AKUMLO 4:20 - BAIBEL (BSI)

²⁰ Nikuxu puxutsu chekeu, AMPEU no nukishekuluu akukau hu kughaluve, Ningu leighikemi launo nisusholu penike pukhu achekeu hu kughaluve.

Sumi Naga CL (Re-edited) Bible (BSI)

²⁰ Ni küxü tuthu, AMPEUw kishekiphe kükau, khuu lau nino, “Pa kicheqho lono nino shiyeqo gholo xünani” ipiche keno pa ye küghaluvae.

AKUMLO 4:20 ပူးပေါင်းရင်းမြစ်များ

BOTHUBO 2:7

Tileno AMPEU Alhou no ayeghi muqo pesu timi lakhi lhoe eno pano pa nigipelo akuxupu tuthu shesu tsu eno timi huye akuxu akeu lhoxu shive.

BOTHUBO 44:30

“Ike akijeu, ningu papu kuxuye appu shou bepe acheni pulaghino tsala pa sasu ningu gholo ighimono ipu lawu wo aye,

SAMUEL AKINIU 1:14

David no pa iniju, “Noye kishipuzu AMPEU no kisheve keu akukau heqhi nikeu amlo kuloghilu kya?”

SAMUEL AKINIU 1:21

Gilboa tolo tsutsughu mu atsuzumu qipuku pemoniu; Tipau qhalo aluza pelono kumsa shivepeniu! Kughengu amlo kiviu zutoqo tileno kuthakugha shi ikiqivepeke; Saul zuto hu teli no suphe movae.

SAMUEL AKINIU 18:3

Panonguno khochile, “Noye nigholo wukepu kumoe. Ninguno povekepu shina momu ningu gholo tuxaye pithivekepu shinamu aghumi ghenguye tipau kumu kiyequkeu shimo nani; ikemu noye ningu gholo 10,000 me nguno amekushoue. Tighenguno noye hilehi aphughilo ngono akukuphu likhi nitsu puwu akeu pavi nani.”

SAMUEL AKINIU 19:21

Zeruia nu Abishai ghi pi: “Shimei ye pithive kuzupu shi anie kughengu AMPEU no akukau shipeniye kishe keu pano ghushoke.”

YEKIKITHI AKINIU 35:25

Tungkupu Jeremiya no Akukau Josiya ghenguno akumlo le lakhi iqiphetsu. Israil lo alekiphemi ghenguno kiptimi na totimi namu kughou panonguno pa ghenguno mloqani keno ale hipau peithani keu khuayeh shiluve. Ale ye akumlole pekike puakeqo gholo ani.

ISAIAH 32:2

Panoqo lakhikhino amlhu launo susholukeu toi nani eno pasapaghalo itshuluke-a toi nani. Panonguye asayeqhalo aghokiti qowu ake toi nani, asutsuni kuhake-alo atuqu kuloghi yekukhu toi nani.

JEREMIYA 39:5

Ikemu Babilon ghushimino panoqo hasusu ighive eno Jerikho phivilo akhila lono Zedekiya kughaluve. Tipathiu panoqono Zedekiya sasu Akukau Nebukadnezar lau sawu, paye Hamat lughi kudau Ribla phughilo aghike, tileno Nebukadnezar no Zedekiya shou hitoi kughakutha shivetsu.

JEREMIYA 52:8

Ikemu Babilonmi ghushimino Akukau Zedekiya papewu eno Jerikho kupunulo aqa lono pa kughaluve, ike pawu ghushimi kumtsu pa qhiveno kohapove.

JEREMIYA 52:9

Zedekiya ye Akukau Nebukadnezar lau sawuve, paye Hamat ghakhulo Ribla phughilo ake eno tilano Zedekiya shou Nebukanezar no kughathabe keu tsa pivetsu.

AKUMLO 2:9

Putukhakeu hukikhaqoye atenino venhape ani; tipaqo khaduye hechhe pinyive. Itehiye kukami ngo kijemi ye kupokichelo ani. Ayezahye shikapiye chemovae eno tungkupmiye AMPEU launo kungunhetsu kuhavae.

