AKUMLO 5:1 - BAIBEL (BSI)

¹ AMPEU, nishou kiu shiveakeno kumsulu tsulo; Nishou jupukutsulo eno ni thaigha keu kumsulu tsulo.

Sumi Naga CL (Re-edited) Bible (BSI)

¹ O Ampeu, ni shou kiu ikughi keno kümsülulo, julo, ni kukujopu ithulu tsülo!

AKUMLO 5:1 ပူးပေါင်းရင်းမြစ်များ

NEHEMIA 1:3

Panonguno ivilo pi, “Akuxu achilishi aghi puzu aghakhulo ideighi kulumiqo hu ighono aghime shi anie eno inaghami pano cheaxulo kuamiqono tha igha achenie eno Jerusalem kupuwu hu hexavae eno tile khaghoqo hu pitiveke lono ishi kutolo tishi aphie.”

NEHEMIA 1:8

Itehi nono oqeu Muse vilo hitoi ahza tsukeu kumsululo: ‘Nongu Israilmino ilau amikucho shimove aye ino nongu pesu kutami shiyeh dolo hapiyepighi suvenie.

NEHEMIA 4:4

Ino ishi inikhu, “O Alhou, panonguno ni thaigha junuqhi akeu inijulo! Panongu tsa lhoksaqo panongu kutsu shou ikuve pelo, panonguno akeu thaqhu suxaluve pelo, panonguye akughushi sasu inaghami yeghilo wuve pelo.

JOB 10:9

Kumsujulo, nono aghani pesu ilhoe, noye ikughape ayeghi mukhu kughulhoveni kesha?

JOB 7:7

Kumsululo, Alhou ikuxuye atuthu lakhi keku, inhethino ighowo akivi tsala ithulumae.

LESHELE 119:153

Ighichheghime jutsulo eno ixalulo, kughengu niye oyezah kughuchove moke.

LESHELE 74:18

Ikemu, O AMPEU, kumsujulo, oghumino ojunuke; Panonguye Alhou kumthami eno omithike.

LESHELE 79:12

Ashiayeh kutamino oshou opiputha keu tsa pikeu ghenguno aghime ghuthu tsuni kutolo tsulo, O AMPEU!

LESHELE 79:4

Ashiayeh nisumxape akemiqono ni piputhake, panonguno ni junu eno ni thaighake.

ISAIAH 62:6

Jerusalem, oliwolo ino aghukhemi qhipuani; panonguye putho pucho khilemu inaqhoi kepu kumoe. Panonguye AMPEU vilo pano piqhi puakeqo pesu pikichichi akepu eno pa pelo khilemu panoqo kumsumavepe kevilo.

JEREMIYA 15:15

Tileno ino ishi pi, “O AMPEU, nono ithi khavae. Ikumsululo eno kuphulo. Ipelo ishikighimeqhi chekemiqo shou amukhu lupelo. Panoqo lau shishe kutu-u auve puzu panongu pelo ipithive kulupu shipe kevilo. Kumsulutsulo, oje ghenguno iphimokeu shichenike.

JEREMIYA 51:51

Nonguno piani, ‘Ningu pughuqhivae eno shikukujoke; ninguye kitilamu akukuphu kuhaveke kughengu inamino Achinekilo akimthe-a luvetsuke.’

AKUMLO 1:11

Liwu timiqoye akusu launo ighaghi pano chuqupu phue. pano kuxu xalu niaye kinikulu pesu achuqupu qhuchue. Aphughino ishi igha, “AMPEU, ilau julo, ivekusalo ishou jupukulo.”

AKUMLO 1:20

“O AMPEU, imlo ghujushi akeu jutsulo, imlo kusashi akeu jutsulo! Ino hebidekeu xine shike ghenguno imlo ipopinyive ake. Alaghilalo ghiqhile ani eno aki sholokuu ghi akithipu ani.

AKUMLO 1:9

Li kimthekumoye li phiminilono ithuluve ani, ikemu liye ahasapu sholuniye akeu kumsujumoe. Lino vekiqhi akumsapuke, khunomu li lokughuno tsumlae. Aghumino toluvae eno liye AMPEU vilo kimiyetsu penike ighamukuke.

AKUMLO 2:15

Aphughi vechewu chekemino thaigha ghi nongu shou jupukuke. Jerusalem ixapinyi akeulo panongu kutsu kungu eno junuqhi - “Jukighilepu phughi huye hikesha?” “Hiye ayeghiqhano akijivilo chekeu kesha?”

AKUMLO 2:20

Julo, O AMPEU! nono ghimeqhi akeqo julo! Topumino panonguno kupuqhiyi tuchomujo chekeu tianuliqo shi chuani! Achinemi ngo tungkupmiqo Achineki lono ghiqhive ani!

AKUMLO 3:19

Ino sukutu akeu eno aki kuhavekeu kukumsu huye khumtsaikeu tughuke;

AKUMLO 3:50

AMPEU no Kungugha lono jupiqi moke kutolo tishi anani.

AKUMLO 3:61

O AMPEU, panonguno icheqhi keu nono chiluvae; panonguno kuchughu keu kumtsu nono ithi ani.

HABAKUK 3:2

O AMPEU, nono kiu mlaveakeno ino chiluvae, eno niye apuchopungovae. Itaghi ni ghulokilo ghi nono akumzapu kumla kije shichekeu shitsulo. Nono aloghu ide akelo pinamu kupuqhiyilo.

Luke 23:42

Pano Jisu vilo pi: “Jisu, kughono nono Akukau shi ighinikeno Ikumsululo!”