BOTHUBO 19:24 - BAIBEL (BSI)

²⁴ Tile AMPEU no Sodom ngo Gomora shou atsutsulo AMPEU launo alkatra kipti ngo ami ishi ghuqhi pukue.

Sumi Naga CL (Re-edited) Bible (BSI)

²⁴ Tishino Ampeu no atsütsü lono Sodom ngo Gomorrah shou tsübuta kipti ngo ami ghuqhi tsü.

BOTHUBO 19:24 ပူးပေါင်းရင်းမြစ်များ

BOTHUBO 13:10

Ikehu Lot no pishipuwo Jordan khila qha ti Zoar kutolo eno tiye azu nibonilei akeu ithuluve, AMPEU ghutu kimihike momu Ijip yeghi kimihike. Hiye AMPEU no Sodom ngo Gomora phughi puhavetsu mphi zuuke.

BOTHUBO 13:12

Abram ye Kanan yeghilo kughuna ache eno Lot no aqalo aphughi phivilo kughuna acheuve eno Sodom phughi kupunulo pa phiki shipeqhie.

BOTHUBO 18:17

Ike AMPEU no palikhi pa lolono ishi pi, “Ino kiu shiniye anikeno Abraham launo niye kusuvemlae.

BOTHUBO 19:23

Lot no Zoar tokelo tsukinhe ipeghive.

JOB 1:16

Pano pi aphi lono aghinikishimi kutau lakhi ighi no pi, “Atsutsu lono amsu iqighino bheri ngo aqemi kumtsu pitiqhivae eno ilikhi poka ighilu no ovilo hi pilu anie.”

JOB 18:15

Pano sasu ngochemo keuno pa kilo aniae, ino baras pesu paki lekuxu niae.

LESHELE 11:6

Kixikilami shou pano amiyi kuiqu ngo amichu ghuqhi puku cheni; Pitipuzakeu mulhu pesu panoqo saje shitsu cheni.

IPEKULU 9:23

Ikehu Muse no pa kusu pesu kunguu peqhe eno AMPEU no tsutsukusu ngo apughu puwutsue eno amusuno ayeghi cheke. AMPEU no

ISAIAH 1:9

AMPEU Akughushuuno timi khami likhimu ghutsumoke aye Jerusalem ye Sodom ngo Gomora toi qhoi kutsapinyiveni cheke.

ISAIAH 13:19

Babilon ye kumtsu nguno jukivi kukaqha lakhike; tipaulo jupesu timiqono akijivilo cheni. Ikemu ino Sodom ngo Gomora shou shikeu toi ni, AMPEU no Babilon kutsaleve nani!

ISAIAH 30:33

Asiriya lo akukatou ami lono piti kepushi kha-ghino a-a lakhi kutope auvae. A-a tipauye thonhei eno kijeke eno asu ghekisheqhe puani. Tipaulo ami sunike AMPEU no ami kuyiqu amuqo lakhi fupuwu nani.

JEREMIYA 20:16

Timi tipauye, aphughi khipaqo AMPEU no kimiyemono kutsaleve keno tipaqo toive pelo. Pa pelo inaqheno sukeu ghugha chilupe eno puchouno aghukishi kutughukeu sutsa chilu pelo;

JEREMIYA 23:14

Ikemu tinguno akusa akusau Jerusalem lo tungkupmino shikeu ino ithuluvae. Panonguno salha cheni eno miki cheni; Panonguno timiqo achipikumoulo shikuphu acheni, tighenguno milakhimu alhoksa shimokeu kuhae. Ighenguye, panongu kumtsu Sodom ngo Gomora lo akemi toi alomo keqoke.

JEREMIYA 49:18

Tiye Sodom ngo Gomora eno tipaqo cheaxulo taun akeqo kutsaleveke toi Edom lau ghi tipatho shi nanike. Khuumu itaghi tilehi kughuna kithe pemove nani. Ni, AMPEU no piveake.

JEREMIYA 50:40

Sodom ngo Gomora eno tipau sukumuxalo taun akeqo ino xale kutsaleve kelo kishi shive keno tipaphishi Babilon kutotsu nani. Khunomu itaghi tilehi kughuna kithemo nani. Ni, AMPEU no piveake.

AKUMLO 4:6

Ingaqo ghime huye Sodom xine ghengu no aghime tsukeu nguno akijeu shi ado kitila dolono peiveno khunomu panoqo kuphu kulupu shimove.

HOSIYA 11:8

“Israil, niye kishi puzu nongu pheveni kya? niye kishieno nongu qhiveni kya? Kishi puzu niye Adma toi nongu kutsaleveni kya? momu Zeboim peithaveke toi niye nongu peithani kya? Khilemu imlono tipau shipemo nani! Ino okimiye akeuye shishe akumtoke.

AMUS 4:11

“Ino Sodom ngo Gomora phughi kutsave ketoi ino nongu gholo khami kutsave. Nongu khunoqomi puxupuaghi keno tipaqoye ami lono amisu puxupheluke toike. Tishi keghi nonguye ilau xaidechile ighimoe,” ipi AMPEU no pi.

ZEFANIA 2:9

Niye mutsuqheyino Israil Lhou ke ghengu Muab ngo Amun ye Sodom ngo Gomora toi kutsaleve nani. Tipaqoye amti kuchhukhuki shive nani eno alhokupuju tishi ixapinyi auve nani eno alupino qunhave nani. Iwu timi khunoqo puxu puaghini keno tipanoqo xulepuwuve nani eno panoqo yeghi luve nani.”

Luke 10:12

Ino nongu vilo piani, atsakukugha tsalalo tipau phughi nguno Sodom noghami lau Alhou no kimiyeqhiyi keu alau piye nani.

ZAKINIU 28:24

Tsutsughu zuqhulo nongu kutsavemoke kuto AMPEU no pasapagha yeghi mukhu eno pasapagha saye piqitsu nani.

ZAKINIU 29:22

“Ighini keu tiqhelilo nopolo kughukomi ngo inaghamino ala kushuwalo ayeghi akeqo lono AMPEU no noyeghi shou kutsakungo eno aghime sughikeu ithulu nani.

ZAKINIU 29:23

Aluzaqoye asutsuni kuhano thoqhaleive nani amichu ngo amtino nhaluve nani; kiumu shosumo nani, alupi ghi ipeghimo nani. Noyeghiye Sodom ngo Gomora eno Adma ngo Zeboim phughiqo toive nani, tipaqoye AMPEU no Pa loghu kighide lono kutsaleveke.

2 Peter 2:6

Alhou no Sodom ngo Gomora phughi pesu ayevu kughulhove eno panoqo puhavetsu eno Alhou phimokemi lau kichekipiye shipe puavetsu.

Jude 1:7

Sodom ngo Gomora eno tipau sukumxalo aphughi akeqo kumsululo. Timi tile akeqono kungumi hupaqo toi shike, panonguno kipitimi totimi dolo mithemokeu eno chighichilai keu shike, alhomi pesu panongu shou aghime tsukeu huno kumtsu zulo kichekipiyeke.

Piyeküsü 14:10

timi tipauye Alhou loghu ji lekitemokeu pa jukhulo lesuno shope nani. Timi tipauye kungumi akimthemi zulono eno Bheriti zulono ami ngo amichu pesu pitipuzaqhi nani.