Apostolmi 2:4 - BAIBEL (BSI)

⁴ Panongu kumtsu Aghungu Kimthe no chhitoive eno Aghungu no panoqo pelo pilupe kehu kutami tsauno pithuve.

Sümi Tiqhelimi Bible

⁴ Panongu kümtsü Aghungu Kimthe no chhitoive eno Aghungu no panongu pelo pilu pe kehu amili kütau no atsa pithuve.

Sumi Naga CL (Re-edited) Bible (BSI)

⁴ Aghungu Kimthe no panongu kümtsü shepichhive no Aghungu no panongu pelo pilupe kehu amili kütau no pithuve.

Apostolmi 2:4 ပူးပေါင်းရင်းမြစ်များ

SAMUEL AKINIU 23:2

AMPEU ghunguno ivechewono pi ani; pa sutsaye imtsulo ani.

ISAIAH 28:11

Nonguno itsa initsumo aye inaghami pakutakeu tsa pichekemi Alhou no peitha puzu nongu putsa nani.

ISAIAH 59:21

Ino nongu sasu puloshoqhi lakhi shiani: Ino ikuka ngo ikukutsu alhokupujulo nowu shipe nike nongu tsu ani, hinguno hilauye nonguye igholuno nongu nuliqo eno nongu tianuliqoye ighinikeu ghuloki kutolo igholu che penikeu shika masake.”

JEREMIYA 6:11

AMPEU, panoqo shou ologhu akeu huye ilolo ghi pitipuzaqhi ani eno niye tipau suchile pesu ngo nikeu ngosumlavae.” Tileno AMPEU no ivilo pi, “Iloghu pesu alaghilalo ititunu akeqo shou eno lhothemi kumqo akeqo shou lepukulo. Akimiqo eno anipunoqoye kughasawuve nani eno kutamiqo ghi phemo nani.

EZEKEL 3:11

Tishi puzu wulo, nowu timi hakughutsuve kemiqo lau wupuzu ni, Akughushu MPEU no panoqo vilo kiu piani keno tipau pesu pilo, panoqono amlo tsuqhiyi otsa initsu na monamu pilo.”

MICAH 3:8

Ikemu ighenguye, AMPEU no pa ghungu eno akuka pesu ishepichhike eno kucho xakutha ithinikeu eno Israil lo akemi vilo panongu xineye kiu keno pikulupu kumto pesu itsu ke.

MATTHEW 10:19

Kughou panonguno nongu sasu atsakukughalo wunikeno, nonguye kishi pinikela momu kiu pinikela pi amlo-thoghu thoghu kevilo, kughengu nonguno kiu pikepu kela tipa tuqhudo lono nongu tsu nani.

Mark 16:17

Kupulumi lau amchipukuka hipaqo panongu gholo anani: Ije lono panonguno tughami haphelu nani, panonguno amli kithe lono pi nani;

Luke 1:15

Kughengu paye Ampeu zulo akughushumi lakhi shinani. Pa ye kiu ji kumkamu shomo nani. Paye punuke mtsano Aghungu kimthe no chhitoi nani.

Luke 1:41

Elizabet no Maria sutsa chiluke mtsa angano li polono ithauve, Elizabet ye Aghungu Kimthe no chhitoive,

Luke 1:67

Papu Zakharia ye Aghungu Kimthe no chhitoi lu eno pano tungkupu tsa pi:

Luke 12:12

Kughengu nonguno kiu pikepu keno Aghungu Kimthe no tipau tuqhu lono nongu mijetsu nani.”

Luke 21:15

kughengu noghumi lakhi nomu nonguno pikeulo puthugho mla momu lamla kepu tsa eno alokutsu ino nongu tsu nani.

Luke 4:1

Jisu ye Aghungu Kimthe no chhitoi puzu Jordan lono xaideghi, eno Aghungu no aghasalo sawuve,

John 14:26

Ikemu Shikumtokutsuu, Aghungu Kimthe hu Apu no ije lono puwunikeu huno thwokha nongu shika nani, ino nongu vilo pivekeu kumtsu pano nongu pelo kumsuchilelu pe nani.

