AMUS 1:2 - BAIBEL (BSI)

² Amus no pi, “AMPEU no Zion lono igha, Jerusalem lo pa sutsano tsutsu kusu toike. Bherikhemino achukumza chekeu ighuyive, Karmel Toghilo Atsunino hughaive.”

Sumi Naga CL (Re-edited) Bible (BSI)

² Amos no pi: “Ampeu no Zion lono ighamku Jerusalem lono Pa sütsa süqhe; atsüni kümtsha-aqo no mloqa eno Carmel toghi no ighüyivae.”

AMUS 1:2 ပူးပေါင်းရင်းမြစ်များ

LESHELE 29:4

AMPEU sutsaye akuka AMPEU sutsaye akughushu.

LESHELE 46:6

Ashiayeh kutamiye thughuive, ayehkipe qhaqoye sukinileqhi; Alhou no pa sutsa ighakelo ayeghiye mukhumuno shivae.

AHOLE 20:2

Abongushuu kumqhu msakeshi akukau mlo kighide msalo; pa mlo shikighide keuye akuxu puhavetsu nani.

ISAIAH 33:9

Aghakhulo ayeghiqoye pheveno qanimlo ani. Libanon ghasuye kilimughoyivae, aghumakua Sharon khilaye asayeqha toivae eno Bashan ngo Karmel Toghilo asuboqo nipa ye ighiqive ani.

ISAIAH 35:2

Asayeqhano alokivi launo ighamuku alephe nani; tiye Libanon naghuto toi jukivi shinani eno Karmel ngo Sharon luqa toi aghuma anani. Milakhi khino AMPEU jukuvu ngo pa kuka kije ithulu nani.

ISAIAH 42:13

AMPEU no aghutomi lakhi toi aghu shinike wuke; paye aghushi nike kutokupui eno khekulhoshi ani. Pano aghule kuke, aghushi ghugha ighake; pa ghumi shou pa kuka kumto pepheke.

JEREMIYA 12:4

Niyeghiye ado khitotohi qhai anani kya? eno aluza kumtsulo khitotohi thizummuyi anani kya? Lhoxu ngo aghauqoye thi ayeake, tiye ni-timiqono kixikila ke ghenguno, “Ninguno kiu shiani keno Alhou ye ithulu achemoe,” ipi pichekemi timiqoke.

JEREMIYA 14:2

“Juda ye mloqa ani; tipau phughiqoye thi ayeake, tile akemiye amlokusashi ayeghilo ihozu, eno Jerusalem ye kuphulepi ighamuku ani.

JEREMIYA 25:30

“No Jeremiya ye ino pivekeu kumtsu pesu asheshu masa. Noye timi hipaqo vilo ishi pilo, ‘AMPEU no kungugha kudauno ighamuku ani eno kungugha kuchuqu lono tsutsu su nani. Pano pawu timiqo shou ighapuku nani; paye timi lakhi atsayithi qole akelo toi ighamuku nani. Ayeghi shou akemi kumtsu tipau chilu nani.

JEREMIYA 28:8

Tungkupmi khunoqono ighuloki eno nongu ghuloki ighinikeu ado-kushuwa chephi lono aghukishi, akhuava eno kusukini ashiayeh lau eno akukaqha akuka-kumto shi kakeqo lau ighini chekeu ashe-azu tsa shi pipuani.

JEREMIYA 50:19

Ino Israil lo akemiqo pano yeghilo sachile sawo qhi nani. panonguno Karmel toghilo ipeghikeu chuqupu chu nani eno panonguye chu nishike thaqhu Efraim ngo Gilead lono axa ipeghi keu chu nani.

HOSIYA 11:10

“Kughou ino abongushu lakhi toi iwu timiqo ghumi lau ighani keno panonguno ipape nani. Panonguno kulolauno keyi ilau ighi nani.

HOSIYA 13:8

Ino avaqu lakhi no ati puhaveno akelo toi nongu le nani eno ino nongu suthapinyi pe qhive nani. Abongushu lakhi toi tsuqhikea lono nongu tsaqhi nani eno tughashi lakhi toi nongu suthapinyive nani.

JOYIL 1:19

O AMPEU, ino ovilo ighamukuke, kughengu achukumzapu eno asuboqoye amino tipaqo pitive keshi thi zummuyi khavae.

JOYIL 2:11

AMPEU no pawu ghushimi vilo tsutsusu keshi ahza tsuke. Aghushimi pa gholukemi kumzapu eno akuka kughushuke. AMPEU tsala kiutoi akuighupu kela! khuuno tipaulo xu kulupu kya?

JOYIL 3:16

Zion Toghi lono AMPEU no igha; Jerusalem lono pa sutsa tsutsukusu toi pike; ayeghi ngo atsutsuno khokhoshike. Ikemu pano pawu timiqo susholu nani.

AMUS 9:3

Panonguno Karmel Toghilo itshuluve namu ino panoqo kughaluve nani. Panonguno imusaye azughi polalo itshuluve namu ino azughi ghahwu ahza tsupuzu panoqo mikiqhi penani.

NAHUM 1:4

Pano azughi ahza tsu eno tiye chethove! Pano aghoki qhaive peke. Bashan luzaqa ighuive, Karmel Toghino hughai idive, eno Libanon xamununo aju idiveke.

SAMUEL ATUGHIU 25:2

Maon lo timi lakhi ache eno paye Karmel lo lhidi shikichemi. Timi huye ighono kinimi; paye bheri 3,000 eno ane 1,000 ishi pighi ache. Paye Karmel lono bheri mhi tsa suwo jecheke.