EZEKEL 12:13

Ikemu ino ikhame sukho puzu tipau lono pa meluve nani. Tithiu ino Babilon phughilo pa sawuve nani, ikeghi paye tipau ithumla nani eno tilauno thive nani.

EZEKEL 17:18

Paye pa shoqhi ngo visho pano shipuakeu kuboleve. Pano hipaqo thime kumtsu shiveake eno itehi paye povemla nanike.”

EZEKEL 31:17

Panonguno tipau sasu kutami khunoqomi ikiqive akeno tipaqo gholo kumtsaluvenike kithimi yeghiqhalo wu nani. Khunoqomi tipau yekukhu qholo ache keno ashiayehqo gholo hale puwuve nani.”

DANIEL 4:12

Anipaqo ighono juvi eno axathino aloka kumtsu jokha tshunayi pithi eno ayeghiqhalo timi kumtsuno chumu chukhamla kepushia. Aghalo tughashi qono tipau subo kicheqholo zuno akulhoqhi. Aghauqono aloka kumtsulo panongu pusu pesu. Ashi aghau lhoxu kumtsu axathi chumo keu kuha.

HOSIYA 13:10

Nonguno akukau lakhi eno sakiphemi khuke ikemu panonguye kishi puzu noshiayeh xaluni kya?

XAKUTHAMI 9:15

Asahukupu subo huno pi, ‘Nonguno kuchouno ipesu nongu kukau shinishi aye, hilau ighino ikicheqholo ngolo. Nonguno tishimo aye ami pelono iwu sahukupu loka lono ipeghino Libanon lo kedar ghasu mulhavepe nani.’ ”

SAMUEL ATUGHIU 12:3

Ino hile aphi lono tsalatsa ino kiwala kuqupimi puaghi aye itehino AMPEU eno pano kishephetsu keu akukau zulono ingukulu velo. Ino khuwala wu amshi momu gadaha lupuaghi aye, ino pishi piyi puaghi aye momu khuala qodaneda keu shipuaghi aye, ino khuala lau kulugho lupuaghi aye, ino thime hipaqo mlapuaghi aye, tipau thelilo lochileveni.”

SAMUEL ATUGHIU 12:5

Samuel no khochile pi, “Tishi aye AMPEU eno akukau pano kishelukeu pama zulono ishi tsala lono thopi shighi nonguno niye amikuchoe pi phuluvae.” “Iye, AMPEU no ningu wu thopi ke” pi panonguno khochileve.

SAMUEL ATUGHIU 16:6

Kughou panonguno wo a-a tolukeno, Samuel no Jese nu Eliab ithulukelo pa likhi pa putsaghi ishipi, “Timi hilehi puthugho akeu hipauno AMPEU no kishelu keu shi aghinani keniae.”

SAMUEL ATUGHIU 24:10

Olikhi okutoshino hi ithi lumasake itehi atuki lo ngo akelohu AMPEU no okughape iulo sutsue. Iwu timi khamiye oheqhivelo pi ivilo piae, ikemu ino oghenguno amlo satsue eno ishi pive, niye pa ghimemo pive, kughengu noye AMPEU no okisheluno akukau shi anike.

SAMUEL ATUGHIU 24:6

pano pawu timiqo vilo pi, “AMPEU no kishepe akukau shi akeu impeu lau niye kumu au loqhimoni. Niye pa ghime moni kughengu paye AMPEU no kisheno akukau shi anipeke!”

SAMUEL ATUGHIU 26:16

Noye okumlalo tomovae, Abner! Ino xukuau AMPEU jelono tushoqhi pi anike nongu kumtsu thive kuzupu shiae, kughengu nonguno nongu mpiu, khuu AMPEU no akukau shitsukeno tipau khemoe. Julo! Akukau wu angu khile ani kya? Azubohu pa kutsu kumkhu phivilo akeu khile anikya?”

SAMUEL ATUGHIU 26:9

Ikemu David no pi, “Noye pa ghimekepu kumoe! Kughengu AMPEU no khuu khuumu pano kishevekeu akukau ghimekeuye aghime tsuni putsae.