BOTHUBO 12:7 - BAIBEL (BSI)

⁷ Tile AMPEU no Abram lau peghino pa vilo pi, “Ino otikughuko tsuniye akeu ghakhu hu hike.” Ikehu tipa-alo Abram no AMPEU khuuno pa lau ipeghi keno tipau lau akumllagho kiptia lakhi shipe qhie.

Sumi Naga CL (Re-edited) Bible (BSI)

⁷ Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

BOTHUBO 12:7 ပူးပေါင်းရင်းမြစ်များ

BOTHUBO 12:8

Tipathiu Bethel phu kipela kudau naghutolo pano iqesusu wue eno Bethel no kulola kudau shi Ai phuno kipela kudau shi ghi tikuma dolo pa phikishipe qhie. Tipa-a loghi AMPEU lau akumllagho kiptia lakhi shipe qhino AMPEU mllae.

BOTHUBO 13:15

Kughengu nono ithulu akeu yeghi qha kumtsu ino no eno otikughuko tsunie, hiye pulhapuju ghengu nongu wu shiniae.

BOTHUBO 13:17

Ithu puzu ayeghi khipahi kije eno khitohi kushuwa keno iqhoiqi julo kughengu hi kumtsu ino otsuni cheni.”

BOTHUBO 13:18

Ike Abram no pa phiki xakiqe susu wupuzu Hebron lo Mamre chine subo akeu phivilo kughuna acheuve eno pano tilehi akumllagho kiptia lakhi AMPEU ghenguno shitsu.

BOTHUBO 13:4

Pano puzuu khile akumllagho kipti a mulakeu a-lo idesu wu puzu tile Abram no AMPEU mllae.

BOTHUBO 15:18

Tipani no AMPEU no Abram sasu puloshoqhi lakhi shi ghi pi, “Ino hipau yeghi olagha tsunikeu shi anie, ti Ijipmi ghoki lono aghoki akijeu Eufrati kuto

BOTHUBO 17:1

Abram no ampe lhotoku toku shi akelo, AMPEU no pa lau ipeghino pa vilo pi, “Niye Tuchomujokulu Lhoue,

BOTHUBO 17:3

Tile Abram ye qhoqhu nhepe pagi pishiqholuve eno Alhou no pa putsa ghi pi,

BOTHUBO 17:8

Nono itehiye inami shi ghi akeu yeghi hu ino no eno othiu otianuliqo tsunie. Kanan yeghi qha kuchopu pulhapuju sala shi nongu wu shive nani, eno ino panongu Lhou shive nani.”

BOTHUBO 18:1

Mamre lo achine subo phivi lono AMPEU no Abraham lau ipeghipiye. Atsala shukuthuyi akelo Abraham no pa phiki khalalo iqa ae,

BOTHUBO 22:9

Alhou no kichetsu puakeu-alo pama no wo-tolu kelo, Abraham no tile akumllagho kipti-a lakhi mlae eno tipa shou asu kithikiyi qhie. Pano pa nu Isak aphi au phevetsu eno akumllagho kiptia lo asu shou beve.

BOTHUBO 24:7

AMPEU, atsutsu Lhou no ipuno ki lono eno ipunugha lono isasu ighie, pano iputsa eno pano ivilo tushoqhi ghi pikeuno, ayeghi hipau itikughukoqo tsuniepike. Pano pawu kungumi ozuuno puwu nani eno tilauno nono inu ghenguno anipu lakhi lusaghilo.

BOTHUBO 26:25

Isak no tile akumllagho kipti-a lakhi shie eno AMPEU je kughi mllae. Tile pa phiki shipe qhie eno tileghi pa qemino azukikhe lakhi chhue.

BOTHUBO 26:3

Hipau ghakhulo ngolo, ino osasu ani eno okumghatsunie. Kughengu ino otikughuko lau hipa ghakhu kumtsu tsuni eno ino opu Abraham lau piqhi puakeu shoqhi ino shikuputsunie.

BOTHUBO 28:13

Tile AMPEU no pa phivilo puthugho aghi keu ithuluno pano pi, “Niye AMPEU ke, opu Abraham Lhou eno Isak Lhou ke. Nono khipa shou ihozu anikeno ino no eno otikughukoqo tsunie.

BOTHUBO 28:4

Pano Abraham kukumgha otsu eno opiti tsu peni, tishi keu lono nono khipa yeghilo inami shi achekeno, Alhou no Abraham tsu keu yeghihu, omheghi shilu nani.”

BOTHUBO 32:30

Jakob no pi, “Ino Alhou sasu kinheqhi kusholue tishimu niye xuaghipeke.” Ikehu tipa-a pesu Peniel ku-tsue, pa kiqi “Alhou gi.”