John 20:22

Pano hipau pive puzu panoqo shou atuthushepukuno pi, “Aghungu Kimthe sasu lulo.

Apostolmi 1:5

Johan no azu pesu baptiz shitsue, ikemu atsala kutomo womono Aghungu Kimthe pesu nongu baptiz shivetsu nani.”

Apostolmi 1:8

ikemu kughou Aghungu Kimthe nongu shou ighi nikeno nonguno akumto ithulu nani, nonguye Jerusalem lo ngo Judia qha kumtsulo. Samaria lo eno ayeghi shekha kutolo ishepemi shimasa nani.”

Apostolmi 10:46

Kughengu pano qono pakutakeu milino piakeu eno Alhou ye kijekepi sheqhekeu panonguno chilu.

Apostolmi 10:47

Tile Pitor no pi, “Ningu shou ighike toi, timi hipaqo shou ghi Aghungu Kimthe ighivae. Imaye, panonguno baptiz lunikeulo khualano panoqo lakha kepu ani kesha?”

Apostolmi 11:15

Ike ino atsa pithu kethiu Aghungu Kimthe no panoqo shou iqighie, inahuu ningu shou ighikeu hutoike.

Apostolmi 11:24

Barnaba ye timi kivi, Aghungu Kimthe eno akupuluno chhitoi kemie. Timi aqo kutomo Ampeu lawumi shilupeke.

Apostolmi 13:52

Antiok lo pululuvekemiqoye alokivi eno Aghungu Kimthe lono ahuteqhi teleyi ae.

Apostolmi 13:9

Ikemu Saul, khuu Paul ipi kuve keno Aghungu Kimthe no ayi teqhiyi shipuzu, thebeyi Elumo ju puzu ishi pi,

Apostolmi 15:8

Timi mulo ithi achekeu Lhou no ningu tsuketho lono Judakumomi lau amlo kiqi piye ghi Aghungu Kimthe panongu tsue.

Apostolmi 19:6

Kughou Paul no panongu shou pa-u chhopesu kumghakeu bekeno Aghungu Kimthe panongu shou ighi, eno panonguno amili kithe lono pi eno tungkup-tsa ghi pi.

Apostolmi 2:11

ninguye Judami eno Juda chineyeh luvekemi, Kretomi eno Arabmi— ikeghi panoqono nilikhi nitsauno Alhou no akumzapu kumla shikeu pikeu ninguno chilue.”

Apostolmi 2:3

Panonguno ithulukeuno ami mili toi puzu amqo amqono panoqo milakhikhi shou ngove.

Apostolmi 4:31

Panonguno inikhu tavekelo, panonguno kuho akeu-a sukinie. Panongu kumtsu Aghungu Kimthe no chhilu eno amlo kuloghi shi Alhou tsape shie.

Apostolmi 4:8

Tile Pitor no Aghungu Kimthe no chhitoi puzu panoqo vilo pi; “Timi sakiphemi eno muchomiqo,

Apostolmi 6:3

Tishiaye, athikuzumiqo nongu gholono timi akivimi khunoqo Aghungu Kimthe eno alokutsu chhitoi ani keno mitsuni kishephelo, eno ninguno panoqo pelo hipa kumlapu saje peithaluve penike.

Apostolmi 6:5

Hipau tsalo aqo kuchopuno aloqilu, ike panonguno hipaqo kishelu: Stifan, paye akupulu ngo Aghungu Kimth no chhitoikemi, Filip, Prokhora, Nikanor, Timon, Permena, Antiokmi Nikola paye Judami chine lono pekidelukemi ishi kishelu.

Apostolmi 6:8

Stifan ye Alhou no kumgha kupukeu eno akukano chhitoi puzu timiqo gholo amchipu eno akumzapu kije shiphelu ae.

Apostolmi 7:55

Ikemu Stifan ye Aghungu Kimthe no agi teqhi-teleyi puzu, anhethi sukuqumono atsutsulo jupuku eno Alhou jukuvu ngo Alhou- u ajeu Jisu puthugho akeu ithulu.

Apostolmi 8:17

Tileno Pitor ngo Johan pamano a-u chho pesu panoqo shou be, eno panonguno Aghungu Kimthe sasulu.

