BOTHUBO 19:29 - BAIBEL (BSI)

²⁹ Abokhuqa lo aphughi akeqo kutsa akelo Alhou no Abraham kumsuchilelue. Eno Lot no achekeu phughi puhavetsu akelo pano Lot xaphelue.

Sumi Naga CL (Re-edited) Bible (BSI)

²⁹ Ikehu kughou Alhou no akhila lo mishighünaqo kütsave keno, Pa no Abraham kümsülu, tileno Pa no mishighüna khikhi Lot no ache keno tipau kütsa akelono Lot saipeghie.

BOTHUBO 19:29 ပူးပေါင်းရင်းမြစ်များ

BOTHUBO 11:27

Hipaqono Tera tikughukoqoe. Tera no Abram ngo Nahor ngo Haran ishi lhoe. Haran no Lot papu ke,

BOTHUBO 12:2

Ino otikughuko pesu shiyeh kije shitsunie. Ino okumghatsu puzu oje pipi tsunie, tishianguno noye kutami kumgha kutsuu shipeni.

BOTHUBO 30:22

Tile Alhou no Rachel ghi kumsulue. Pano li kighini chilutsue eno li pelo atianuli punulukepu shilupe.

BOTHUBO 8:1

Alhou no ashukakilo Noha ngo tughashi tikishi eno lhoxu kumtsu kumsu chilelue. Pano ayeghi shou amlhu mulhuwu pe eno azuno isuilo kithe thuve.

NEHEMIA 13:14

Ino Ochineki eno tipaulo mlla kepu ghenguno hipaqo kumtsu shikeu ghenguno ikumsulu tsulo, O iLhou.

NEHEMIA 13:22

Ino Levimi vilo pano likhi pano shikimtheveno wupuzu khaghoqo kheluvelo pi ahza tsuke tiye Sabat akimtheshi pinyi peniyeke. O Alhou highenguno ghi ikumsulu tsulo eno okikimiye kije ghenguno ipukhape qhitsulo.

JOB 35:8

Alhoksa no timi otoikemi ghimenia thono, eno omikucho no otoi kemi timi vehupu shilunia thono!

LESHELE 105:42

Pano pa qeu Abraham lau akimthe shoqhi shikeu hu kumsuchileluke.

LESHELE 105:8

Paye pawu puloshoqhi alhokuthu penani eno pano tushoqhive keuye tiqheli qhethonhe kutolo ananike.

LESHELE 106:4

AMPEU, nono owu timiqo kuphukelo nighi kumsululo; Panoqo xalukelo nighi kiyesulo.

LESHELE 136:23

Kughou ningu leluve keno paye niphevemoe; pa kikimiye ye lhokta kutolo acheni;

LESHELE 145:20

Khunono pa kimiye chenikeno tipanoqo milakhikhi pano susholuve cheni, ikemu pano kixikilami kutsa pinyive nani.

LESHELE 25:7

Ilhothelo xineqo ngo ino kuquve keu xine kumsumave tsulo, ow iqemokeu kikimiye kiqi lono ikumsululo, O AMPEU!

EZEKEL 14:16

Timi hupano kuthuno tilehi xuaghi namu kuchouno ni Akughushu MPEU ye xuachekeu Lhou ke, panonguye pano tianuli namu xamla kepu shi nani. Panonguye pano kuxu xalukeu likhi shi nani eno ayeghiye kughukughalei keu lakhi shive nani.

HOSIYA 11:8

“Israil, niye kishi puzu nongu pheveni kya? niye kishieno nongu qhiveni kya? Kishi puzu niye Adma toi nongu kutsaleveni kya? momu Zeboim peithaveke toi niye nongu peithani kya? Khilemu imlono tipau shipemo nani! Ino okimiye akeuye shishe akumtoke.

ZAKINIU 7:8

Ikemu AMPEU no nongu kimiyeke eno Pano nongu puasuqo lau tushoqhive keu pecheni shike. Tighenguno pa kumto kije pesu nongu xaluke eno nonguno Ijip lo akukau quaxemi shi acheke lono nongu khaqhiphetsu ke.

ZAKINIU 9:27

Oqeu Abraham, Isak eno Jakob kumsulu tsulo eno timi hipaqono kuthovi akeu, lhoksa kugha shi akeu eno panoqo xine shou jupukutsu kevilo.

ZAKINIU 9:5

Nonguno akivi ke ghenguno AMPEU ye nongu pelo panoqo yeghi lupeniyeke kumoe. Pano panoqo halevetsuniye akeuye panonguno lhoksa kughami eno pano nongu puasu Abraham, Isak eno Jakob lau tushoqhi puakeu kumsupu achenike hue.

2 Peter 2:7

Pano amikuchou Lot xaphelu, lhokusakughamino Lot shikughuju cheke.