AKUMLO 4:1 - BAIBEL (BSI)

¹ Niwu shunayi phuphuikeu huye nhaquivae; Achineki tuquqoye alaghilalo tuleqhi pesu ngo akhani.

Sumi Naga CL (Re-edited) Bible (BSI)

¹ Ameshoyi ye kishi thibuiva, thakimtheve keu meshoyi ye kishi kiliva kelae! Alaghila kümtsü lo akimthe tuquqo ye apanaghavae.

AKUMLO 4:1 ပူးပေါင်းရင်းမြစ်များ

ISAIAH 1:21

Aphughi amikucho shi achekeu huye kutuqhalimi ilhouvae! Ghuthu lakhiye tipaulo timi akumzumino chhitoi acheke ikemu itehiye ghikiqhimi likhi acheuvae.

ISAIAH 14:12

“Babilon kukau, inaqhe yepu vuqai chekeu, noye kungugha lono ikiqivae! Wovekeu tsalaloye nono ashiayehqo leluve cheke ikemu itehi noye ayeghilo kughape veqhivae.

JEREMIYA 52:13

Jerusalem lo pano Achineki ngo Akukau kighiki eno timi akhotomiqo ki kumtsu pitilevetsu;

AKUMLO 2:19

Puthotsu anguno anguno idaithu puzu AMPEU lau ighamukulo; Nomlo ghuju azu toi leqhilo eno notianuli kimiyeqhiyipe nike qhuinijulo; Alaghila acheku kumtsulo itimiqono akhuavashi thi ani!

EZEKEL 22:18

“Thinikuau timio, Israilmiye kumtsu igizulo abaghu toi avehupu kuhavae. Panonguye pitikeu bolo tsandiyi ghukimthe keulo abaghu jeli alazayi, tinyi, ayi eno akusayi qhivekeu toivae.

MICAH 1:6

Tighenguno AMPEU no piani, “Ino Samaria pesu aluzalo ixapinyi vekeu muqo lakhi shitsu nani, atsayibo shokusu a shivetsu nani. Aphughi tuleqhive keu bazu abokhuqalo lepiqi nani eno aphughi shikeu boqha nhamono ithulupe nani.

MATTHEW 24:2

Panongu vilo pano ishi pitsu, “Nonguye hipaqo kumtsu ithulu ani kema? Kuchouno ino nongu vilo pini, hile atu lakhimu lakhi shou bepe ngo move nani, hipaqo kumtsu tule qhive nani.”

Mark 13:2

Jisu no khochile, “Noye aki kuloghi hipaqo juani kesha? Hile atu lakhimu lakhi shou bepekile move nani hipaqo kumtsu tuleqhive nani.”