AKUMLO 4:18 - BAIBEL (BSI)

¹⁸ Aghumiye ningu jukuto ake; ninguye alaghila loghi cheiqho iqimlave. Nitsalaye hauve, ashekha tsala ighive.

Sumi Naga CL (Re-edited) Bible (BSI)

¹⁸ Ni pukhune sükiqhe kümtsü timiqo no miqe kehu ni laghila lomu chewu mlae; ni tsala ye kihithavae; ni shekuho ye kupunuvae, kughengu niw kishekha ye ighivae.

AKUMLO 4:18 ပူးပေါင်းရင်းမြစ်များ

JOB 10:16

Ino qhemghai ithuche aye abongushu toi nono ihaqhie, eno akumzapu kumla mla pesu ihakhae.

LESHELE 140:11

Akimki lono kutami pipusa chekemi pelo a-a shilupe kevilo; alhoksa pelo heqhi buqhi chekemi qhive pe eno kutsavepelo.

JEREMIYA 1:12

AMPEU no pi, “Noye achipishi ithuluvae, itsaye kuchouno shikupuni malaye ino huqheju ani.”

JEREMIYA 16:16

AMPEU no piani, “Ino akha kukhami kutomo puwuno timi hipaqo kughalupe nike ighipe nani. Tithiuno ashihami kutomo puwuno naghuto ngo atoghi kumtsulo panoqo haqhipe nani.

JEREMIYA 37:13

Ikemu ino Banjamin khagho tokelo ghushimi tilehi aghukhe shi akemiqo shou akijeu no ilakhaluve, pa jeye Iriya ke, paye Selemiya nu eno pasuye Hananiya ke. Pano ivilo pi, “Noye hipa-a qhive puzu Babilonmi lau wuchenike!”

JEREMIYA 5:31

tungkupumino akimki likhi thono kiumu pi moe; achinemino tungkupumino ahza tsukeu lono ayehpeke; eno iwu timiqono tipaulo kiumu mopikeu kuhae. Ikemu kughono tipaqo kumtsu kuhaveni keno panonguye kishi nani kya? “

JEREMIYA 51:33

Paikhavi lono aghumino panoqo ghitha pinyive nani eno aniqalo athi toi panoqo qoleqhi nani. Ni, Aqokitikhi MPEU, Israil Lhou no piveake.”

AKUMLO 3:52

“kiu lonomu imithi kepu kuha keghi aghumino aghau lakhi toi ikhasuluve.

EZEKEL 12:27

“Thinikuau timio, Israilmiye nono kungunhetsu ithulukeqo eno tungkuptsa pikeqoye ighini keulo ghenguno kepi kumsu akhanike.

AMUS 8:2

AMPEU no pi, “Amus, noye kiu ithulu ani kya?” “Axathi ashoghi lakhike,” ipi ino khochile. AMPEU no ivilo pi, “Iwu timi Israilmi ghenguno kishekhave kepu ighivae. Niye panoqo ghimeqhiniye kumsupu akeu kilivemoake.

SAMUEL ATUGHIU 24:14

Julepi Israil kukau ye khuu heqhiniye pukaputsa ani kya? Julo, paye khuu hakuqo cheni kya? Atsukithi hacheni keo, ahi hacheni kya?