BOTHUBO 15:18 - BAIBEL (BSI)

¹⁸ Tipani no AMPEU no Abram sasu puloshoqhi lakhi shi ghi pi, “Ino hipau yeghi olagha tsunikeu shi anie, ti Ijipmi ghoki lono aghoki akijeu Eufrati kuto

Sumi Naga CL (Re-edited) Bible (BSI)

¹⁸ Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

BOTHUBO 15:18 ပူးပေါင်းရင်းမြစ်များ

BOTHUBO 12:7

Tile AMPEU no Abram lau peghino pa vilo pi, “Ino otikughuko tsuniye akeu ghakhu hu hike.” Ikehu tipa-alo Abram no AMPEU khuuno pa lau ipeghi keno tipau lau akumllagho kiptia lakhi shipe qhie.

BOTHUBO 13:15

Kughengu nono ithulu akeu yeghi qha kumtsu ino no eno otikughuko tsunie, hiye pulhapuju ghengu nongu wu shiniae.

BOTHUBO 2:14

Aghoki akuthuu jeno Taigris. Tino Asiriya yeghi kipelau qowu anie. Aghoki abidiu no Eufrati.

BOTHUBO 24:7

AMPEU, atsutsu Lhou no ipuno ki lono eno ipunugha lono isasu ighie, pano iputsa eno pano ivilo tushoqhi ghi pikeuno, ayeghi hipau itikughukoqo tsuniepike. Pano pawu kungumi ozuuno puwu nani eno tilauno nono inu ghenguno anipu lakhi lusaghilo.

BOTHUBO 26:4

Opiti pelo atsutsu lo ayepu qo toi kighishe wolu peni, eno hipa ghakhu kumtsu otikughukoqo tsunie. Ayeghilo ashiayeh kumtsuno ino otikughuko kumghavetsu ketoi panongu kumghatsulo pinani.

BOTHUBO 28:4

Pano Abraham kukumgha otsu eno opiti tsu peni, tishi keu lono nono khipa yeghilo inami shi achekeno, Alhou no Abraham tsu keu yeghihu, omheghi shilu nani.”

BOTHUBO 35:12

Ayeghi khipau ino Abraham ngo Isak tsu keno, tipau yeghi no eno othiu otikughukoqo tsunie.”

BOTHUBO 50:24

Josef no pamunoqo vilo pi, “Niye thini cheae, ikemu Alhou no mutsuqheyi nongu heju ighi nani eno nongu sasu hipa yeghi lono Abraham ngo Isak eno Jakob vilo tushoqhipe puakeu yeghilo saghi nanie.”

SAMUEL AKINIU 23:5

Tihutoi Alhou no ipolo kughuko kumghatsu nani; kughengu pano isasu alhokuthu ghenguno puloshoqhi shivae. Pulokile lukeu tipauye kubomo nani. Ashoqhi tipauye kilivemo nani. Ino mine hechekeuye tipauke; tipauno iwu tokulu shinani, eno Alhou no kuchouno tipaqo shikuputsu nani.

SAMUEL AKINIU 8:3

Tipashelo itaghi pano Siriya ghakhulo Zoba ipikeu leluve. Rehob nu Hadadezer no Eufrati ghoki ahuu qhasu pe achekeu xaqhe kitheniye wuche.

KUKAMI ATUGHIU 4:21

Solomon kukaphu huno Eufrati ghoki lono wo Filistiya eno Ijip lughi kutolo ashiayeh khijehi anikeno ti kumtsu qhachho wove. Panonguno zahme patsu eno pano xu ake kutolo pawu timi shilu khave.

KUKAMI ATUGHIU 5:1

Tur lo akukau Hiram ye David shou kiviu shicheke eno pano kughouno Solomon no papu David zuqhushi akukau shiluve keu chilukeno lashikami pa lau hapuwu.

YEKIKITHI ATUGHIU 16:16

Pano Puloshoqhi Abraham sasushie eno Isak sasu tushoqhie.

YEKIKITHI ATUGHIU 5:9

Panonguye Gilead lo asutsuni kupukuno shi ake ghenguno ayeghi tipau pukhalu eno kipelau asaye yeghiqha eno Eufrati ghoki laghi kutolo pukhaluve.

