AKUMLO 3:56 - BAIBEL (BSI)

⁵⁶ Ighugha initsulo pi ino oqhuiniju keulo nono chilutsuke.

Sumi Naga CL (Re-edited) Bible (BSI)

⁵⁶ I no qhüiniju keu Nono chilu tsü, ‘I no akukuphu ghenguno ighamku kelo O kini kiyikhave kevilo!’

AKUMLO 3:56 ပူးပေါင်းရင်းမြစ်များ

YEKIKITHI AKINIU 33:13

Alhou no Manase kighini ikhiluve tsuno tipau khochiletsu no pa pelo Jerusalem lo idewolupe eno ayeh pekithelu peke. Hipau lono AMPEU ye Alhou kepi Manase no mutsumishei ithiluve.

YEKIKITHI AKINIU 33:19

Akukau no inikhu keu eno Alhou no tipau khochile keu eno pano xaideighi mphi lo axineqo shipe puakeu, tiye pano alhoksa kumla shikeu, asu-atu kumlla-a eno Ashera julho pano shikeu eno ajulho pano mlla chekeu kumtsu Tungkupmi Xughili lo yekike puani.

JOB 34:28

Eno panonguno kumlhomi pelo ighamuku susu Alhou lau ighipe kehu, Alhou no kumlhomi no ighamuku akeu chilu tsue.

LESHELE 3:4

AMPEU vilo ino ighamuku igha, ike pano pawu akimthe toghi lono ikhochile.

LESHELE 34:6

Akukuphu kuhakemino paku ighi eno pano khochiletsu; shiluksa kumtsu launo pano panoqo xalue.

LESHELE 5:2

Ikukau ILhou, ikuphupenike ighamukukeu initsulo; kughengu olau ino inikhu anike.

LESHELE 5:3

O AMPEU, nono inaqhe isutsa chilu ani; ino inaqhe akumllagho oghengu no kutope ani eno olaju khe ani.

LESHELE 55:1

O Alhou, ikighini initsulo! Ino qhuinju akeu lono inizuve tsu kevilo!

LESHELE 55:18

Ino ighumi kutomo sasu aghushi ake lono pano ingulho xaphe suwo lokughuno tsu nani.

LESHELE 55:2

Ilau ighowo inilo eno ikhochile tsulo; imlokusano niye lhovae.

LESHELE 66:19

Ikemu Alhou ye kuchouno ikighini chilutsuke; pano ikighini sutsa kudau kugho ighitsu ke.

ISAIAH 38:5

“Ni AMPEU, osu David Lhou no okighini chiluvea eno onhezu ithuluveake; ino opelo itaghi ampe chighipungu alau xupeni.

DANIEL 9:17

O Alhou ikighini eno qhuiniju akeu chilu tsulo. Ochineki hexavekeu hu suchile sughi tsulo, tipau ithino timi kumtsu noye Alhou ipi ithive penike.

Rommi 8:26

Tipaphi lono Aghungu no ninguno tomo-chhimokeulo ningu kuphu cheni, kughengu ninguye kishi inikhukepu keno ninguno mthae, ikemu Aghungu ampino atsa shephemlakeu kusu ghugha lono ningu she-pe-ghi Alhou vilo qhuyiniju acheni.