Apostolmi 1:2 - BAIBEL (BSI)

² kungughalo saikuveke tsala kutolo mlakeuke. Pa saikuve mphilo Jisu no Aghungu Kimthe vechewo apostolmi khunoqo pano kishelukeno tipaqo vilo ahza kutsu shike.

Sümi Tiqhelimi Bible

² tiye Aghungu Kimthe vechewo pa no apostolmi shipe niye kisheluve kemiqo lau mijeve tsü kethiu kungugha lo saikuve keu tsalà tomo ke kutólo ke.

Sumi Naga CL (Re-edited) Bible (BSI)

² pa no kishelu kemi Apostolmi lau Aghungu Kimthe vecheo azah tsüve kethiu, kungugha lo pa saikuve keu tsala kutolo.

Apostolmi 1:2 ပူးပေါင်းရင်းမြစ်များ

ISAIAH 42:1

AMPEU no pi, “Iqeu hi anike julo, ino sunheqhe chekeuke, Ino pa kisheluve keuke, imlo kiqishi chekeuke. Ino iGhungu pesu pa shepichhive ake eno pano ashiayeh kumtsu lau achipi xakutha sughi nani.

ISAIAH 48:16

“Itehi ipunu ighilo eno ino kiu pini keno inilo. Inahuu abothu lono ino aqha zulono pivae eno pulhapuju itsaye kuchou shi aghipe cheni.” (Itehiye Alhou AMPEU no pa kuka itsuke eno ipuwuke.)

ISAIAH 61:1

AMPEU Alhou Ghungu ishou ani. Pano ikishelu eno kumlhomi lau sutsakivi sughi penike ipuwuke, amlo itajumughuyi akemi shipivi peniyeke, Tshusawuvekemi kuqhophekeu eno akughukilo akemi khaqhi phekeu kutughu peniyeke.

MATTHEW 12:28

Ikemu Alhou Ghungu lono ino tughami haphe ani, ike tiye Alhou yehkipe nongu lau ighi anie. .

MATTHEW 3:16

Jisu no baptiz shilukelo pano azu lono ithughi kemtsa kungugha khaqhitsu eno Alhou Ghungu no miqhedu lakhi toi iqighino pa shou ngove keu pano ithulu,

Mark 6:30

Puwupuakeqo no Jisu lau ighi kumqoluveno panonguno kiu shilu eno kiu pesu kutsulu keno kumtsu pa vilo pi.

Luke 24:51

Pano panongu kumghatsu aphi lono, paye panongu launo kututa shive eno kungughalo sakuve.

Luke 9:51

Jisu kunguu sakuve kepu do kupunuwo chekelo, pano pa kukumsu ighomono Jerusalem lo wunikeu shi.

John 1:16

Pawu kupukini chhitoi akeu lono pano kukumgha beghi ningu kumtsu tsuke.

John 13:1

Hiye Hechekulu Ghulhu zuloke. Jisu no paye ayeghiqha hipau qhiveno Apuh lau wuvenikeu tuqhudo tovekeu ithive! Ayeghiqhalo khunoqono pawu keno pano pulhapuju tipaqo kimiye che, eno pano ashekha kutolo panoqo kimiyeche.

John 13:18

Niye nongu kumtsu ghenguno piamoe; ino khunoqo kishelukeno ino ithi anie. Ikemu kuchoyesulo akeu kupuve masa kehu, ‘Igholo kumtsa chukeu timi huno ishou chhophisue.’

John 13:3

Apuh no akuka kumtsu Jisu ulo suvetsukeu Jisu no ithi ae eno paye Alhou launo ighi eno Alhou lau wuveni cheni kepi pano ithi ae.

John 16:28

Niye Apu launo ighike eno ayeghilo ighivae; eno itaghi ayeghiqha qhiveno Apuh lau wuveni cheni.”

John 17:13

Itehi niye olau chea, eno ayeghilo akelo ino hipaqo tsa piakeuye panongu pelo panoqo mlolo ilokivi kupu alupeni kehuke.

John 20:17

Ikelo Jisu no li vilo pi, “Isasu kiphemla kevilo, kughengu niye Apu lau ideiku mphike. Ikemu ithikuzumiqo lau wulo eno panoqo vilo itsa pitsulo: ‘Niye iPuh eno nongu paPuh lau eno ILhou eno nongu Lhou lau ideiku cheni.’ ”

John 20:21

Jisu no itaghi panongu vilo pi, “Alokughuno nongu gholo apelo. Apu no ipuwuke toi nighi nongu puwu ani.”

John 3:34

Alhou no khuu puwukeno pano Alhou tsa pesu pitsu, kughengu Alhou no pa Ghungu kupukunoshi pesu pa tsuke.

John 6:62

Tishiaye, Timi Nu no puzuu pano khile achekeno tile ikuchekeu nonguno ithuluaye nonguye kishi nani kya?

