AMUS 2:4 - BAIBEL (BSI)

⁴ AMPEU no pi, “Juda lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ino kutsupiyekeu jukunathake eno ino ahza tsukeu pechemoke. Panoqo puasuno qechekeu kichile lhouqo huno tipatho shi panoqo sabideveke.

Sumi Naga CL (Re-edited) Bible (BSI)

⁴ Ampeu no ishi piani, “Judah xine küthü ghenguno eno bidi ghenguno, Ni ye aghime süchilemo nani, kughengu panongu no Ampeu yezah milivae, eno akhuayeqo pemovae, pano kimki no pano sabidevae, pano puasüqo no cheche keu laghi panongu no pape wuvae.

AMUS 2:4 ပူးပေါင်းရင်းမြစ်များ

KUKAMI AKINIU 17:19

Ikemu Juda lo kuami timiqo ghi AMPEU panongu Lhou yehza gholumoe; ipuzu panonguye Israilmi no peluvekeu khuayehqo haluve.

YEKIKITHI AKINIU 25:14

Amazia no Edom toluveno ideghi kelo pano tipaqo wu ajulhoqo pa gholo sughi, tipaqo ghope qhi eno tipaqo mllae eno tsungqui keu ta tipaqo lau piti kumna ke.

YEKIKITHI AKINIU 30:7

Nonguye nongu puasu eno nokusami Israilmi AMPEU panoqo Lhou lau amikucho shimovekeqo toi shi kevilo. Nonguno ithuluve ake pano panoqo shou aghime kitikhi tsuke.

NEHEMIA 1:7

Ninguno ozulo kixikila shivae eno nono ahza tsukeu shimovae. Ninguno ayezahqo khikhi oqeu Muse vechewo ningu tsukeno tipau pemoveke.

NEHEMIA 9:26

“Ikemu owu timiqoye ohebide eno ogholumove; panonguye oyezah pe pano thikhau qhive. Panongu vilo olau ideghilo pike ghenguno panongu kutughutsukemi tungkupmi pithivetsu. Panonguno anguno anguno othaighake,

ISAIAH 28:15

Nonguno akithi sasu kuptsape qhiveapi eno akithi yeghi sasu pulokilepe qhive akepi qheza acheni. Kutsakungo ighikelo nongu phepuwuve nani kepi mutsuqhei shipe acheni kughengu nonguno nongu xalu apenike akimki eno kichileu pukhu acheni.

ISAIAH 44:20

Ayevu chuakeu kumlho shivae. Pa ghuzunikha kukumsu no pa sapimi kehu paye xaphemla kepu shivae. Ajulho shisukeu pa ulo tsuqupe akeuye khilemu alhou kumo kepi kitilamu pa lolo kumsulukeu kuhake.

JEREMIYA 16:11

Tileno panoqo vilo AMPEU no ishi pike pilo, nongu puasuqono ilauno tsughusu wuve eno kutau lhouqo qe eno mllauveke. Panonguno iqhive eno ino kutsupiyekeqo hebideveke.

JEREMIYA 16:12

Ikemu nonguye nopuasuqo nguno alhoksa kutukeu kumla mla puani. Nongu kumtsu ghano kuthovilo, kixikila eno nonguno ihebideke.

JEREMIYA 17:27

Ikemu panonguye ighokulu shi masake eno Sabat ye akimthe tsala lakhi shi ikhilu masake. Tipa tsalaniye panonguye kiu khomu xapusu Jerusalem kikhaqo vechesu wumoni, kughengu panonguno tishiaye, ino Jerusalem kikhaqolo ami suvetsu nani. Amino Jerusalem lo akighikiqo pitileqhive nani eno khunomu tipau ghapinhemla nanike.”

JEREMIYA 6:19

Ayeghi, inilo! Julo, ino timi hipaqo shou alhoksapu sughini cheni tiye panoqo wu muqumugha ghenguno, kughengu panonguye ino kutsukeu peveke eno itsa papelumoke.

JEREMIYA 8:2

Tipaqo hekutsu pesu qhovenike zuqhulo panoqo saghiye aghuma toi ayeghi shou dapesu anani. Tipaqoye tsukinhe ngo, aqhi eno ayepu zulo kuthole pesu qhinani, timi hipaqono thime hipaqo kimiye eno qe achenike eno panonguno hipaqo putsawu eno mlla achenike.

JEREMIYA 8:9

Nogholo alokutsumi shikukujove ani; panoqoye avehu kughuzu shivepe eno meluve cheni. Panonguno itsaqo peveke itehiye kiu lokutsu anani kya?

JEREMIYA 9:14

Tishinike zuqhulo, panonguye kuthovi auve eno panoqo papuno shilopi shikakeu toi Baal su-atu julho mllawukhaveke.

