BOTHUBO 18:14 - BAIBEL (BSI)

¹⁴ AMPEU ghenguye kiu kiumu kushokutsu ani kesha? Ado achipi shi akelo toku hipa ghulokilo ino olau ideghi nani eno Sara ye anga lakhi aniae.”

Sumi Naga CL (Re-edited) Bible (BSI)

¹⁴ Ampeu ghengu ye kiuala ighono kushokütsüpu ani kea? Tokuu hipau ghuloki lo, piqhi püakeu do lono I no o lau ideighi nani, eno Sarah ye anu lakhi punu nani.”

BOTHUBO 18:14 ပူးပေါင်းရင်းမြစ်များ

BOTHUBO 17:16

Ino li kumghatsu ni,eno li pelo anu lakhi punu otsu peni. Ino li kumghatsuni eno liye ashiayehqo paza shilupe nani eno li tikughuko launo kukami ipeghi nani.”

BOTHUBO 17:21

Ikemu i-u puloshoqhiye Isak lau qhi nani, toku hipa ghulokilo Sara no pa punu nani.”

BOTHUBO 18:10

Inami huno pi, “Toku hipa ghulo kilo ino olau ideghini putsa eno onipu Sara ye anu lakhi aniae.” Sara no aphiki hukikha lono ti chiluve, kughengu liye tipau phivilo ngoae.

BOTHUBO 18:13

Tile AMPEU no Abraham vilo pi, “Kushiye Sara ye nu-ghi kuchouno niye kitemi shivekethiu ghi anga punulu nani ke shela! ishi pi kya?

BOTHUBO 18:15

Sara ye ighuve kehu miki ghi pi, “Niye nu-moe.” Ikemu pano pi, “Tsaquino noye nuvae.”

BOTHUBO 21:1

AMPEU no puzu-uno pi puakeu toi pano Sara kumghatsue.

BOTHUBO 21:2

Alhou no Abraham lau kihithatsu keu do lono kitemi shiveke thiumu Sara no mishilu puzu anu lakhi punutsue.

KUKAMI AKINIU 4:16

akelono Elisha no li vilo pi, “Toku hipa ghulokilo noye o-u lo anu lakhi khape kepushilu nani.” Lino akichiqhi pi, “O Alhou wu timio, oqeliu pishiqhi tsu kevilo.”

JOB 36:5

Julo, Alhou ye akumto ke khuumu mithive chemoe, paye shishe akumtou eno asuqekithie.

JOB 42:2

Ino ithi nono shimlakeu thime kumu kuhae eno okimiji ye kumtsu shi kupu cheni.

LESHELE 90:13

Ologhu kighide khitotohi acheuve nani kya? O AMPEU, oqemiqo lau kupukeu alo!

LESHELE 93:1

AMPEU ye akukauke. Paye akughushuu eno akumto pepusu ani. Ayeghiye pa alo mutotoi qhipe puani eno ithave pemlake.

LESHELE 95:3

Kughengu AMPEU ye akughushu Lhou, alhou kumtsu shou akughushu kukauke.

ISAIAH 50:2

‘Kushiye ino xaluniye ighikelo iwu timi khumu aghimove kya? Kushiye ino kuju kelo panonguye khochilemo kya? Panoqo xakulupulo niye miqemileyive kesha? momu panoqo xaphe lunikeu kuka niye kuhave akesha? Ino ahza lakhi tsupuzu azughi pesu qhaiyivelu nani, aghoki pesu asayeqha kughulhovelu puzu azukuha kelauno akha tile akeqo thivepelu nani.

JEREMIYA 32:17

“AMPEU Alhou, nono okuka kije eno okumto pesu ayeghi ngo atsutsu mlake; oghenguye kiumu kupunakeu kuhae.

JEREMIYA 32:27

“Niye AMPEU ke, timi kumtsu Lhou ke. Ighenguno kiumu kushokutsupu kuhae.

DANIEL 6:20

Kughono tipau alo ighikeno, pano khekulhoshi ku, “Akuxupu Lhou qeu Danel! Nono pulopiniyi huthu chekeu Lhou no abongushu zulono oxaphe pe anima?”

