BOTHUBO 12:3 - BAIBEL (BSI)

³ Okumghatsu kemiqo ino kumghatsuni. Ikemu oghusho kemiye ino ghushoni. Ovechewo ayeghilo shiyeh kumtsu kumghalupe nani.”

Sumi Naga CL (Re-edited) Bible (BSI)

³ Khunono o kümgha tsüni keno I no kümgha tsüni, khuu no o thaighani keno I no ghushoni, eno o launo ayeghi lo akibolomi kümtsü mügha peni.”

BOTHUBO 12:3 ပူးပေါင်းရင်းမြစ်များ

BOTHUBO 18:18

Abraham ye ashiayeh kije eno akumto shi nani eno ayeghilo ashiayeh kumtsuno pa kumghatsuke toi kumghatsulo pi nani.

BOTHUBO 18:19

Kughengu ino pa ithi ani, ike pano pa nuliqo eno pa lagha ahza tsu keu shilu nani, panonguno AMPEU laghi pelu nani eno amikucho ngo achipiu lono kughatha keu shi nani. Tishianguno AMPEU no pa ghenguno piqhipuakeu Abraham shou pano shikuputsu nani.”

BOTHUBO 22:18

Ayeghiqhalo ashiayeh kumtsuno ino oti kughuko kumghavetsu ke toi kumghatsulo pi nani eno tiye nono igholu keu ghenguno ke!”

BOTHUBO 24:35

AMPEU no impeu shishe kumghatsuno paye kinimi shi anie. AMPEU no bheri, ane, amshi, tsandiyi, shuna, aqepumi aqelimi eno kemel ngo gadaha ishi pesu pa tsue.

BOTHUBO 25:11

Abraham thive kethiu Alhou no panu Isak kumghatsue, eno paye Beer-Lahai-Roi zukikhe philo ache.

BOTHUBO 26:29

ike nino obumo ke hutoi noye nishou alhoksa shipemonie. Ninguno olau akivi likhi shi eno opelo aloino wupe kehu itehiye AMPEU no okumgha vetsuae.”

BOTHUBO 26:4

Opiti pelo atsutsu lo ayepu qo toi kighishe wolu peni, eno hipa ghakhu kumtsu otikughukoqo tsunie. Ayeghilo ashiayeh kumtsuno ino otikughuko kumghavetsu ketoi panongu kumghatsulo pinani.

BOTHUBO 27:29

Timiqo pelo oqe peni, eno ashi- ayehqo pelo ozulo itsaipu peniu. Nobolomiqo shou ampiu shipeni eno oza tikughukoqo pelo ozulo itsaipu peniu. Oghusho kemiqo shou ghushokeu apeni, eno okumghatsu kemi shou kukumgha apeniu.”

BOTHUBO 28:14

Otikughukono ayeghi mukhu jehi nani, eno otikughukono kipelau ngo kulolau, ahuu ngo apeu qhanhawo nani. Ino no eno otikughuko kumghatsu kehu toi ashiayeh kumtsuno pano kumghatsu peniye ivilo iniju nani.

BOTHUBO 30:27

Laban no pa vilo pi, “Nono pulokepu shi aghiaye kitila khe aghilo. Ino saqhisali shijuke oghenguno AMPEU no ikumghatsu anie.

BOTHUBO 30:30

Ino ighimphi loye noye aghulo likhi pighi cheghie, ikemu itehiye aqokitiqhi shi ikowovae, eno ipukhu suqheuke kumtsulo AMPEU no okumghatsu anie. Itehiye nighi ikibo ghenguno jukuto masa kepu shivae!”

BOTHUBO 39:5

Josef pelo pa kilo eno pano kiu pighi akeno tipaqo kumtsu shou jukutsuu shipeke thiu ye AMPEU no Josef ghenguno Ijipmi kibo hu kumghatsue. AMPEU no pakilo pighiakeu eno pa lulo akeu kumtsu kumghatsue.

LESHELE 72:17

Akukau je pulhapuju haumono achepelo, tsukinhe ake kutolo pa jekipino tishi apelo. Ashiayeh kumtsuno pa sheqhe pelo, panongu pelo Alhou no panoqo kumghatsu penike iniju pelo, akukau lopivipeni keu panongu pelo kumsulu pelo.