BOTHUBO 33:20

Pano tile akumllagho kiptia lakhi shipe qhino tipau pesu Alhou no Israil Lhou ipi ku-tsu. El-Elohe-Israil kiqiye Israilmi Lhou Kumlla khachekighe-a.

BOTHUBO 35:12

Ayeghi khipau ino Abraham ngo Isak tsu keno, tipau yeghi no eno othiu otikughukoqo tsunie.”

BOTHUBO 35:7

Pano tile aghokiptia lakhi shipe qhi eno tipa-a je pesu El-Bethel kutsu, kughengu pano pamu zulono pochekelo tipa-a lono Alhou no palau ipeghipiye ke.

BOTHUBO 50:24

Josef no pamunoqo vilo pi, “Niye thini cheae, ikemu Alhou no mutsuqheyi nongu heju ighi nani eno nongu sasu hipa yeghi lono Abraham ngo Isak eno Jakob vilo tushoqhipe puakeu yeghilo saghi nanie.”

BOTHUBO 8:20

Noha no akumllagho kiptia lakhi AMPEU lau shitsue. Pano tughashi mithemighe keu ngo tikishi eno aghau kimthe jeli gholono lakhi khi sawo akiptia lono akuchopu pitikhavekeu kumllagho shitsue.

SAMUEL AKINIU 24:25

Tishivekethiu pano AMPEU kumlla kiptia lakhi ghepukulu eno piti mllakeu gho eno kuposhukeu kumllagho shipesu AMPEU tsulu. AMPEU no pa kighini khochiletsu ipuzu Israil lo pusa hu lakhavestu.

KUKAMI ATUGHIU 18:32

Atu tipaqo pesu pano AMPEU mllapenike akhache mlakithevetsu. Tipau suhumxa azulaki, azu liter chighibidi qhemi khepucho lukepushi heve.

YEKIKITHI ATUGHIU 16:16

Pano Puloshoqhi Abraham sasushie eno Isak sasu tushoqhie.

YEKIKITHI ATUGHIU 16:18

“Ino Kanan yeghi pe otsuve nani,” ipi pano pi, “Hiye omheghi shive nani.”

YEKIKITHI AKINIU 20:11

Ikemu panonguye hikithipu shi ningu lochile ani, nono nitsuve keu yeghi lono ni hapheveniye shi ani.

YEKIKITHI AKINIU 20:7

Noye niLhou ke kughou owu timi Israilmi no ayeghi hipaulo iloghi keno nono timi hilehi acheghi keqo haphevetsuno ayeghi hipau pesu oshou Abraham polo kughukomiqo tsuke, tiye alhokupuju panoqo wu shiche peniye ke.

EZRA 3:2

Alhou wu timi Muse Yezahlo yepuakeu toi Jehozadak nu Joshua no pa kusami achinemi sasu eno Sheltial nu Zerubabel no pa laghaqo sasu Israil Lhou kumlla kiptia mlave eno tipa shouno piti kumllagho pe tsuve.

IPEKULU 17:15

Muse no tilehi akiptia lakhi shipeqhi eno tipauje pesu “AMPEU ye amchiphi ke.”

IPEKULU 24:4

Muse no AMPEU zahkutsu kumtsu yepe qhive. Thanau itheno pano naghuto pukhu phivilo akiptia lakhi shipe qhino Israil shiayeh chighikini jehi pano atuqu chighi kini pewo qhi.

IPEKULU 32:13

Oqemi Abraham, Isak eno Jakob kumsuchilelulo. Nono tsaqutsalei keu shoqhi panoqo lau shikeuno atsutsulo ayepu akeu jehi panoqo polo kughukomi shitsuni eno nono tsunikeu shi tushoqhi vekeu yeghi pesu panoqo polo kughukomi ghenguno alhokupuju mheghi shipe nikeu shi akeu kumsuchilelulo.”

IPEKULU 33:1

AMPEU no Muse vilo pi, “No eno nono Ijip lono saipeghi kemiqoye hipa-a qhiveno chevelo ino Abraham, Isak, Jakob eno pano polo kughukomi tsuni keu shi tushoqhi pua keu yeghilo wulo.

IPEKULU 6:3

Niye Akughushu Lhou shi ghi Abraham lau Isak lau eno Jakob lau ipeghi cheke, ikemu niye ije kimthe AMPEU pesu panoqo piye puamoe.

IPEKULU 6:4

Ino panoqo sasu ghi puloshoqhi shike, Kanan yeghi panoqo tsunikeu shi tushoqhi ke, tipau yeghilo panonguye inaghami shi xuacheke.

JEREMIYA 3:18

Israil ye Juda gholo pekuqhave nani eno panongu kumtsa ahuu ayeghi akeu kudauno halepuwuve keu lono ighini eno ino nongu puasu lau amheghipu shi tsukeu yeghilo ide ighi nani.”

AKIKIHI 26:53

“Alaghaqo dolo pututa kikihi kiqi lono amheghi yeghi kijethatsulo.

