BOTHUBO 17:6 - BAIBEL (BSI)

⁶ Ino oti kutomo shi tsuni eno olauno ashiayehqo kughukowo tsuni eno olauno kukami ipeghi penie.

Sumi Naga CL (Re-edited) Bible (BSI)

⁶ I no o pelo shishe athi pithi lupe nani, o pesü shiye kutomo kughulho nani, eno o launo kükamiqo ighi nani.

BOTHUBO 17:6 ပူးပေါင်းရင်းမြစ်များ

BOTHUBO 13:16

Ino opiti pesu ayeghi lo asaye jehi shitsuni eno timino ayeghilo asaye kihikhamla ke toi opiti kughukoye kihikhamla peni.

BOTHUBO 17:16

Ino li kumghatsu ni,eno li pelo anu lakhi punu otsu peni. Ino li kumghatsuni eno liye ashiayehqo paza shilupe nani eno li tikughuko launo kukami ipeghi nani.”

BOTHUBO 17:20

Eno Ismael ghenguye ino osutsa chiluvae, ike ino pa kumghatsuni, pa pelo atianuli kutomo ithulupe eno pa tikughuko tsu nani. Paye kijemi chighikini papu shi nani, pa pelo ashiayeh kije shilupe nani.

BOTHUBO 17:4

“Ni ampino i-u puloshoqhi osasu shi anie eno noye ashiayeh kutomo papu shi nani.

BOTHUBO 26:22

Tipa-a lono kutau pano iqesusu wuve eno azukikhe kutau lakhi chhue. Tipau ghenguye panonguno mutomoe, ikehu pano tipau je pesu Rehobot kutsue. Isak no pi, “Itehiye AMPEU no ningupelo ililayi luve ape eno ninguye ayeghilo kinikulu shiluniae.”

BOTHUBO 28:3

Akughushu Lhou pelo okumghatsu peniu eno opiti kughukoluno opelo lighimi shilu peniu.

BOTHUBO 35:11

Alhou no pa vilo pi, “Niye akughushu Lhou, atianuli kughukoluno ashiayeh lakhi shilulo. Ashiayehqo olauno ipeghi nani eno ophilono kukami ipeghi nani.

BOTHUBO 41:52

Pano anu akiniu je Efraim kutsue. Pano ishipi, “Kughengu ishikighime qhikeu yeghi lo Alhou no itikughuko tsue.”

BOTHUBO 47:27

Israilmi no Ijip Goshen ghakhulo kughunauve, panonguye kinikulu shive eno ati anuli kutomo ikowove.

BOTHUBO 48:3

Akughushu Lhou no Kanan yeghilo Luz lono ilau ipeghi piyeno ikumghatsue

BOTHUBO 48:4

eno ivilo ishi pi, “Julo ino opelo atianuli kutomo shilu peni eno opelo kighishelu eno opelo ashiayeh timi kumzapu shitsuni eno oti anuliqo pelo pulhapuju pighiwuve penike hipau yeghi ino panongu tsunie.

EZRA 4:20

Kukami kumtomino tilehi ayehpe che eno Eufrati kulola qhalo ayehpeno zahme jeli ngo akuka zahme qhalu cheke.

ACHINE 26:9

Ino nongu kumghatsu nani eno atianuli kutomo nongu tsunani; ino nongu sasu puloshoqhi shikeu isheamzu loye tipau peche nani.