IPEKULU 23:22

Ikemu nonguno pa gholu eno ino ahza tsukeu lu aye ino noghumi kumtsu sasu aghu shive tsu nani.

AKIKIHI 24:9

Shiyeh hiye abongushu kumgha lakhi toike; Tipauno zu akelo khunomu tipau kudaputhu msake. Khunono Israil shou kumghatsuni keno kukumgha shinani.”

MATTHEW 25:40

Akukau huno ishi panoqo khochile nani, ‘Kuchouno ino nongu vilo pini, nonguno ithikuzumi hipaqo gholo akitilau lau kiu shitsu keno nonguye ilau shitsuake.’ ”

MATTHEW 25:45

Tileno panoqo vilo pano ishipi nani,’Kuchouno ino nongu vilo pini, nonguno hipaqo gholo akitilau lau shitsumovekeu hu, nonguye ti ilau shitsumoveke.’

Luke 24:27

Muse kakuqolo eno tungkupmino yehpe puakeqo kumtsu lono huthu susu Kuchoyesu kumtsulo pa ghili pi puakeu Jisu no chixechilei pama vilo pi.

Rommi 4:11

Abraham no aphighu yiko gha mphi lonomu pa kupulu Alhou lau akeu lono Alhou lau achipikaluve keu michi momu chishidapuku keu michi lakhi shighi aphighu yiko ghae. Tipau kimjiye Abraham pelo aphighu yiko ghamokemi pinamu pulu aghikemiqo eno tishi keu lono Alhou lau achipikalukeu panoqo lau kihipukuve kemiqo papuh shipeniye ke.

1 Kor. 1:30

Alhou no nongu pelo Jisu Khristo sasu kimelupe, eno Alhou no Khristo pesu ningu wu suqekighithi shitsue; pa vechewo Alhou sasu achipi shiaghilupe, eno Alhou timiqo shilupe, eno ningu xaphetsuke.

Galatiami 3:16

Ikelo, Alhou no Abraham lau eno pa polo kughuko lau ashoqhi shike. Tipaulo, “pa polo kughukomiqo” ipi puamoe, tishikeaye timi kutomo lau shinicheke, ikemu tipaulo. “apolo kughuko” ipi puani, tipau kiqiye timi lakhi pi anike, tiye Khristo ke.

Galatiami 3:28

Ikehu Judami ngo Judakumomi dolo mu aquaxemi ngo kuqhopheve kemi dolo kiptimi ngo totimi dolo pinamu kutuqukeu kuhae, Khristo gholo kimepe akeu lono nongu kumtsu lakhie.

Galatiami 3:8

Ike Alhou no Judakumomi pelo akupulu vechewo pa lau achipikalupe nani kepi kuchoyesuno azunatha ghi ithuluveke. Tighenguno kuchoyesuno azunatha ghi Abraham lau lokivipu sutsa ishi pikulhake: “Ovechewo Alhou no ayeghilo ashiayeh kumtsu kumghatsu nani.”

Ephesiami 1:3

Ningu Mpeu Jisu Khristo paPu Alhou lau ninguno sheqhe ani. Ninguno Khristo gholo xukimepe akeu pano angugha kukumghapu jeli kumtsu kungugha lono pesu ningu kumghavetsuke.

Kolosiami 3:11

Hipau kuxuloye Grikmi, Judami, aphighu yiko ghakeu, ghamokeu, ayekumthami, akupusho akuxulo achekemi, aquaxemi momu timi qechemokemi ipi kututa shiakepu kuhae, ikemu Khristo ye thwokhalo ke eno kumtsu gholo anie.

Piyeküsü 7:9

Hipathiu ino jukeloye khunomu kihikhamla kepushi timi aqokitikhi tile aghi. Panonguye timi ajeli kututa, ashiayeh kututa, aju kututa, atsa kututa lono ighikemi eno panonguye akimiye phimini pepu eno panongu ulo aghumhibo loka pepuzu akuka lakhulo eno Bheriti zulo puthugho.