BOTHUBO 19:14 - BAIBEL (BSI)

¹⁴ Ike Lot no ipe puzu pa makishiu shiniye akeqo vilo pi, “Ithulo eno hipau-a lono polulo, kughengu AMPEU no hipa phughi pukahveni cheni.” Ikemu paye ghavashi ani kughashi panongu no kumsuve.

Sumi Naga CL (Re-edited) Bible (BSI)

¹⁴ Ikehu Lot no ipe püzü pa makishimi, pa nongaqo sasü akibo shiniye akemi vilo pi, “Ithulo! Hipa-a lono ipevelo, kughengu Ampeu no mishighüna hipau kütsave niye shivae.” Ikemu amalimi no pa ye ghava shi ani küghashi kümsüve.

BOTHUBO 19:14 ပူးပေါင်းရင်းမြစ်များ

BOTHUBO 19:15

Kughou tsutho ipeghive keno kungumi pamano Lot hakiteghi pi, “Ithulo, onipu ngo onga hile akeu pama sasu ipevelo; tishi maye aphughi hipau puhake lono okuxu ghi puhavetsu nosake.”

BOTHUBO 19:17

Pamano aphughi kubalau sapeghive no ishi pi, “Pututa kuxu ghenguno polulo! Athiu idewo jukevilo eno aqa lomu ngokevilo, ikemu nongu pithive nosake naghuto lo polulo!”

BOTHUBO 19:22

Noye mtazu hule polulo. “Nono hule tolu miphi kutolo niye kiumu shimo ake.” Lot no tipa phu aghulo ipike ghenguno tipau je Zoar ipi kutsue.

YEKIKITHI AKINIU 30:10

Aghini kishimino Efraim ngo Manase lagha ghakhulo aphughi lakhikhi lo wu eno ahuu Zebulun lagha ghakhu kutolo iqho, ikemu timiqono panoqo junuqhi eno thaigha qhike.

YEKIKITHI AKINIU 36:16

Ikemu panonguno Alhou ghinikishimi thaigha ke, pa tsa kukuthave tsu eno pawu tungkupmi junuqhi ke. Tishive kehu ashekhalo AMPEU loghu pawu timiqo shou kije ikughive kehu tipau lono pokulupu shimlave.

IPEKULU 12:31

Tipajino akukauno Muse ngo Aron kuno pi, “Chevelo, nongu eno Israilmiqo! Ighakhu qhivelo; wulo eno nonguno khu akeu toi AMPEU mllawulo,

IPEKULU 9:21

Ikemu kutamiqoye AMPEU no kutughukeulo amlo suyikeu shimoe eno pano Lhoxu ngo aqemiqo khalau qhive.

AHOLE 29:1

Oshikumzu tsukeu kumtsulo nono alaushi omlo hekighike auve aye ghulo lakhilo noye mukhumuno shive nani eno khilemu idethughi mlave nani.

ISAIAH 28:22

Ino nongu piputo akeulo nukevilo! Nonguno tishi aye, nongu ghenguno pokulupu ighono shove nani. Aqokitikhi MPEU no aghakhu kumtsu kutsavenikeu shi kughathave keu ino chiluvae.

JEREMIYA 20:7

AMPEU, nono ipishiqhike, eno ipishiqhi putsake. Noye inguno akuka kumtouke, eno nono itheqhivae. Kumtsuno ithaigha ani, atsala kupujulo niye panoqo zukutunupubo shiauvae.

JEREMIYA 43:1

Ino timiqo vilo AMPEU panoqo Lhou no panoqo vilo pipenike ipuwukeu kumtsu pesu pitave.

JEREMIYA 43:2

Tileno Hoshaia nu Azariya ngo Karea nu Johanan eno kutami aqhekuzashi akemi kumtsuno ivilo pi, “Noye miki anike. AMPEU niLhou ye Ijip lo nipelo wupemo nike eno tilau auve pemoni keu opelo pipe nike opuwu puamoe.

JEREMIYA 51:6

Babilon lono polukhavelo! Nongu kuxu ghenguno polulo! Babilon xine ghenguno nongu pithive apekevilo. Niye itehino imukhu luanike eno tipauno ithulu kuzupu shi akeu pesu ghimeqhi anike.

EZEKEL 20:49

Tileno ino ighachile pike, “Akughushu MPEU, kumtsuno ino kepi anie! Kumtsuno muchho akeuno ino pulhapuju aholeuno piani kepi piakhanike.”

AKIKIHI 16:21

“Timi hipaqo launo idewo puthughovelo eno paikhavi lono ino panoqo kutsavenike.”

AKIKIHI 16:26

Muse no timiqo vilopi, “Timi kixikilami hipaqo launo putou ngovelo eno panongu nhemgha kiumu bukevilo, tikumoaye nonguye panoqo xine ghenguno nongu joleve nanike.”

AKIKIHI 16:45

“Timi hipaqo launo idewo puthughovelo ino hupa-a lono panoqo kutsavenike!” Pamano ayeghilo agi pishiqhope itsaqive,

MATTHEW 1:18

Jisu Khristo punu ye hitoi shilue. Paza Maria ye Josef sasu kughuna nikeu shi kishekulu xathave, ikemu pama kulakupu shimphi lono liye Aghungu Kimthe launo anga mishipu aghive.

MATTHEW 9:24

Jisu no ishipi, “Timi kumtsu ipevelo! kughengu angailimi huye thimphie, liye zuanie!” Timiqono pa junu.

Luke 24:11

Ikemu apostolmiye totimiqono pikeu akiqi kuhamithekeu shi kumsuno panongu tsa pulumoe.

Luke 9:42

Pano wuche-phi lono tughakusano panu tukuluqhiveno pa sukughuthaqhi. Ikemu Jisu no tughakusa lomi pive, anuye shipiviveno papuh lau puwuve.

Apostolmi 17:32

Kithimi xuputhukeu tsa kughou panonguno chilu keno khamino pa junuqhi, ikemu khamino ishi pi, “Hipau vehu itaghi ninguno olauno chiluni shi anie.”

1 Thes. 5:3

Kughou timi no, “Thwokha iquneyi eno achipishi akhanie,” ipi akelono zuleno shiluksa puluksano totimino anga pununiye suakeshi timiqo shou ighi nani eno panonguye povemla nani.