YEKIKITHI AKINIU 7:8

Solomon ngo Israilmi kumtsu atsala tsuni kuto lo Apusholo ngokeu Pinye ghulhu shike. Tilehi timi kumzapu ighi ke, khamiye ahuu Hamat Kita lono eno apeu Ijipmi lughi kutolo no ighikha ke.

YEKIKITHI AKINIU 8:7

Israilmino ayeghi luveke ghulokilo Kananmi khijehi heqhimove keno tipaqo kughukomi kumtsu Solomon no pesu anguka lono akumla shipenike peitha. Tipaqo gholo Hatimi, Amarimi, Perizimi, Havimi eno Jebusimi ghi ke, tipaqo laghaye itehi kutolo aquaxemi shi achenike.

YEKIKITHI AKINIU 9:26

Eufrati lono Filistiya ngo Ijip lughi ghakhu qhalo Solomon no kukami kumtsu nguno ayehkipeu akughushuu shi acheke.

EZRA 4:20

Kukami kumtomino tilehi ayehpe che eno Eufrati kulola qhalo ayehpeno zahme jeli ngo akuka zahme qhalu cheke.

NEHEMIA 9:8

Paye olau amikucho shikeu nono phuluke, eno nono pa sasu puloshoqhi shike. Nono Kananmi yeghi pa tsunikeu shi tushoqhike, Hatimi yeghi, Amarimi yeghi, Perizimi yeghi, Jebusimi yeghi eno Girgashimi yeghi tsuni keu shi tushoqhi ke, Pa laghami pelo ngo chepe nikeu yeghi shitsu ke. Nono amikucho kehu oshoqhi peluke.

LESHELE 105:11

“Ino Kanan yeghi nongu tsuni, tiye omheghi shicheuve peni,” ipi pano pike.

IPEKULU 13:11

“AMPEU no nongu sasu Kananmi yeghilo ighi nani tiye nongu eno nopu asuqo tsunikeu shi pano tsaquino tushoqhi veake. Kughou pano tipau nongu tsuni keno,

IPEKULU 2:24

eno panonguno atuthu shephe mlano ighache keu chiluve eno pano Abraham, Isak eno Jakob sasu puloshoqhi shikeu kumsu chilelu.

IPEKULU 23:23

Iwu kungumino nongu zuu wupuzu nongu sasu Amarimi, Hatimi, Perizimi, Kananmi, Havimi eno Jebusimi yeghilo ilo nani eno ino panoqo kutsaleve nani.

IPEKULU 3:8

eno niye Ijipmi launo panoqo xaphelunike iqighivae eno panoqo sasu Ijip lono aghakhu aqha kivilo saipeghini cheni, tiye kinikulu eno aghuma kua yeghike, Kananmi, Hatimi, Amarimi, Perizimi, Havimi eno Jebusimi no kughuna achenike.

IPEKULU 32:13

Oqemi Abraham, Isak eno Jakob kumsuchilelulo. Nono tsaqutsalei keu shoqhi panoqo lau shikeuno atsutsulo ayepu akeu jehi panoqo polo kughukomi shitsuni eno nono tsunikeu shi tushoqhi vekeu yeghi pesu panoqo polo kughukomi ghenguno alhokupuju mheghi shipe nikeu shi akeu kumsuchilelulo.”

IPEKULU 34:11

Ishi tsalalo ino ayezah nongu tsu akeu gholulo: Amarimi, Kananmi, Hatimi, Perizimi, Havimi eno Jebusimiye nonguno azuu hawo kemtsa ino haphevetsu nani.

IPEKULU 34:24

Ino nongu zulono ashiayehqo hapheve tsu eno nowu alughi pekhovetsu kethiuye hi apinye kuthu ghulokilo timi khuu nomu noghakhu lenike pukaputsamo nani.

IPEKULU 6:4

Ino panoqo sasu ghi puloshoqhi shike, Kanan yeghi panoqo tsunikeu shi tushoqhi ke, tipau yeghilo panonguye inaghami shi xuacheke.

IPEKULU 6:8

Ino tsaqui no Abraham, Isak eno Jakob tsunikeu shi tushoqhi vekeu yeghilo ino nongu saighi nani; ino tipau nongu mheghipu shi nongu tsu nani. Niye AMPEU ke.’ ”

ISAIAH 27:12

Tipa tsalalo, timino am-u gholono athicho kututa shive akeshi, Eufrati ghoki lono Ijipmi lughi kutolo AMPEU no pawu timi lakhi khino hekutsukumqo nani.

