ALE KIMCHI 7:4 - BAIBEL (BSI)

⁴ Oku-oye akuha huno aghukhu-a shikeu toi. Onhethiye Heshbon phughilo Bath-rabbin khagho phivilo azukucho akeu toike. Onigipeye Libanon lo aghukhuano Damaska phughi kudau khekuto akeu toi jukivike.

Sumi Naga CL (Re-edited) Bible (BSI)

⁴ O kuo ye akühahu ghukhe qogheki toie. O nhethi no Heshbon lo Bath-rabbim khagho lo azükhe akeu toike. O nigipe ye Lebanon ghukhe qoghe no Damascus küdau jupuwo akeshie.

ALE KIMCHI 7:4 ပူးပေါင်းရင်းမြစ်များ

BOTHUBO 15:2

Ikemu Abram no pi, “AMPEU Alhou, noye kiu itsuniepi ania, niye anu kuhake eno imheghi kiyighiuye Damaska no ghami Eliazer likhi keku?

SAMUEL AKINIU 8:6

Tishino pano panongu lughi lo ghushimi ghazubo qhiwove, ike panongu ye pawu timi shikhave eno zahme pa tsuuve. AMPEU no aqha kumtsulo David pelo tokulu shiluvepe.

KUKAMI ATUGHIU 10:18

Pano akuka lakhu kije lakhi ghi mlape qhie. Tiye akuhahu ngo thakimtheve keu shunazu no ashou phuphushi ithulughi mlape qhie.

KUKAMI ATUGHIU 10:22

Pano zukilu azughilo Hiram zukilu gholo chewu kuqhalu kepu ghi ae. Ampe akuthuku loye pa zukilu shuna, tsandiyi, akuhahu ammutu, eno ashuki ishi xapusu ighiche.

KUKAMI ATUGHIU 22:39

Akukau Ahab no shikeu eno akukaki lo akuha huno tunatunu shikeu hekukutsu eno pano aphughiqo shikeu hi kumtsu Israil Kukami Xughili kakulo yekutsupe qhipuani.

KUKAMI ATUGHIU 7:2

Bokutha lakhiye Libanon Ghasu Kighiki ipi ku-tsu tiye akushulau miter lhobidi bidi akijelau miter muku kini eno akiqhelau miter chighi kuthuno tuxa. Eno tipaulo Kedar no shikeu tsukucho ajo kuthu kutolo ae, ajo lakhi khilo atsukucho chighi pungu ae, kumtsu kuqhakelo atsukucho lhobidi pungu ae, tipaqo shou Kedarsuno shikeuno mukhu bepe ae.

KUKAMI ATUGHIU 9:19

Tilikhi kumono athi pekutsu kepu phughiqo, khurkulu sakichemi ngokepu phughi, khurkulu qhikepu phughi eno Jerusalem kupunulo ai-sui vekelo kuphukulupu shi hekutsukeu phughi, Libanon to eno pa kuka qholo ayeghi kumtsu aphughi shikithe pesu qhilukhave.

YEKIKITHI AKINIU 8:6

Ba lat phughi, pano khilehi kuchukini kike eno kiyepuwuche keno tipaqo phughi kumtsu eno khilehi pano pawu khurshi ngo khurkulu qhiche keu phughiqo. Jerusalem lo ngo Libanon eno pano ayehpe akeu qhalo aki kuloghi ghenguno pano akukughu shikeu kumtsu pano shiqhilu.

LESHELE 144:12

Ni nuliqo pelo pano lhothelo mutotoi thuwulu akeu subo toilu pelo. Ningaqo pelo qhemghaikeu tsukuchono akighiki phelo jukighile pushi akeu toilu pelo.

LESHELE 45:8

Ophimini kumtsu mur-xo ngo aloi xono tsungqui anike. Akuhahu pesu ananu shikeu akighikilo alejomino olopivitsuke.

ALE KIMCHI 1:10

Ogimuchuye amekusho chila jukivi toi eno okuolo shuna chila akeu toike.

ALE KIMCHI 4:1

Ilomi, noye kiutoi jukivi kela! Ogi nhapu akeu qhou onhethilo kimiyekeuno vuqaipe ani. Ane loji lakhino Gilead naghutolo koha chekeshi osano lumlumyi ani.

ALE KIMCHI 4:4

Okuoye David ghukhua toike, ochila huye aghushi zuto 1,000 pufu pesu vehomxa puakeu toike.

ALE KIMCHI 4:5

Okichhi kumaye asheti kini toi, eno achuyi atuna pittikishepe achumuza aketoi ani.

ALE KIMCHI 6:5

Onhethi ilauno tsughuvelo; tipaqono isuhupholuve anike. Osaye anetsu lojino Gilead naghuto lo koha iqi cheke toi lumlumyi ani.

ISAIAH 54:4

Msakevilo, nonguye kujomza kithemo ake; nongu pesu aqhokigheu shipemo ake. Noye anipu lhothemi amikucho kumo toivekeu hu kumsumave nani, eno topuchimemi lakhi kughukughaleive keu toive keu hu kumsumave nanike.

IBRIMI 5:14

Akumka chuqupuye kichimi ghenguno ke, ike tiye pano wu michikulupu kighithi qophethi puzu ti peithano akivi ngo alhoksa kututa shithikemiqoke.