BOTHUBO 13:13 - BAIBEL (BSI)

¹³ Ikemu Sodom phughilo akemiqoye AMPEU zulo ighono lhoksakughami eno axinemiqoe.

Sumi Naga CL (Re-edited) Bible (BSI)

¹³ Sodommi ye küsakügha, Ampeu shou axine kije shiche kemie.

BOTHUBO 13:13 ပူးပေါင်းရင်းမြစ်များ

BOTHUBO 10:9

Paye ayeghilo ashikuhami atoue, eno hi ghenguno timino ishi piche, “AMPEU zulo noye Nimrod toi ashihami atou lakhi shipeni.”

BOTHUBO 15:16

Tiqheli abidiu lono olaghano hile ideghi nani, kughengu ti kutolo Amarimi qono alhoksa shikeu ghenguno shikighime qhinikeu tomono aghini aphike.”

BOTHUBO 18:20

AMPEU no pi, “Sodom ngo Gomora shou ngukube keu kije anie, panongu xineye shishe ihulokeu shivae.

BOTHUBO 19:13

kughengu ninguye hipa phughi puhavetsuni chenie. Timi hipaqo ngukube keu shishe AMPEU tovae eno AMPEU no Sodom kutsave penike nikujo puwuke.”

BOTHUBO 38:7

Er wu ghushoghiliye AMPEU zulo alhoksae ikehu AMPEU no pa pithive.

BOTHUBO 39:9

Aki hipaulo inguno akijeu khumu kuhae eno paye kiu thime mu ilauno kusupe puamoe, olikhi kumoaye, kughengu nono pa nipu kehu. Imaye niye kishi puzu lhoksakugha hikithipu shi puzu Alhou zulo axine shini kya?”

BOTHUBO 6:11

Alhou zulo ayeghiqha kumtsu shikupsapu shiauve eno hekiqhi bukiqhino chhitoive.

KUKAMI AKINIU 21:6

Panu ghi kughapesu akipti kumlla shipesu tsuve. Paye asaqhi, kuduu, muthukeu, asheazu ghili kipimi eno tumumiqo puluuve. paye Alhou zulo ighono axine shiuve eno AMPEU mlo alau shikighidevetsu.

ISAIAH 1:9

AMPEU Akughushuuno timi khami likhimu ghutsumoke aye Jerusalem ye Sodom ngo Gomora toi qhoi kutsapinyiveni cheke.

JEREMIYA 23:14

Ikemu tinguno akusa akusau Jerusalem lo tungkupmino shikeu ino ithuluvae. Panonguno salha cheni eno miki cheni; Panonguno timiqo achipikumoulo shikuphu acheni, tighenguno milakhimu alhoksa shimokeu kuhae. Ighenguye, panongu kumtsu Sodom ngo Gomora lo akemi toi alomo keqoke.

JEREMIYA 23:24

Timi lakhimu ino pa ithumlape nike itshukulupu shimlake. Niye kungugha ngo ayeghi shou aqha kumtsulo ani kepi nonguye mtha kesha?

AKIKIHI 32:23

Ikemu nonguye nonguno piqhive keu pelumo aye AMPEU shou axine shi aniputsa kepi ino nongu kutughuve ani. Hipau vehulo shipimi kevilo; nongu xine ghenguno aghime tsunanike.

MATTHEW 9:10

Kughou Jisu no akilo alibe chu akeno, asuqha kuqhami kutomo eno Judami yehlono levekemiqo ighi puzu Jisu ngo pa khopemi gholo kumtsa chuae.

MATTHEW 9:13

Wu puzu kuchoyesulo hipatsa akeu kiqiye kiu kela phijulo, ‘Niye kimiyekini lunishike thono lhoxu heqhipe mlla keu khuamoe.’ Niye achipiu shichekemi kuniye ighi kekumoe ikemu axinemi kuniye ighike.”

John 9:24

Ghuthu akiniu ghi panonguno anhethi iche achekeu hu ku-puzu pa vilo pi, “Alhou jukuvupu shi kuchou tsa pilo! ninguno ithi anike timi huye axinemi lakhie.”

John 9:31

Ningu kumtsuno ithi anike, Alhou ye axinemi tsa initsu chemoe, ikemu khunono pa qhoqhu cheni eno pa pulou shicheni keno Alhou no tipano tsa initsu chenie.

Rommi 1:27

Tihutoi, kiptimino alhoaye lono totimi sasu ashi-aji kuqhakeu qhive puzu alikhi akusami ghenguno pitipuza ngosumlave. Kiptimino-kiptimi sasu akukujopu ghushoghili shi eno panonguno kuqukeu ghime ithulu kepushi akeuhu pano phimpi lono ithulu cheni.

IBRIMI 4:13

Alhou zuloye lhophepua keu kiumu kusuvemlae, ikemu thwokha pa zuloye nhamono thebei ithulu ani; eno pa lau ningu kumtsu kihikulayi pesu tsu nani.

2 Peter 2:10

eno tiye akhotoshi khunono pano shiajilo mithekumo ngosukumla lhoksapu shi cheni eno Alhou no ayehkipe tsukeu mithichekemi shou anani. Kichile kukutsumiqoye tsatsayi agho agho shi cheni eno akimthe jukuvu pepukemi pipusa nikeulo musaighu keu kuhae.

Jude 1:7

Sodom ngo Gomora eno tipau sukumxalo aphughi akeqo kumsululo. Timi tile akeqono kungumi hupaqo toi shike, panonguno kipitimi totimi dolo mithemokeu eno chighichilai keu shike, alhomi pesu panongu shou aghime tsukeu huno kumtsu zulo kichekipiyeke.

SAMUEL ATUGHIU 15:18

eno pano ahza lakhi otsupuwu keuye Amalek lhoksa kughami kumtsu puxu kevino pithivelo pi ahza otsue. Panongu heqhi khamphi kutolo aghushi alopi ovilo pie.

SAMUEL ATUGHIU 2:17

Hitoi keu xine Eli nuli pamano mlache keu AMPEU zulo ighono kuthokuzu shive, kughengu pamano AMPEU mllaniye sughikeu kumtsu agigihu tsumoveke.