno paye akukuhou xaqhepuku anike.

IBRIMI 1:1

Khaghi ghuloki loye Alhou no tungkupumi vechewo ajeli-ajeli lono ghuthu kutomo apu-asuqo vilo picheke.

IBRIMI 13:4

Timi kumtsuno kulakupu gihukepu shilo; eno akimi anipu dolo pukhukile kulupu shilo; kughengu kiptimi totimi dolo mithemokemi eno kutuqha chekemi shou Alhou no kughathabe nani.

1 John 5:16

Nongu gholo khualano pa thikuzumi lakhino thimokepu xine shiaghikeu ithulu aye, nono Alhou vilo khulo, eno khunoqo xineno akithipu kumokeno Alhou no akuxupu pesu pa tsu nani. Akithipu xine acheni, eno niye nongu vilo tipau ghenguno Alhou vilo inikhu lopi piamoe.

SAMUEL ATUGHIU 12:19

eno panonguno Samuel vilo pi, “Akijeu, kimiyeno AMPEU, oLhou vilo nighenguno inikhutsulo, tishi keu lono ningu pelo thivepemo kepu shitsulo. Ningu ye ningu xine kutau likhi kumono akukau lakhi khuluvekeu huno axine shivaepi kumsu kideluvae.”

SAMUEL ATUGHIU 12:23

Ighenguye, ino nongu ghenguno pa lau inikhutsu akeu huno axine shi apenikeu AMPEU no lakhavae. Tishinike zuqhu, kiuno nongu ghengu akivi eno achipiu keno ino nongu shika tsu nani.

SAMUEL ATUGHIU 7:5

Tishipuzu Samuel no Israilmi kumtsu Mizpa lo kukutsuno hitoi panongu vilo pi, “Ino nongu ghenguno AMPEU vilo inikhutsuni.”

SAMUEL ATUGHIU 7:8

Samuel vilo pi, “Ningu Lhou AMPEU lau tamono inikhu tsualo, Filistiyami ulono ningu xaphekulupu shitsulu kepushi.