AKUMLO 4:22 - BAIBEL (BSI)

²² O Zionmiqo, nongu xine ghenguno ghime keuye tava, paye hinguno alauye nongu halepuwumoae. Ikemu Edommiqo, noxine ghenguno ghime nani; eno no xineqo lhephetsu nani.

Sumi Naga CL (Re-edited) Bible (BSI)

²² O Zion limi, o xine ghenguno aghime ye tavae; Pa ye haphe sawu kithemae, ikemu O Edom limi, Pa no o xine ghenguno ghime nani; Pa no o xineqo lhephetsü nani.

AKUMLO 4:22 ပူးပေါင်းရင်းမြစ်များ

LESHELE 137:7

AMPEU, Jerusalem leilo-hepho akelo Edumiami no kiushi keno kumsululo, panonguno, “aboqha kutolo hepho pinyive tsulo” ipi piakeu hu kumsululo.

ISAIAH 40:2

Jerusalem lo akemiqo mukhano putsatsulo. Panoqo vilo panonguye adoku shuwa aghime shivea eno itehiye panoqo xine pevetsuake.”

ISAIAH 52:1

Jerusalem mutolulo eno itaghi kije shiluvelo! Alhou phughi akimtheu, jukighilepu jukivi pepuluvelo! Mithekumomiye khilemu ohuki khalo itaghi ilomo nani.

ISAIAH 60:18

Ghiqhi heqhikeu sutsa chilu kithe move nani; Shikupsaye noyeghi kubole kithe mo nani. Ino aliwo lakhi toi nongu putu eno nongu susholu nani; Ino nongu xalukeu ghenguno nonguye isheqhe nani.”

JEREMIYA 32:40

Ino panoqo sasu lhokta puloshoqhi lakhi shi nani. Niye panoqo ghenguno akivipu kumla khilemu shitavemo nani, ino panoqo pelo amlo kuchopu pesu isumsape nani, tishikehu panonguye ilauno khilemu wuvemo nani.

JEREMIYA 33:7

Ino Juda ngo Israil pesu kinikulu shitsu nani eno panonguye puzuu kishi akeno titoi ino panoqo xaqhepuku kithe nani.

JEREMIYA 33:8

Panonguno ishou axine shikeu ino panoqo qhu kimthetsu nani, ino panoqo xine ngo panonguno hebidekeu peivetsu nani.

JEREMIYA 49:10

Ikemu Esao laghamiqo qhoi xukutsuluvae eno panoqo kughutshu-a lhavetsu ake ikehu panoqoye itaghi itshu kidemla nani. Edom lo akemiqo kumtsu kutsalevae. Panoqo gholo milakhimu qhimovae.

JEREMIYA 50:20

Kughono tipa ghuloki ighini keno Israil lo kiu xinemu phumla nani eno Juda lo kiu lhoksa kugha mu kuha nani, kughengu timi khunoqo kuxu ino ghupe qhitsuni keno ino tipaqo xine pevetsu nani. Ni, AMPEU no piveake.”

AKUMLO 4:21

Edom ngo Uz lo akemiqo nu alo; nonguno shiluke thaqhu alovi alo. Nongu shou ghi kutsakungo keu chenike; nongu ghi kujo kelauno aphikumsa kulokuloive nani.

AKUMLO 4:6

Ingaqo ghime huye Sodom xine ghengu no aghime tsukeu nguno akijeu shi ado kitila dolono peiveno khunomu panoqo kuphu kulupu shimove.

EZEKEL 37:28

Kughou ino ichineki alhokupuju panoqo gholo achepeniye qhitsuni keno tileno, ni, AMPEU no Israil kishelu puzu iwu timi shipekeu ashiayeh kutamino ithi nanike.”

EZEKEL 6:12

Khunoqo putou ani keno kusukini shiuveno thive nani; akupunulo akeqono aghushi lono pithive nani; khunoqo puxupe aghini keno akhuava shi thi nani. Panonguye iloghu kighide kumugho pukepu shi nani.

Obadiah 1:10

“Nonguno nothikuzumi, Jakob laghamiqo pukaqhi eno ghiqhi ke ghenguno, nonguye alhokupujulo akukujopu shi nani eno nongu kutsa- leve nani.

MALAKI 1:3

eno Esao ghakhulo naghutoqo kutsa pinyivetsu eno ayeghiye tughashi ghenguno qhivetsuke.”

MALAKI 1:4

Edommi, Esao laghamino, “Niphughiqo kutsaleve ake ikemu ninguno tipaqo shikithe pukuni” ipi piaye, AMPEU no ishi pichile nani, “Panoqo pelo shikithe puku apelo, ino tipaqo itaghi xalevetsu nike. Timino panoqo vilo ‘Ayeghi lhoksakugha’ eno AMPEU no ‘hupaqo shou alhokupuju aloghu ide chekemiqoke ipi pi nani.’ ”