ALE KIMCHI 8:1 - BAIBEL (BSI)

¹ Niye opelo ipeu shiaghi penishike, iza pelo pa kichhi opini pekeu shipenishike. Tishikeaye, ino alaghilalo osasu kugholu kelo niye omuma nicheke eno khunomu kiumu kumsupusamo nicheke.

Sumi Naga CL (Re-edited) Bible (BSI)

¹ O pelo I za kichhizü no loji puthukeu I mu shiaghi penishi nolae! I no o sholu no o müma namu khunomu I jukünatha moniche.

ALE KIMCHI 8:1 ပူးပေါင်းရင်းမြစ်များ

Galatiami 4:26

Ikemu anipu kuchou huno kungughalo akeu Jerusalem kumlhoke, liye ningu zake.

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

Luke 2:38

Tishi ake dolo lino ighino Alhou shikimthikeu tsu eno anu ghili pesu Alhou no Jerusalem xachilelu nikeu kheakemi kumtsu pithi.

MALAKI 3:1

Aqokitikhi MPEU no khochiletsu ani, “Ighenguno alaghi kutope nike ino ighinikishiu puwu nani. Tileno nonguno huqheju akeu MPEU ye zuleleno pa chinekilo ighi nani. Nonguno junishiqhiyi achekeu ghinikishiuno ighi nani eno iw puloshoqhi pesu asheshu nani.”

HAGAYI 2:7

Ino ashiayehqo kumtsu kusuleve nani eno panoqo wu kinikuluye hile peighi nani eno Achinekiye akinino chhitoive nani.

ISAIAH 60:14

Nongu qodaqhi chekemi nuqono ighi nani, eno itsaiqi nongu sumsa keu piye nani. Ghuthu lakhiye nongu jumithi chekeqono nongu pukhu philo ighino mlla nani. Panonguno nongu vilo, ‘AMPEU Phughi’ ipi pinani, eno ‘Zion, Israil Lhou Akimtheu Phughi’ ipi ku nani.”

ISAIAH 9:6

Kughengu ningu lau anga lakhi punutsu ani! Anu lakhi ningu tsupuani! Pano ningu shou ayehkipeu shi nani. Pa pesu, Akichiqhipu Lokutsuu, Akughushu Lhou Shekhahau Apu, Alakishi Kukapuu, ipi ku nani.

ISAIAH 7:14

Tighenguno AMPEU ampino amchipu lakhi otsuni: ilimi lhothe mishipu akeuno anu lakhi punu nani eno pa je Immanuel kutsu nani.

1 Tim. 3:16

Ningu chineyeh tuqhouye kiutoi kije keno khunomu moe pimlakeu ke! Pano timi phi-ashi shi ighike, Achipi kepi Aghungu no piyeve. Paye kungumino ithulupuani, Judakumomi gholo pa pesu pikulhave. Ayeghiqha kumtsulo pa puluwove, Akimthejukuvu lono pa sasu ikuve.

FILIPIAMI 3:3

Kughengu kuchouno ninguye aphighu yiko ghakemiqoke, kughengu ninguye Aghungu Kimthe lono Alhou mlla cheni, Khristo Jisu lono nikijivilo acheni eno timi lhoaye pesu shikulu pukhupe achemoe.

Galatiami 6:14

Ikemu ilikhi imishiloye niye niMpeu Jisu Khristo kros nguno kutauye kiulomu qhezamo nani, kughengu pawu kros pesu ayeghiqha hu ilauno yeda pithivae eno ayeghiqha launo iyeda pithivae.

1 Kor. 1:28

Ayeghilomino khipaqo jukunatha eno jumthi chekeno eno kiumu kuha kepi pichekemi qou Alhou no kisheluke, tishikeuno ayeghilo akhotokepi pichekeqo shipuhave niyeke.

John 16:28

Niye Apu launo ighike eno ayeghilo ighivae; eno itaghi ayeghiqha qhiveno Apuh lau wuveni cheni.”

John 13:3

Apuh no akuka kumtsu Jisu ulo suvetsukeu Jisu no ithi ae eno paye Alhou launo ighi eno Alhou lau wuveni cheni kepi pano ithi ae.

John 8:42

Jisu no panoqo vilo pi, “Alhou no nongu pa puh keaye nonguye ikupuni cheke kughengu niye Alhou launo ipeghi puzu hi ighi. Niye ikutoshino ighike kumoe ikemu pano ipuwuke.

John 3:13

Kungugha lono milakhi iqighikeu, Timi Nu thono khunomu kungughalo iku mphie.”

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

Luke 18:9

Itaghi Jisu no pikeu holetsa lakhi hi ani. Hiye timi khunoqono pano mlolo panoye mzuchoi xuchekemi pi kumsu puzu kutami thaigha cheni keno tipaqo lau pike.

Luke 12:8

“Ino nongu vilo pini, khunono paye iw kepi kutami zulo pipheni keno, Timi Nu ghi Alhou kungumi zulo pa je pesu piphetsu nani.

Luke 10:16

Jisu no pa khopemi vilo pi, “Khuno nongu tsa chiluni keno itsa chilu anie, eno khuno nongu miliveni keno imilive ani eno khuno imiliveni keno ipuwukeu milive anie.”

Luke 9:26

Kughengu khunono ni eno itsape shinikeulo kujoveni keno, Timi Nu ghi pa jukuvu, Apu jukuvu eno akimthe kungumiqo jukuvu lono ighikelo pano tipano je piphetsumove nani.

ALE KIMCHI 1:2

Okichi pe imuma penishi ani; Okikimiyeye aji nguno akiviu.

LESHELE 51:17

Alhou no ikhilutsu nikeu kumllaghoye amlo kughujuke; O Alhou, amlo kughuta kughuju shi olau ighikeu noye mithive chemoe.

LESHELE 2:12

Khokhoshi pa zulo itsaiqilo, tikumoaye, pano aloghu ide ithughive nani eno nonguye zuleno thive nani. Khunono pa suijelu cheni keno tipano lokivipue.

ALE KIMCHI 7:13

Noye tileno zunilobo xo tsungulu nani, eno axathi aghile jeli kumtsu nihukikha phivilo anike. Alomi, olopivi kepu jeli aqau ghi akitheu ghi ino oghenguno hekutsu puanike.

ALE KIMCHI 8:2

Niye osasu izano kilo wuni cheke, tilehino nono kimiyekeu ishikani cheke. Ino vepujuvekeu tsayiji otsuni cheke, iwu khaghatuji opiyeni cheke.