BOTHUBO 13:15 - BAIBEL (BSI)

¹⁵ Kughengu nono ithulu akeu yeghi qha kumtsu ino no eno otikughuko tsunie, hiye pulhapuju ghengu nongu wu shiniae.

Sumi Naga CL (Re-edited) Bible (BSI)

¹⁵ kughengu nono ithulu akeu yeghi kümtsü I no alholo ghenguno no eno o polo kughukomi tsüni.

BOTHUBO 13:15 ပူးပေါင်းရင်းမြစ်များ

BOTHUBO 12:7

Tile AMPEU no Abram lau peghino pa vilo pi, “Ino otikughuko tsuniye akeu ghakhu hu hike.” Ikehu tipa-alo Abram no AMPEU khuuno pa lau ipeghi keno tipau lau akumllagho kiptia lakhi shipe qhie.

BOTHUBO 13:17

Ithu puzu ayeghi khipahi kije eno khitohi kushuwa keno iqhoiqi julo kughengu hi kumtsu ino otsuni cheni.”

BOTHUBO 15:18

Tipani no AMPEU no Abram sasu puloshoqhi lakhi shi ghi pi, “Ino hipau yeghi olagha tsunikeu shi anie, ti Ijipmi ghoki lono aghoki akijeu Eufrati kuto

BOTHUBO 15:7

AMPEU no pa vilo pi, “Niye AMPEU ke, ino Khaldiami phughi Ur lono osasu ipeghi no aghakhu hipau otsu puzu ti omheghi shilupeniye ke.”

BOTHUBO 18:18

Abraham ye ashiayeh kije eno akumto shi nani eno ayeghilo ashiayeh kumtsuno pa kumghatsuke toi kumghatsulo pi nani.

BOTHUBO 24:7

AMPEU, atsutsu Lhou no ipuno ki lono eno ipunugha lono isasu ighie, pano iputsa eno pano ivilo tushoqhi ghi pikeuno, ayeghi hipau itikughukoqo tsuniepike. Pano pawu kungumi ozuuno puwu nani eno tilauno nono inu ghenguno anipu lakhi lusaghilo.

BOTHUBO 28:13

Tile AMPEU no pa phivilo puthugho aghi keu ithuluno pano pi, “Niye AMPEU ke, opu Abraham Lhou eno Isak Lhou ke. Nono khipa shou ihozu anikeno ino no eno otikughukoqo tsunie.

BOTHUBO 28:14

Otikughukono ayeghi mukhu jehi nani, eno otikughukono kipelau ngo kulolau, ahuu ngo apeu qhanhawo nani. Ino no eno otikughuko kumghatsu kehu toi ashiayeh kumtsuno pano kumghatsu peniye ivilo iniju nani.

BOTHUBO 28:4

Pano Abraham kukumgha otsu eno opiti tsu peni, tishi keu lono nono khipa yeghilo inami shi achekeno, Alhou no Abraham tsu keu yeghihu, omheghi shilu nani.”

BOTHUBO 35:12

Ayeghi khipau ino Abraham ngo Isak tsu keno, tipau yeghi no eno othiu otikughukoqo tsunie.”

BOTHUBO 48:4

eno ivilo ishi pi, “Julo ino opelo atianuli kutomo shilu peni eno opelo kighishelu eno opelo ashiayeh timi kumzapu shitsuni eno oti anuliqo pelo pulhapuju pighiwuve penike hipau yeghi ino panongu tsunie.

BOTHUBO 50:24

Josef no pamunoqo vilo pi, “Niye thini cheae, ikemu Alhou no mutsuqheyi nongu heju ighi nani eno nongu sasu hipa yeghi lono Abraham ngo Isak eno Jakob vilo tushoqhipe puakeu yeghilo saghi nanie.”

YEKIKITHI ATUGHIU 16:18

“Ino Kanan yeghi pe otsuve nani,” ipi pano pi, “Hiye omheghi shive nani.”

YEKIKITHI AKINIU 20:7

Noye niLhou ke kughou owu timi Israilmi no ayeghi hipaulo iloghi keno nono timi hilehi acheghi keqo haphevetsuno ayeghi hipau pesu oshou Abraham polo kughukomiqo tsuke, tiye alhokupuju panoqo wu shiche peniye ke.

LESHELE 37:22

AMPEU no kumghatsu kemino aki alu pighiluve nani, ikemu pano ghushovekemiye hapheve nani.

LESHELE 37:29

Amikuchomino aki-alu pighiluve nani eno tipaulo pulhapuju xu ache nani.

IPEKULU 32:13

Oqemi Abraham, Isak eno Jakob kumsuchilelulo. Nono tsaqutsalei keu shoqhi panoqo lau shikeuno atsutsulo ayepu akeu jehi panoqo polo kughukomi shitsuni eno nono tsunikeu shi tushoqhi vekeu yeghi pesu panoqo polo kughukomi ghenguno alhokupuju mheghi shipe nikeu shi akeu kumsuchilelulo.”

IPEKULU 33:1

AMPEU no Muse vilo pi, “No eno nono Ijip lono saipeghi kemiqoye hipa-a qhiveno chevelo ino Abraham, Isak, Jakob eno pano polo kughukomi tsuni keu shi tushoqhi pua keu yeghilo wulo.

ISAIAH 63:18

Ningu, owu timi akimthemiqoye ado lakhi ghenguno nighumino nihapheveke; panonguno okungo-a nedaqodaveke.

AKIKIHI 34:2

Israilmi tsupenike akukutsu tsa hipaqo tsu: Ino nongu tsu akeu yeghilo nonguno kughono iloluvenikeno noghakhu lughiye hitoi shinanike.

MATTHEW 5:5

“Akumtsha-akughuvumi kumghae, kughengu Alhou no tsuniepi puakeu mheghi panoqono ithulu nani!

Apostolmi 7:5

Ikeghi tipa-alo apukhu nepa qhemi lakhimu pa mheghi shilukepu tsumoe; ikemu Alhou no tushoqhi keuno ti pa tsuniepi, eno tiye pawu eno pa tikughukomiqo wu shipeniepike. Alhou no hipau shoqhi shike ghulokilo Abraham ye ati anuli kuhae.

ZAKINIU 34:4

Tile AMPEU no Muse vilo pi, “Ino Abraham, Isak eno Jakob vilo pano polo kughukomi tsunikeu shi tushoqhive keu yeghiye hike. Ino opelo juluve anipeke ikemu niye opelo tilau wupemo nanike.”

ZAKINIU 9:5

Nonguno akivi ke ghenguno AMPEU ye nongu pelo panoqo yeghi lupeniyeke kumoe. Pano panoqo halevetsuniye akeuye panonguno lhoksa kughami eno pano nongu puasu Abraham, Isak eno Jakob lau tushoqhi puakeu kumsupu achenike hue.