AKIKIHI 32:11

‘Ino tushoqhi ani ke panonguno ilau aghokulu shi moke ghenguno panongu kiptimi ampe muku shi akemi eno tinguno kichimi shivekeqo khije Ijip lono ipeghi keno tipaqo thaqhuye milakhimu ino Abraham, Isak eno Jakob lau piqhi puakeu yeghilo ilomla nanike.’

Apostolmi 7:5

Ikeghi tipa-alo apukhu nepa qhemi lakhimu pa mheghi shilukepu tsumoe; ikemu Alhou no tushoqhi keuno ti pa tsuniepi, eno tiye pawu eno pa tikughukomiqo wu shipeniepike. Alhou no hipau shoqhi shike ghulokilo Abraham ye ati anuli kuhae.

Rommi 9:8

Hipau kiqiye alhoayeh lono atianuli punukeu huye Alhou nuliqoke kumoe, ikemu Alhou no piqhipuakeu shikupu ghi ati-anuli punukeu huno kuchou polo kughukomi kepi kihiniae.

Galatiami 3:16

Ikelo, Alhou no Abraham lau eno pa polo kughuko lau ashoqhi shike. Tipaulo, “pa polo kughukomiqo” ipi puamoe, tishikeaye timi kutomo lau shinicheke, ikemu tipaulo. “apolo kughuko” ipi puani, tipau kiqiye timi lakhi pi anike, tiye Khristo ke.

Galatiami 4:28

Ikehu ningu athikuzumiye Isak toi Alhou no tushoqhi puakeu tianuliqoke.

ZAKINIU 1:8

Aghakhu hipaqo kumtsu ni, AMPEU no nongu puasu Abraham, Isak ngo Jakob eno panongu polo kughukomi tsuni keu shi tushoqhivae. Wulo eno tipaulo ngolulo.’ ”

ZAKINIU 30:20

AMPEU nongu Lhou qhuivulo, pa gholulo eno pa lau amikucho shilo, tishi aye nongu eno nopolo kughukomi pano nopuasu Abraham, Isak eno Jakob tsuni keu shi tushoqhive keu yeghilo kushuwa xulu nanike.”

ZAKINIU 34:4

Tile AMPEU no Muse vilo pi, “Ino Abraham, Isak eno Jakob vilo pano polo kughukomi tsunikeu shi tushoqhive keu yeghiye hike. Ino opelo juluve anipeke ikemu niye opelo tilau wupemo nanike.”

ZAKINIU 6:10

“AMPEU nongu Lhou no nopuasu Abraham, Isak eno Jakob lau tushoqhive ketoi pano ayeghi lakhilo aphughi kinikulu eno akuloghi nonguno shimokeu pesu nongu tsu nanike.

ZAKINIU 9:5

Nonguno akivi ke ghenguno AMPEU ye nongu pelo panoqo yeghi lupeniyeke kumoe. Pano panoqo halevetsuniye akeuye panonguno lhoksa kughami eno pano nongu puasu Abraham, Isak eno Jakob lau tushoqhi puakeu kumsupu achenike hue.

IBRIMI 11:13

Akupulu lono timi hipaqo kumtsu thivae. Panonguye Alhou no piqhipuakeu ithumla ikemu putouno pishipuwo tipaqo ithuluno ikhilukileve, panonguye ayeghilo inami, kupokichemi eno haphevekemi kepi ithipuqaive cheke.

IBRIMI 11:8

Akupulu lono Abraham ye Alhou no pa kukelo aghokulu shike, eno Alhou no pa tsunikeushi piqhipuakeu ghakhulo wuke. Paye khilau wucheni keno mthakemu pano yeghi bocho qhiveno wuveke.

JOSHUA 1:6

Mtotoilo eno amlo kuloghilo, kughengu ino panoqo puasu tsunike piqhi puakeu hu nono sakipheu shiveno panongu mheghi shitsu niye akeu ke.

JOSHUA 22:10

Kughou Ruben, Gad eno Manase shiyeh tuxa qono chewo Kanan yeghi Jordan kupunu tolu keno panonguno tile akiptia kije lakhi mla.

JOSHUA 8:30

Tithiu Joshua no Ebal naghutolo AMPEU Israil Lhou ghenguno akumlla a lakhi mla.

XAKUTHAMI 6:24

Gideon no akumlla kiptia lakhi tipa alo AMPEU ghenguno shitsu eno tipau aje pesu “AMPEU ye alokughunou.” (Hiye ishikutolo Ofra lo puthugho aphi eno tiye Abiezer limi wu ke).

SAMUEL ATUGHIU 7:17

Tishiveno paye pa-a Rama lo ide woveche, tipa aloghi paye xakuthau kumla shicheke. Rama lo AMPEU mlla nike ghenguno pano akumlla khache lakhi ghelu.