EZEKEL 13:22

“Nonguno nongu kimki pesu kivimi khunoqo ino ghuza nishimono achekeqo mlo shikumkave tsuchenike. Nonguno alhoksami pelo pano lhoksa pheve penikeu lakha cheni eno pano kuxu xaluve nikeu lakha cheni.

EZEKEL 20:13

Ikemu timi kughuna moke-alo ghi panonguno ihebideke. Panonguno iyezah kuboleve eno ino ahza tsukeu khunono tipaqo pelu nikeno akuxupu sughi chekeu panonguno milive. Panonguno Sabat pinye shipixi khavetsu. Timi kughuna moke-alo ino panoqo pelo iloghu kighide kumgha pupeniye kutove eno panoqo kutsaveni keu shive.

EZEKEL 20:16

Ino tushokiqhi shiveke kughengu panonguno ino ahza tsukeu milive, iyezah kuboleve eno Sabat pinye shipixiveke; panongu mloye pano su-atu julho mllani keulo aukhaveke.

EZEKEL 20:18

Ike timi kughuna moke-alo ino pano tianuliqo vilo pikeuno: nongu puasuqono ayezah mlakeu pekevilo; panoqo khuayeh pape kevilo momu pano su-atu julho pesu nongu kitiqe kevilo.

EZEKEL 20:24

Ino hipau shike kughengu panonguno ino ahza tsukeu milivetsu, iyezah kuboleve tsu, Sabat pinye shipixive tsuke eno pano puasuqono asu-atu julho qechekeu panongu ghi tipau mllauveke.

EZEKEL 20:30

Tighenguno Israilmi vilo ni, Akughushu MPEU no kiu piani keno tipau pilo: Kushiye nongu papuqono shichekeu xine nonguye shiani eno panoqo su-atu julho papesu hacheni kya?

EZEKEL 22:28

Tungkupmiqoye timino metsughoi nudakeu pesu atozu nuda akeshi axine tipaqo kusuvetsu cheni. Panonguno kichileu kungunhetsu ithulu cheni eno kichileu she-azu tsa picheni. Panonguno Akughushu MPEU tsa piani kepi picheni, ikemu ni, AMPEU ye panoqo putsa puamoe.

EZEKEL 22:8

Nonguye akimthe-alo ighukeu kuhae eno nonguye Sabat pinye pelu chemoke.

HOSIYA 12:2

AMPEU ye Juda lo akemiqo shou ngukukepu lakhi sughi kepu shiani; paye Israil lo akemino kishi mla itha cheni keno tipau ghenguno aghime tsuni cheni. Panoqono kiu mlapuani keno tipau ghenguno pano panoqo lochile nani.

HOSIYA 12:3

Panoqo puasu Jakob no aza polo pamu Esao sasu kumtsa aphilonomu pamu sasu kusuxake. Kughou Jakob no kichimi shive keno paye Alhou sasu kumjoke,

HOSIYA 6:11

“Nongu Juda lo akemiqo ghengu ghi nonguno kiu shi ani keno tipaqo ghenguno ino nongu ghimeqhi kepu do lakhi kutopuani.”

AMUS 1:3

AMPEU no pi, “Damaska lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ayikusu pesu Gilead lo kuamiqo peithake.

AMUS 3:2

“Ayeghiqhalo ashiayeh akemi gholo niye nongu likhi ithi eno tuchohijuke. Tighenguno nongu xineye akichiqhipuke eno tishi kehu tipau ghenguno niye nongu ghimeqhi masake.”

MICAH 6:12

Nogholo kinimiqono kumlhomi saje chu khavae, eno nongu kumtsu kimkimike.

HABAKUK 2:18

Asu-atu julhoye kiu vehupu ani kya? Tiye timino kiuala shipe qhikeuke eno tiye akimki kumoaye kiumu nongu vilo pimo nani. Tipau mlaqhikemi pelo tipau pulupe nike kiu akivi shipuani kya? Atsa ghi putsamlakeu lhou ke!

Rommi 1:25

Panonguno Alhou ghili kuchou pesu akimiki kililuve. Panonguno Alhou zuqhulo pano kiu lhoqhi puanikeno tipaqo mlla huthue. Pulhapuju Alhou sheqhe akepuke, Amen!

1 Thes. 4:8

Tighenguno khunono akukutsutsa hipau ikhilumoni keno paye timi milive anike kumoe ikemu Alhou, pa Ghungu Kimthe nongu tsukeu hu milive anike.

1 Peter 1:18

Kughengu nonguye apuasuqo launo adou laghi pepimhe susu cheghikeu lono amekusho kiu tsu puzu nongu xaphelu keno nonguno ithi ani. Tiye hauvekepu thime shunayi momu tsandiyino kumoe,

XAKUTHAMI 10:6

Itaghi Israilmi ye Baal ngo Astarot likhi kumono Siriya, Sidon, Muab, Amun eno Filistiya lhouqo mllau khaveno AMPEU zulo axine shikhave. Panonguno AMPEU pheveno pa mllamove.