Apostolmi 9:17

Anania no wupuzu akilo ilo pa-u Saul shou be puzu pi,”Athikuzuu Saul, nono hilau wuchekela lono Ampeu Jisu khuu olau ipeghi keno, pano olau ipuwu ani tishianguno opelo itaghi ithulukithepe eno Aghungu Kimthe no chhitoilu peniye ke.”

Rommi 15:13

Lajupu tsuchekeu Lhou pelo nonguno puluakeu vechewo alokivi eno alokughuno pesu nongu lolo shepichhitsu apeniu, tishikeuno Aghungu Kimthe kuka vechewo nongu wu lajupu heshelu penike.

1 Kor. 12:10

Aghungu no milakhi pelo akumzapu kumla shilukepu kuka tsu cheni; kutami lakhiuye Alhou tsape pilukepu gho tsu cheni, kutami lakhiuye Aghungu launo ighikeu gho kemo keno michilu kepu kuka tsu cheni. Milakhi lauye amilikithe sutsa jeli lono pilukepu kuka tsu cheni; kutami lauye amilikithe sutsa pekidetsu kulupu tsu cheni.

1 Kor. 13:1

Niye timi mili momu kungumi mili lono mu atsa pi aghiluvi, ikemu kimiyekini kuha aye isutsaye ayikihe ghugha paphi likhike momu ayi kugha kelo aghugha ipeghikeu paphi likhi ke.

1 Kor. 13:8

Kimiyekiniye khilemu ashekha shivemo nani. Tungkuputsa ghi kishekhave nani, amilino pikeu ghi hauve nani, akighithi ghi ashekha shive nani.

1 Kor. 14:18

Ino Alhou shikimthi akeuno nongu kumtsu nguno alaushi ino atsa kutau lono picheni.

1 Kor. 14:5

Niye nongu kumtsu amilikithe tsa kutauno pipenishi achenike, ikemu tinguno alauno tungkuputsa pi penishike. Atsa kutauno pikeuhu khualano pikidesutsu puzu akukuhou xaqhepuku lupenike kumoaye, timi khuno tungkuputsa pinikeno pano amilikithe tsa kutauno pikeu nguno akiqheuke.

Ephesiami 3:19

Khristo kimiyekinino akighithi jeli kumtsu veche iku akeu nonguno ithipenike, tishianguno Alhou kupukulu kumtsu pesu nongu pelo chhitoilu penike.

Ephesiami 5:18

Aji shomzu kevilo, kughengu tiye oshipusa nanike; ikemu Aghungu Kimthe pesu nongu hupitelulo.

Ephesiami 6:18

Ado aghuloki kumtsulo Aghungu no sapiyekeu lono Alhou vilo qhuiniju ghi pulhapuju inikhu chelo. Tipau kimji lono tsukhuyi shialo eno khilemu kughucho kevilo; Alhou wu timiqo ghenguno khuini tsualo.

1 Peter 1:12

Alhou no tungkupmi lau piyesukeuno panonguno mla akeuye panoqo vehupu ghenguno kumono hi nongu ghengunoke; tihu itehiye nongu lau kuchou pikulhavekeu vehuke. Tiye Atsakiviu pikulha chekemino Aghungu Kimthe, kungugha lono puwukeu vechewo nongu vilo pikulhavae. Hipaqo vehuye kungumi ghi junishikutu cheke.

2 Peter 1:21

kughengu tungkuputsaye timi gho apulou lono ighipe puamoe, ikemu Aghungu Kimthe no peitha keu lono timino Alhou launo ighikeu tsape pichenike.

SAMUEL ATUGHIU 1:14

ikehu li vilo ishi pi, “Owu shokumzu ghili piye akevelo! Owu shokumzu lono taveno alotsuvelo.”

SAMUEL ATUGHIU 10:10

Kughou Saul ngo pa qeu pama Gibea lo ighilu keno tungkupmi aloji lakhino pa sasu kusholu. Zulekhavi lono Alhou ghungu no pa peitha luve eno pa ghi panongu kighilhe gholo sukuqhaluveno ighamukuuve.