MICAH 7:18

O AMPEU, otoi keu lhou kutau kuhae; nono owu timi, puxupe puaghitsu kemiqo xine peivetsuke. Noye alhokupujulo aloghu ideauve chemoke ikemu nilau owu lhokta kikimiye piye nikeulo ozukuvu shi achenike.

ZEKHARIA 8:6

Aghakhumi gholono ghupe puaghi kemi hipaqo zulo hiye akumza kepu shi aghiluvi ikemu ighenguye kusho kutsupu kumoe.

AKIKIHI 11:23

AMPEU no khochile, “Ikukaye kihithaluni keshea? Ino kiupi keno shikupu nikeu mokeu kushuwo womono nono ti ithive nani!”

MATTHEW 14:31

Jisu no pai pa u chhopuwo puzu pa tsuquluve eno pa vilo ishi pi, “”Okupulu mikhelo kena! Kushiepi omlo lipive kya?”

MATTHEW 19:26

Jisu no panoqo jupuzu ishipi, “Timi ghenguno hiye kushokutsupuke, ikemu Alhou ghenguye kiu kiumu shikulupu ani”

MATTHEW 3:9

eno nongu likhi nongu kijivilo ghi, ‘Ningu papuh ye Abraham ke,’ ipi kumsu akevilo. Ino nongu vilo pini, Alhou ye atu hipaqo ikhi pesu Abraham ghenguno atianuli kughulhove tsulu nanie!

Mark 10:27

Jisu no panoqo jupuzu ishi khochile: “Timi ghenguye alikhi axakuluputsa kuhae, ikemu Alhou ye panoqo xakulupu ani, kughengu Alhou ye thwokha shiluve nani.”

Luke 1:13

Ikemu kungumi huno pa vilo pi: “Zakharia! Musa kevilo Alhou no okighini chiluvetsua, onipu Elizabet ye anu lakhi punu nani eno nono paje Johan kutsulo.

Luke 1:18

Zakharia no kungumi vilo pi: “Tishi nani kemo keno kishino ithini kya? Ni ghi inipu ghi kitemi shiva.”

Luke 1:37

Kughengu Alhou no shimlakeu thimeye kiumu kuhae.”

Luke 8:50

Ikemu Jisu no chiluveno ighowo pi, “Msakevilo, pulubekeu likhi alo eno liye itaghi viluve nani.”

Rommi 4:21

Alhou ye pano kiu piqhive akeno shive nani kepi Abraham no kuchouno mtsuqhei shi.

Ephesiami 3:20

Itehiye khuno pa kuka khipau nilolo peitha anikeno tipau vechewo ninguno khukeu momu kumsulukeu nguno shishe alaushi mlatsu chekeu lau,

ZAKINIU 30:3

tileno AMPEU Alhou no nongu shou amlo ighiqhiyive nani. Pano khilehi nongu apanagha puwuve keno tipaqo shiayeh launo nongu sachile saghi nani eno pano itaghi nongu pelo axukivi shilu penani.

ZAKINIU 7:21

Tighenguno timi hipaqo musa kevilo; AMPEU nongu Lhou no nongu gholo anike, paye Alhou kijeke eno pa sumsa kepu ke.

FILIPIAMI 3:21

Pano ningu phimpi hi thivenikuau pesu pa phimpi akimthe jukuvupu kimihi toi kilivetsu nani, tiye pano thwokha pa yehkipe qholo saghilukeu kuka hu peithano shitsu nani.

FILIPIAMI 4:13

Khristo no ishikumtokeu vechewono niye thwokha shikulupu kuka anie.

IBRIMI 11:19

Alhou ye akithi lono Isak xuputhuve kepu kuka anikepi Abraham no kiqiluve, eno kimighijuniaye, Abraham ye akithi lono Isak ithuluchile ke.

XAKUTHAMI 13:3

AMPEU wu kungumi no li lau ipeghino pi, “Noye ati anuli kuhano ighivae, ikemu noye kushuwo womono mishiniae eno anu lakhi ithuluniae.

SAMUEL ATUGHIU 14:6

Jonathan no apuu vilo pi, “Nikujo ye ayiko ghamokemi Filistiyami ghazu heche ilonie. AMPEU no nikujo kuphu tsu aye, kiu lonomu nikujoye tomlavekeu shimo nani, AMPEU zuloye kutomo kitila kumu kiyequ keu shimo nani.”