John 6:70

Jisu no panoqo khochile, “Ino no chighikini kishelu kekumo kesha? Ikeghi nongu gholo lakhiye tughamie.”

Apostolmi 1:11

Pamano ishi pi; “O Galilmiqo, nonguye kushiye puthughono atsutsu kudau jupuku ania? Hi Jisu khuu nongu launo kungughalo saiku keno, pano kungughalo wukeu nonguno ithuluvekeu toi paye tipaphi shighi ide ighi nani.”

Apostolmi 1:13

Panonguye aphughilo ilo puzu panonguno ngochekeu ki kunguu chebolo ikue: Pitor, Johan, Jems, Andrew, Filip, Thoma, Bartholomew, Mathi, Alfius nu Jems, aza yeghi kimiyekicheu Simon, Jems nu Judas ngo ishi.

Apostolmi 1:9

Pano hi pive puzu panonguno pa ju apulaghi kungughalo pa sasu ikuve eno panoqo nhekithe lono khungkusu amqo lakhino pa kuzupholuve.

Apostolmi 10:38

Alhou no kishi Nazaret noghami Jisu shou Aghungu Kimthe eno akuka lepuku keno nonguno ithi ani. Alhou no pa gholo ake ghenguno pano aqha kumtsu wu puzu akivi kumla shi eno tughami kuka qholo aghikeqo kumtsu shipivitsu.

Galatiami 1:1

Paul no apostolmi shilukeuye timi vechewono shiluke kumoe, ikemu Apu Alhou no Jisu Khristo akithi lono xuputhuvekeu vechewo shiluke,

Ephesiami 2:20

Nonguye apostolmi ngo Alhouw tungkupmino aboqha shipuzu shiqhepukukeu ki lakhi ake, tipau puqhe akeu tuqu huye Khristo ke.

1 Tim. 3:16

Ningu chineyeh tuqhouye kiutoi kije keno khunomu moe pimlakeu ke! Pano timi phi-ashi shi ighike, Achipi kepi Aghungu no piyeve. Paye kungumino ithulupuani, Judakumomi gholo pa pesu pikulhave. Ayeghiqha kumtsulo pa puluwove, Akimthejukuvu lono pa sasu ikuve.

IBRIMI 9:24

Kughengu Khristo ye timino shipeqhikeu Kimthe-alo iloke kumoe, Akimthe-A tiye kuchou kimihi shianamu, ikemu paye kungugha-alo iloke, itehi paye tilehi Alhou zulo ningu zuqhushi ngotsuani.

1 Peter 3:22

Paye kungughalo wuvae eno Alhou u-ajeu ani eno kungumi kumtsu eno kungughalo ayehkipe jeli eno akuka jeli kumtsu pa qholo anike.

2 Peter 3:2

Ike tiye nongu pelo tungkupmi akimthemiqono ashe azutsa pipuakeu, eno nowu apostolmino Ampeu eno Xakuluu zahkutsu pesu nongu tsukeu kumsuchilelu apenishi anike.

Piyeküsü 1:1

Kaku hipauye Jisu Khristo no piyesukeuke. Alhou no piyesukeu hipau Khristo tsuke. tishianguno paikhavilo kiu shiveni cheni keno pa qemiqo lau piyepe niyeke. Khristo no kungumi puwuno pa qeu Johan vilo thime hipaqo kighithikilepeke.

Piyeküsü 2:11

Khunono akini puani keno Aghunguno akukuhouqo lau piakeu chilupelo! Khunono theqhikulushi toluni keno akithi akiniu pesu ghuzamo nani.”

Piyeküsü 2:17

Khunono akini puani keno, Aghungu no akukuhouqo lau piakeu chilu pelo! Khunono theqhikulushi toluni keno manna kusupe puakeu hami ino tsu nani; eno metsughoikeu tu lakhi ino milakhikhi tsu nani eno tipau shou ajekithe lakhi yepuku puani, atu tipau ithulukemino kumoaye kutami khunomu aje tipau ithimo nani.”

Piyeküsü 2:29

Khunono akini puani keno Aghungu no akukuhouqo lau piakeu chilupelo!”

Piyeküsü 2:7

Khunono akini puanikeno Aghungu no akukuhouqo lau piakeu chilu pelo! Khunono theqhikulushi toluni keno, Alhou wu Aghutu lo akuxupu subo akeu xathi chulupe nani.”

Piyeküsü 21:14

Aphughi puwupe akeu huye atuqu chighikini shouno shipukupe puae, atuqu tipaqo shou Bheriti wu apostolmi chighikini je yepukupe puake.

Piyeküsü 3:13

Khunono akini puani keno Aghungu no akukuhouqo lau piakeu chilupelo!”

Piyeküsü 3:16

Ikemu shukuthuyimo momu mukomghayimono lupunhake ghenguno ino ikichi lono oqhileve nani.

Piyeküsü 3:22

Khunono akini puani keno Aghungu no akukuhouqo lau piakeu chilupelo!”