ISAIAH 55:3

“Iwu timiqo, itehiye inilo eno ilau ighilo; ilau ighilo eno nonguno akuxu alu nani! Ino nongu sasu alhokupuju ghenguno puloshoqhi lakhi shi nani eno David lau kukumgha ino piqhipuakeu nongu tsunike.

JEREMIYA 32:22

Nono panoqo puasu lau tushoqhive ketoi nono aghuma eno akini kua yeghi hipau panoqo tsuke.

JEREMIYA 32:40

Ino panoqo sasu lhokta puloshoqhi lakhi shi nani. Niye panoqo ghenguno akivipu kumla khilemu shitavemo nani, ino panoqo pelo amlo kuchopu pesu isumsape nani, tishikehu panonguye ilauno khilemu wuvemo nani.

ACHINE 26:42

Jakob ngo Isak ngo Abraham sasu iwu puloshoqhi shikeu ino kumsulu nani, eno iwu timiqo lau aghakhu tsunikeu ishoqhi shikithe nani.

ACHINE 26:45

Ino panoqo puasu sasu puloshoqhi shikeu ino shikithe nani tiye kughou Ijip lono iwu timiqo saipeghi keno tileno ino ashiayeh kumtsu lau ikuka-kumto piyeke, tishianguno ni, AMPEU ye panoqo Lhou shiluveniyeke.”

AKIKIHI 34:5

tilauno hosusu Ijip lughilo akhila kudau shini eno Mediteriya Zughi lono ashekha shini.

Apostolmi 7:5

Ikeghi tipa-alo apukhu nepa qhemi lakhimu pa mheghi shilukepu tsumoe; ikemu Alhou no tushoqhi keuno ti pa tsuniepi, eno tiye pawu eno pa tikughukomiqo wu shipeniepike. Alhou no hipau shoqhi shike ghulokilo Abraham ye ati anuli kuhae.

ZAKINIU 11:24

Nonguno khipa qha shou chesu wuni keno tipaqo kumtsu nowu shive nani. Nolughiye apeu asayeqha lono ahuu Libanon naghuto kutolo qhawo nani eno kipelau Eufrati ghoki lono kulolau Mediteriya Zughi kuto shinani.

ZAKINIU 12:20

“AMPEU nongu Lhou no nolughi pekhovetsu kelo, pano tushoqhive ketoi, kughokughomu nonguno ashi chunishiaye chulu nani.

ZAKINIU 19:8

“AMPEU nongu Lhou no noghakhu pekhotsu kelo pano tishi tsunike pi nopuasu vilo piveke toi eno pano tushoqhive keu yeghi kumtsu nongu tsukeulo,

ZAKINIU 34:4

Tile AMPEU no Muse vilo pi, “Ino Abraham, Isak eno Jakob vilo pano polo kughukomi tsunikeu shi tushoqhive keu yeghiye hike. Ino opelo juluve anipeke ikemu niye opelo tilau wupemo nanike.”

ZAKINIU 7:1

“Nonguno ngoluniye akeu ghakhulo AMPEU nongu Lhou no nongu saighi nanike eno pano tipa yeghi lono ashiayeh kutomo hapuwuvetsu nanike. Nonguno azuu haighi kelo pano ashiayeh tsuni nongu nguno akichiu eno akuka kuami haphevetsu nanike: Hatimi, Girgashimi, Amarimi, Kananmi, Perizimi, Havimi eno Jebusimi.

IBRIMI 13:20

Itehiye alokughunopu Lhou, khuno niMpeu Jisu akithi lono xuputhuvekeno, pa ji pesu lhokta kutolo puloshoqhi mekhatsukeu bheriqo wu Akheu Akijeu;

JOSHUA 13:3

Avim yeghiqha lono apeu kudau ghi lukepu aphi, tiye Shihor ghoki Ijip kipelauno Ekron lughi ahuu do pe Kananmi wu kepi kihi chekeu yeghi, tile Filistiyami ayepemi pungu ache, Gaza, Ashdod, Ashkelon, Gat eno Ekron hipaqo.

JOSHUA 15:4

Azmon kuto eno Ijip lughi lo aghokiti kuto lono alughi kishekhave. Tino apeu Juda lughike.

Piyeküsü 9:14

Asutsa huno kungumi akutsughou vilo ishipi, “Eufrati ghoki kijelo kungumi bidi tshupe puakeqo kuqhophevelo!”